(( ليش بنات اليوم مايعرفن للمرقوق ))
نعم ليش ليش؟؟
انا مدمن مرقوق وخاصة على لحم حاشي وباذنجان اللي هو الديبجان
وانا هالحين صابر على ام فهد ماتزوجت عليها لاني ادري ان الزوجه
الجديده ماتعرف تطبخ المرقوق00 لان بنات هالوقت جيداتن بس
بالفطاير والحلويات وهالمواكيل اللي عجزت احفظ اساميهن وهذي هي اللي
تخلي الوحده منهن تقل بعيرين مربوطاتن جميع ماتدري وين وجهها من قفاها0
يعني مافيه امل اجمع بنت حليوه مع المرقوق بغرفه وحده؟
يعني اما ام فهد والمرقوق او بنت حليوه بدون مرقوق؟؟ يعني يرضيكم هالظلم
هذا بحقي ياعجايب بنت الشايب؟؟ انا ابي اعرف ليش وش الصعوبه بطبخ المرقوق؟
حرام عليكن فقدت شبابي الزيزفوني وانا انتظر بنت حلوه تجدد شبابي من جديد0
وادري انه مايتجدد بدون مرقوقه00 ياملات الهشله الى متى وانا صابر؟
ماراح اتزوج وحده الا معها شهادة مختومه من عمدة الحاره ومطعم التراث انها تضبط المرقوقه0
يعني خلاص مكتوب علي اعيش عمري مع الموديلات النسائيه القديمه000
وشلون تبوني ابدع بالتاريخ والشعر وانا هذي حالتي تحت الظلم والاضطهاد 00
[poem=font=",6,black,bold,normal" bkcolor="transparent" bkimage="http://www.shmmr.net/vb/mwaextraedit2/backgrounds/5.gif" border="double,4,black" type=2 line=0 align=center use=ex num="0,black""] زوجه ولا تعرف تسوي مطازيز=ولا تضبط الحاشي على قدر مرقوق
ودك تـطـق جـنـوبـهـا بالـبـروايز=وفنجـالـهـا فـي جلسة البيض مدفوق
وش تنـفـع الكشخه بزين البلاليز=ان جـاء عـشـاهـا دايـم الدوم محروق
دامي لـقـيت من العجوز اللعاويز=صابر وانا جوفي من الـغـيـظ مفـتـوق
وحرمت روحي من عيون البزابيز=حيث انهن بالطبخ ماعندهن ذوق[/poem]
رد مع اقتباس
...
...
المفضلات