[poem=font="Simplified Arabic,5,black,bold,normal" bkcolor="transparent" bkimage="backgrounds/15.gif" border="double,4,black" type=2 line=0 align=center use=ex num="0,black"]
ماهمني يالبوم هرج المطافيق= اتموت في غلك على الكذب مذموم
هافي مقامك ماتطول المطاليق= وعلمك اخبرّه ماني ابحاجة اختوم
والشاهد الله مانقول التلافيق= يالعايب الي للمواجيب محروم
ورع ٍ على حمل الرجاجيل مايطيق= ومفخت تقاليد العرب عرف واسلوم
وطامن ولو حلقت عالغيم تحليق= مايدهل العليا ضعيفين وارخوم
اهل الفشيله مكثرين الخثاريق= تشوف البشر كله معادين واخصوم
أصعب مرض شفته ببعض المخاليق= قل العقل والفكر بالخلق مسموم
وياخبل لاتحرث وهد الطواريق= وخل النسب لااهل النسب درس واعلوم
كل العوارف تحفظ العلم توثيق= الحر تشهدله وتاطى على البوم
والهافي مايرقى سنام الشواهيق= عند العرب نذل ٍ على الخشم مرقوم
ولو داج كل الارض غرب ٍ وتشريق= الناس تدري ميـّت العلم مايقوم
لكن نصيحه من صميم المعاليق= خل المحارش منت قادر على القوم
وخلك على رندى ولندا توافيق= هذي جفت وهذي تبادلك بحلوم
[/poem]
رد مع اقتباس
المشاركة الأصلية كتبت بواسطة قمر اللــيل
المفضلات