هكا اليوم كنت بالدوام
وموقفن سيارتي بالموقف
يوم جت الساعه حول العشر وهو يدخل علي الهندي قال مدير تريلا صدم انتا سياره
وهو يطيح قلبي
قلت الملويه انعدمت
ويالله اقوم ابي اشوفه
يوم طلعت من المكتب ليمار العمال والسواقين مجتمعين عند سيارتي
بغيت انصفر قلت راحت ملعونة الرقبه
يوم جيته ليمار بس دقشه بالرفرف
وهو يجيني هكا الشايب السعودي
قال يا ولدي اطلب اللي تبيه
قلت ابي بيت وسياره وفلوس
وش ابي يا عم هي كله لو تجمعه ما تسوى شوفتك ( ابي الفرقا )
قال والله الا تطلب
قلت يا عم ابي سلامتك
وانا اكرش العمال قلت يالله العن الله ابو هالشدوق فرحانين بالشر
وانا اروح للمكتب
يوم خذيت شوين وهو يجيني الشويب
قال يا ولدي انا عندي شبك بوه اباعرن لي وقريب من هنا
وابيك اذا طلعت من دوامك تجيني نتقهوى عنده
قلت ابشر يا عم اجيك
والله يوم طلعت من الدوام وانا اروح لوه
وهو يجيب لي صاست حليب
قال اشرب
قلت ادخل على الله ما اشرب حليب النياق
قال والله الا تشرب
قلت يا عم لا تحلف ما اشربوه
قال علي الطلاق من ام عيالي الا تشرب ( ياحول يحسبن مشتك )
قلت ابشر ولا يهمك امري لله
وانا اشرب لي شوين قلت هذا عن حلفك
قال اشرب
وانا اشرب
واشرب
واشرب
يوم خلصت وحنا نقوم نسولف
وانواع الوناسه بهكا الجو الطيب
يوم خذيت شوين ( ؟؟؟؟؟؟ )
يالربع وهو يقوم يرتعد بطني
( !!!!!! )
قلت الله العالم اني توهقت
قلت يا عمي انا الحين ابي اروح تخبر البيت ما جيتهم واخاف يخافون علي
قال لااااااا الليله عشانا هنا
قلت علي ما علي ما اتعشاء الا بالبيت
ياعم الله يسلمك ماني مشتك وهالنوبه اسمح لي علشان كل يوم اجيك
قال مدامه هاللون مايخالف
وانا اروح
يالربع
ههههههههههه
لا تشربون حليب النياق انحاشو
وتقلدوا تحيتي
المفضلات