من أجمل الصور التي تميز حائل عن غيرها .. بدا هبوب الشمال ..!!

[طاب الخاطر]

السلام عليكم ورحمة الله وبركاته
تمتاز مدينة حائل عن غيرها بتنوع التضاريس
وما يميز حائل أنه في كل اتجاه تجد متعه تختلف عن الأخرى
فمثلاً في الشمال ( النفود )
وفي الجنوب ( الجبال والأودية )
وفي الغرب يم طريق حبران والمسما تجدها مجتمعه
وفي الشرق طرق القصيم تجد الأثار والمزارع
وما شدني لكتابة هذا الموضوع هي هذه الصورة
تذكرت هبوب الشمالي على الطعوس

أكتب تعليق لهذه الصورة الجميلة

في أمان الله

[أبوطروق]

ياحلولات من شربله فنجال بهالبيت وعقبه فدع بله جحه

مشكور اخوي طاب الخاطر على المعلومات والصورة المميزة

:

[ابو خلوف]

ياما حلا شوف بيت الشعر مبني >><< وزينات الازوال مفروشه





اخخخ يازييين حايل









والله يا انا وله عليه




مشكور اخوي

[نافع بن طواله]

والله انا من شفت الصوره ما انتظرت اقرأ المطلوب على طول طرا علي البيت اللي يقول (( ياما حلا القيلات ))


هذه القصيدة لعبد المحسن بن حمود الهذيلي اطال الله في عمره , وقصتها انه في احد الايام وفي عام 1401هـ كان عبد المحسن الهذيلي وبندر السبهان وسليمان الشبرمي وفرحان بن سعيد ومعهم سالم الشبرمي وعيسى الناجي الحربي وعبد العزيز العبد المحسن الهذيلي واخرين لاتحضرني اسمائهم اطال الله في عمر الحي منهم ورحم الله الميت , كانوا طالعين قيلة بين اللغف وأم المسايل فقال أحدهم ان هذا المكان وبحضور هذه الوجيه الطيبة الكريمة يستاهل ان تكتب فية قصيدة فقال عبدالمحسن الهذيلي هذه القصيدة :-



[poem=font=",7,,normal,italic" bkcolor="transparent" bkimage="" border="outset,4,white" type=2 line=0 align=center use=ex num="0,black""]
ياما حلا القيلات باطراف حايـل =في ظل طلح ٍ والمكيف طبيعـي
بكناف حايل والجبـال الهوايـل =اللي كما الجوهر حصى كل ريعي
لاصرت بين اللغف وام المسايل =وجليسك السبهان وايا القويعـي
بديار شمـر كاسبيـن النفايـلال =لي لهم عصم الشوارب تطيعي
باجاء وسلمى مكرمين السبايـل =امجادهم من قبل دور المنيعـي
اللي حموها بالسيوف الصقايـل =شمر هل الطولات ريف المجيعي
اهل الجبل وافين لاكـال كايـل =ولولا السنا كان القدايم تضيعي
مافيه شك ولاتبـي قـول قايـل =وحتى معشي الذيب فعله يضيعي
وراعي جفيفا من خيار الدلايـل =وغضبان والمجفي وولد القفيعي
وياما وياما لو نعـد الفضايـل =ما يحصي الكاتب لها والمذيعي
وادخل على الله مانسيت القبايل =مار إن شمر لي ربوع ٍ ذريعـي
مناثر البـن الحمـر كالنثايـل =عند البيوت اللي قراهم ربيعـي
اهل المناوخ بالسنين السحايـل =ترفع لهم بيضاء بصوتٍ رفيعي
وصلات ربي عد ما قـال قايـل =على النبي الهاشمـي الشفيعـي
[/poem]



عبد المحسن بن حمود الهذيلي

[المسافـر]

آآآه ياحاااايل

شكرا طاب الخاطر

عساك على القوة

[ابو ضاري]

بيض الله وجهك على الصور الحلوه

[شليويح]

يعطيك العافية .... على طول حفظ الصورة

[طاب الخاطر]

ياحلولات من شربله فنجال بهالبيت وعقبه فدع بله جحه

مشكور اخوي طاب الخاطر على المعلومات والصورة المميزة

:

جزاك الله خير
شاكر مرورك الكريم


في أمان الله

[ريتاج]

اااااه من زماان ماخيمنى حنى وعماامي......... تذكرت المخلاااف

يممممه قمه الوناااسه


مشكووور اخووي ومااقصرت وعسااك عالقوووه......

[غالب]

بس هالصوره يخي حايل كله جمال وحلات وكرم أحسن من الرياض وزحمته