إذا كنت سعودي تفضل بالخشوش "
استخدامات سعودي "على بطنه" يعني مابها إتيكيت أو مودرن :
*المفتاح: لتشغيل السيارة وطق الباب وحك الأذن وتنقيش الأظافر!
*البوري: يسلم وينادي ويهاوش به!
*الجريدة: يقراها وسفرة وأرضية لدروج المطبخ وينظف القزاز ولياضاقت بالمرة تصبح الجريده لتنشيف زيت المقالي!
*المركى: يتركى عليها وطاولة للتلفزيون والكيرم واللاب توب ويطق عليها ظهره ! وإذا صعب الوصول لأي غرض ما فإن المركى تسهل ذالك>
*الزبيريه - الله يكرمكم -: يلبسها ويصيد بها براصي و تنبيه للخطا للوغدان وليا خربت سوى بها نبيطه وتستخدم الزبيريه لرد الباب حيث تجعله لا يصفق من الهوى !
*المعلاق: يعلق به ويضرب به وأريل تلفزيون.
وللسعودي حركه سحريه بالمعلاق مما يجعله أداة تلزيخ مؤلمه
وربط بين شيئين عن طريق اللوي ! ولفتح المجاري أكرمكم الله ،،
*الكفرات: يحولها مراجيح وعلامه لمفرق المخيم وزريعه بالحوش وحمام فرنجي بالبر! ولتحديد مساحات الأراضي <الدبابات>
*السكين: غير أستخداماته في المطبخ من تقطيع وغيره يستخدم في فتح البيبان وفك براغي الالات وكوسيلة دفاع عند العرابجه من أبناءنا الأحباء،
*طلاء الأظافر(المناكير): يستخدم زينه للأظافر و يوضع على حديدة الساعه من الخلف منعا" للحساسيه ، كما تستخدمه أمهاتنا في تعليم قدورهن حتى تفرقهن عن قدور جارتنا.
الخزانه: يضع الملابس فيها و الأغراض واحيانا" كثيره الكتب المدرسيه والثقافيه : وإذا خربت صارت أرضيه لنشر التمر تحت الشمس * وتصبح الخزانه إحيانا" سبوره لبنيواتنا العاقلات للدراسه والتسليه >>
وتعلق عليها الجداول والمواعيد.
*المصلى = للصلاة وذكر الله. مفرش لطاولة الكوي . وتغطية الوغدان وقت الأزمه . وعلى طاولات عيالنا الشاطرين عشان مايغشون في المدارس ويستخدم عند بزراننا في لعبة حريم حريم يلفونه ليصبح مثل الطفل الصغير. وأحيانا" يغطى به الأبريق عشان مايبرد .
البنس : مشابك الشعر :
غير أستخداماته في الشعر عشان ما يكنفش : لفتح افياش الكهرب أمهات ثلاث بخوش = فتحات = وفتح البيبان.و يحل محل أعواد الأذان بتغيطته بالفاين ..!
ختاما": ياليت يافلاويه أي أحد عنده أستخدامات غير المذكوره أعلاه .. يتفضل و يضيفها الله لا يهينكم .. طبعا" كل هالأستخدامات أنا مسويتها أو أحد من أهلي يعني مابه زعل وغير كذا ترى إن دل هالموضوع يدل على ذكاء الشعب السعودي و تحليله لأم أغراضه وإنه شعب أقتصادي ومايحب البذخ والشطح اللي مالوش لزمه!
بس انتم قولوا لاإله الا الله على ذكائنا !
و يكفي فخر إني مسلم وزياده سعودي >> وأن طيبي ورثته من سابع جدودي "
رد مع اقتباس
ياهاهاهاهاها
المفضلات