(مقطتطفات شعريه)
السلاااااااااااااااام عليكم
واليكم مقطتطفات شعريه اتمنى
ان تحوز على القليل من رضاكم
\
\
ترفعنـي الشيمـه وعـز النفـس.. والـذل يهـبـا
أنسى أني احني هامتي واعيش في عينـكـ.. صغيـر..
يغنيني الله عن ذهـب كسـرى وعرشـكـ.. ياسبـا
وش زين مجلاسي تحت سقف السعف فوق الحصير..
أحسب فصولـكـ.. يالسنـه زرقـا وغبـرا وشهبـا
ومجهم ولاللعبـد عـن ماقـدره ربـه مطيـر..
كـم كريـم من شـح دنيانـا علـى كفـه حبـا
وكم من لبس فيها السمول الباليـه عقـب الحريـر..
ولاينصـف الفـلاح باللـي بـدده طيـش الدبـا
مـن الحلـوم الا يلـوذ برحمةالـرب البصـيـر
كل حرفٍ مـن قصيـدي .. يحتـوي معنـى كبيـر
كل ( بيتٍ ) فيه ( معنى ) .. وكل ( معنى ) في شطر
ماترجيـت المدايـح .. مـن كبيـر ومـن صغيـر
ويش ابي بمدحٍ يجيني .. مـن ورى اكتابـة شعـر
لعنبـو حـي القوافـي .. لابغـت تطلـع .. كثيـر
مير ابفهقها .. . واجيكم .. بالكـلام ..المختصـر
الرفيق إن طال وقته لا تحاتي وكل غايب
حجته دايم معاه ولا تقول فلان وينه..
ولا تكابر بالمصيبه لا حكوا بأغلى الحبايب
قول غالي وكل غالي ((تكرم لعينه مدينه))..
والبلا و أكبر مصيبه لاتناسوكـ.. الحبايب
وتصبح الدنيا ظلام.. وتصبح اللحظه لعينه..
وقتها لا عاد ينفع لا عتاب ولا طلايب
والزمن والحظ الأقشراتركه واترك سنينه..
خل نفسك على الدنيا..عزيزة مقام
لين تصْغر مقامات العرب..دونها..
واحترمها وجنبْها..دروب الحـرام
وتْهذْب..وتمشي لك..على هونها..
واحذر تطيعها وتفكـ.. منها الخطام
تستذلكـ..وخلـق الله.. يذلونهـا..
خابره قلبي علـى همّـه صبـور
ما شكا درب العنا وطول المساري..
لو يشين الوقـت والدنيـا تـدور
باقيٍ بالطيب نبعـي دوم جـاري..
ودامني بالعز والـراس معمـور
لو يطول البرد ما طفّيـت نـاري..
والحرار أشكالها غيـر الطيـور
والصقر ياهيه مو مثل الحبـاري..
ياقلب ما كل القـلـوب السـلـيـمــه
فيها من الطيبه كثر مالله معطـيـكـ....
ياقلب لو أهل العقــول السـقـيمــه
عابو عليكـ.. وحطـوا المشكـله فــيك..
ياقلب عادتكـ.. الصفـات الكـريمـه
على الكرم والطـيب جـدك مـربيكـ..
وهبكـ.. ربي هالصفـات العـظيمــه
نعمه ومهديـهـا من العـرش واليكـ..
(ياقلب لاتحـزن) لـهرجة نميمــه
لا تتعبـك ياقـلب هــرجة معـاديــكـ..
ياقلب من لا يسـتحـق الحشــيمــه
خلـه مـحلـه لا يقــرب تـــوالــيـــكـ..
ياقلب فعل الطيب مكسب وشيمـه
وفعــل الـردى للشـــر لا لا يوديكـ..
ياكثـر نـاسٍ ،، تحـاول تنتقـص قدري
تظهـر لي الطـيب..’’ وَتخـفي لي عـداوَتهـا..!
هُـم مـاقـدروَا طعـن صدري..وَاطـعنوَا ظهري
بـ ســـيوَف غـدرٍ.. حشى ما احـسّ طعنتها..
هم حـاربـوَني ســبب طيـبي .. سـبب طهري
هـم اسـتغـلّوَا صفـا نـفسي وَطيـبتها..
لابُــد يـجلي ظــــلام قـلوَبهم فـجري
وَالقــصة اللي بـــدت أعــلن نهايتــها
احسم الوضع لا تبقى بوجه الهبوب
لا تضيّع زمانك خلف هاك السراب..
كل كسر يداوي كود كسر القلوب
لو تحاول تداوي زاد فيها العذاب..
رحت صدقت كلمة في زمانٍ كذوب
انخدعت بكلام الناس وانا شباب..
كل دقة بتعليمه وترجع تتوب
والليالي تعلم لو صوابه صواب..
: شتّـى بالشـيـم .. والمعـرفـه .. والمـنـزلات
............ امثال : لكن بالأمـور السالفـه ماهـم .. مثيـل
لـولا اختـلاف احوالهـم مـا بـانـت احــوال الحـيـاة
............ولولا اختلاف عْقولهم مـا بـان بالدنيـا هبيـل
ولولا اختـلاف اخلاقهـم مـا شفـت فـي (مكـه) قُضـاة
............وما شفت في كثر اختلاف اخلاقهم (شر ٍ) يهيـل
أجناسهـم متفاوتـه .. شكـل وشكـل .. واصــل وذوات
............ واهدافهم أيضـاً بعـد متفاوتـه .. ذات الشكيـل
أحـد ٍ يساهـر همّـتـه واحــد ٍ بــلا هِـمِّـه يـبـات
............واحد ٍ غناته عزته واحـد ٍ مـن المغنـى ذليـل
واحـد ٍ تكـوده (حاجتـه) واحـد ٍ (يـحـوج) الكـايـدات
............واحد ٍ تملّـه غايتـه واحـد ٍ بـلا غايـه مليـل
ماني بشيطانٍ خرس ...والحق لازم أذكره
أيه أذكره... واللي عقد روس الحبال يحلّها..
وترى الكذوب لياحكى... تلقى كلامه فشخره
يسرد عليك ولايمل...حتى لوأنت تملّها..
والسالفه لاقالها...لازم تجيك مبهره
ولامن قضا تبهيرها...في وسط راسك سلّها..
كلام كله مسخره..في مسخره..في مسخره
وإن كان تبغى تستريح...ياصاحبي شكلّها..
أما أنا ياصاحبي...ماحب كثرالثرثره
والسالفه.. لاجت غلط...ماضنتي أمهلّها..
أنا قبل مانطق خطأ...فمي لزوم آسكره
واقطع لساني لونوى...في كلمةٍ يزلّها..
بس الصراحه للأسف!!!في هالزمن مستنكره
وأهل الصحيح بهالزمن...مع الأسف ياقلّها..
الزمن لا صار ضدك واحتوى درب المصايب
لا تحاول تنكسر لــه لاتـزيد الطــين طــيــنه
للزمن حكمه غريبه تحكم بدرب الــصعايب
وياكثر من ضيع الفرصه وهي فرصه ثمينه
عــزنــفــسـكـ في زمانك لا تقول: الحظ خايب.!
وسق عمرك للمعالي وأكـسر النفس الــحزينه
والطريق اللي تشوفه يـرسم للدنيا عـجايب
" مد يدك في طريقه لــين ما تمسك يمـينه"
هَـــبْ نســـنـاس المــودّه لـــلشــمـال
وأرتمـا ريح الغـلا فـ أحـضان أجــا
وإنهــزع ورد المـشاعــر لـك ومـال
وطـأيـر ألأفــراح بألـحـانه شـجـا
يـا هـــنـوفٍ دوم تـزهـى بالـجـمــال
وشـمـعةٍ تضوي لـنا لـيل الـدجـا
جـعــل مــنـتي يـالــحــبـيبـه للـزوال
وليت ربـي ما يخـيّب لـك رجــا
قــلـتهـا من قــلب صـادق يـوم قــال
ومن ضمير اللي غـرامك به لجا
لايهمّـك هـــرج مـن بالهــرج عـال
ولايـهــزّك فـي كــلامـه لـو هجـا
كــلّـنا نـفــــداك فــي روحٍ ومـال
و مـن نواك بســوء ما ضـنّـه نجـا
ديرتي .. دار الكرم عـذرا الشمال
حــايل .. وعـنوانهـا سلمى وأجـا
رد مع اقتباس
المفضلات