الحرامي صار مجني عليه
السلام عليكم ورحمة الله وبركاته
خلوني ابدا بالموضوع على طول بدون مقدمات
هذي قصه عن رجل كبير بالسن يوم الجمعه راح يبي يصلي صلاة الجمعه
مدري وش طراله ورجع للبيت مسرع ويم وصل للبيت
ومير يلقى رجل طاب بيته وقاعد يغتصب بنته
قام الرجل وطلع مسدس عنده وطخ الرجل
حكم على هالشايب بالقصاص
يعني والله العضيم شي يقهر
وهذي قصة لاحد اصدقائي
انهم ذاك اليوم قاعدين بالستراحه مع الاهل
ومير يسمعون صجه عند الحريم و وجو مسرعين
ويلقون هاك الرجل الي طاب بالاستراحه ويصور الحريم
ويهج وملاحق طاردينن وراه ومسكوه وتمردغوا بطنه
وسلموه للشرطه اثر هالي ممسوك اشتكى عليهم والحين ثلاثه من عيال عمه بالسجن
وهذي قصة صايرتن للعمي
يقول ونا عند الصرافه ابسحب فلوس
الا والي وراى يحط السكين وراى رقبتي ويقول اسب لي خمس تالاف 5000
يقول ونا وياوه اتحرى اللحظه علشان امسكوه
ويوم شاف انه ابعد السكين اشوي
والى ويجيه هاك الكوع الي طيح ثلاثة من سنونه
وراح وسلمه للشرطه والا وهاك الرجل يشتكي عشان السنون الي طاحة
وطلب تعويض عن كل سن خمسة الاف 5000 وصارن خمس طعش الف 15000
وما باليد حيله وسدد له
يعني ياجماعة الخير يعني لو صار لنا موقف مثل هالمواقف يعني وش يبوننا نسوي
لا وش عذر الشرطه >> ليش ماتبلغ
نبلغ وين وحنا وين يبوننا نصير لقمه ــــــــــــــ>>>الكلمه الي بعده اعرف انطقه بس ما اعرف اكتبه
فا اعذروني على الاطاله لاكن شئ بالقلب ولازم يطلع
رد مع اقتباس
المفضلات