% رحبوا بأخوكم العائد %

**الشبث** · 01-08-2008 17:37

قبل اقول لكم وش السالفه ومنهو العائد

ابي اوصل لكم معاناتي

يالربع قسم بالله بغيت اذبح روحي

تمنيت لو عندي سم فيران ولا دريل اخرم مخي ولا اي اداه حاده اخلص من هالمغثه

والله من اليوم وانا احاول ادخل هنا ولا فيه امل

والمصيبه اسمي موجود

بس انا برا

من اليوم وانا اكمخ روحي بالنعله ليما فكوني ابو هنود ( عزالله ذيابه مهم مثل ابو بنقلا )

المهم

اليوم جايكم وجايبن لكم بشاره

ومهي اي بشاره

بشاره من العيار الثقيل امهات خمسمية قيراط

عضو مميز

كان له لمساته على فلة الحجاج والتي لا تزال باقيه

ممكن يكون اكثرها وضوحا انه مصمم ايقونة من الايقونات اللتي تتميز بها مضائفنا
( اللي لابسن شماغ )

عضو من كبار الفله

من الاعضاء اللي تعلمت على يديه ابجديات الكتابه

اخلاقه قمة

كتابته مميزه ولا تحتاج مني لشهادة

اسمه رغم الغياب الا انه لا يزال باقي

وخالد في قلوبنا

ولو لم يكن عزيزا علينا لما سعيت في ارجاعه الينا

اعتبره ثوره في فلة الحجاج

سبق وان مسك الاشراف على فلة الحجاج في عصرها الذهبي

والان يعود الينا ونحن في امس الحاجه اليه

موقف يبرهن على اصالة معدنه

رحبو معي بالعضو القدير والعزيز

(( مفتاح 14 ))

وتقلدوا تحيتي

**أبوطروق** · 01-08-2008 17:46

ياملا العافية يالشبث

قسم بالله إني قلت عساه مفتاح14

أنا والله ماعرفه لكن من كثر ماقريت مواضيعه القديمة اغليته

ارررحب يابو14 والحمدلله على سلامتك وانشالله ماتقاطعنا

أبوماجد هو متى يشرفنا أبي البس بشتي وآقف على باب الفلة

:

**الكاسح@** · 01-08-2008 17:52

ما أخبرك كذا يا (( الشبث )) لكن شكل أبوهناد أثر عليك والسالفه ما هي كذا أنت دخلت المضايف تبي تقول شيء لكن عقب الضرب والمشكله اللي صارت $$ شفرت $$ الله يعينك على نفسك.

<< لا حول ولا قوة إلا بالله >>

**يـــوسف** · 01-08-2008 17:58

أبووووووووووووو ماجد قول وفعل ..........

وعدتن أنك تجيبه وأشوا جبته بس دامك بغيت سم كان داق علي

حياااااااااااااااااااااااااااااااااااااا اااك الله يامفتاح 14 وإن شاء الله تكون آخر الغيبات ..والشبث تكلم عنك وقرينا لك مواضيع ونتمنى نشوفك بموضوع جديد ونبيك مستشار لنا بعد

ننتظره وينه يالشبث تر الدله حاره ماسكه بدون بيتس ذبحن الهياط ههههههههههههههههههههههه

**الشبث** · 01-08-2008 18:05

[align=center]
ابو طروق

تسلم يالذيب

واخونا مفتاح 14 راح يشرفنا يوم السبت بكرى

لانه اليوم مرتبط بزواج

ووعد انه ينزل موضوع

وخلك مستعد يالعزوه

وتقلد تحيتي
[/align]

**ريال الفسحه** · 01-08-2008 18:13

قسم بالله لوه وحشه

ياخي ليه احس اني اعرفه وانا ما اعرفه

مفتاااااح تعال جااااااااااي اغديك تفكن من شنقل والشبث ياولد
مقرد يقردون الواحد وهو مايدري

**ابو خلوف** · 01-08-2008 18:17

هذي والله الساعة المباركه

وعقبالك يابوطروووق اذا انك قررت اعتزال الفله

نخلي شبيثان يرجعك

**المسافـر** · 01-08-2008 18:23

[align=center]
هلا وغلا اسفرت و انورت

مشتاقين من قلب اخوي مفتاح

من كثر ما اقرا مواضيعك اللي قبل اغليتك

و من كثر مايسولف بك الشبث اغليتك اكثر

و الغايب مهما ابعد لازم يرجع و انت الحين ترجع

و كل اللي بالفلة ينتظرونك على احر من الجمر

و المنية لقائك يالغالي

و الشكر موصول لاخوي ابو ماجد

الله يجزاه بالخير اللي جمعنا كلنا بهالمكان الطيب

ابو ماجد همسه في اذنك

كم انت كبير ايوها المروح

اخوي مفتاح 14

دمت صديقا لي و عشيرا لشنقل

عساك على القوة
[/align]