مساكم الله بالخير
يالربع
فيه واحدن من خويانا هنا كتب موضوع ويوم خلص وجاء يبي ينزل الموضوع
وهو يفصل الاتصال عندوه
وهو يجيني بالماسنجر لوه مشاهق هههههههههه
انا قلت الله يستر تسان مهو جايوه علمن مهو زين
قلت يا فلان وش العلم
قال بالله دبر لي ابرة هروين ابي انتحر
قلت ياملا الماحي وش قالو لك بياع ولا مهرب
قال ياخي موضوعن كتبتوه ويوم جيت ابي انزلوه فصل الاتصال
وتقديرا لخوي وجهوده هالسالفه اللي ابي اكتبه لعيونوه
وسالفه صحيح ولا به ولا حبة ملح ولا بهارات
......................
يالربع قبل كم سنه
ويوم كان عمري حوالي 14 او 13
كنت جالسن مع خوياي بالحاره وسوالف
وكانت الساعه حوالي 11 بالليل
المهم يوم خذينا شوين وهي تجينا دورية ( شرطه )
وهو ينزل العسكري قال تعالو
وحنا نروح يموه ( بين الهادين )
قال انت رح وانت رح وانت رح
ليما بقيت انا وخوين لي ثاني
قال انتم الثنين ارتسبو بالدوريه
( هو قال هالكلمه )
وماتشوف الا غبرتنا
وهم يلحقوننا
انا طبعا سيده للبيت
وخويي هذاك مسوي فيها ماوكلي
يبي يتغيب بين الشجر
وهم يمسكونوه ويالله يطلعونوه من الشجر
وهم يجيبهم لبيتنا
انا يوم شفته هاللون قلت مافيه داعي للمقاومه اسلم نفسي ازين
وهم ياخذوننا ويودوننا للقسم
وهم يدخلوننا على الضابط
يالربع
يا جماعه
الضابط اول ما شافن قام من كرسيه وقال ايه هذا هو اللي انا ابيه ( صار وجهي تقل مصاصه سوداء بيد وغد )
قلت وش تبيبي ياخي
قال سد حلقك يا مجرم
سد حلقك يا خبيث
سد حلقك يادااااشر
( ول كل هالصفات بي وانا مادري )
قال خلاص الثاني رجعوه لبيته
وهذا خلوه عندي
رجعو خويي وخلوني
وكان الضابط جالس ومعه جنود مسوين سهره
ولا ناقصهم الا شي يتسلون به
وجيت انا فرجته لهم
وهو يجيني الضابط ( العن ابو شكلوه مسوي قوي علي )
قال اعترف
قلت وش اعترف بوه
قال اعترف ياثووووور وهو يصفقن هكا الكف
قلت لا تضرب ( ملعون شبيثان بوه مر صبر شوين بس )
وهو يمسن بالثاني
قال اعترف وش انت مسوي
قلت والله ماسويت شين
وهو يقوم يمردغن
ويقول اعترف
وانا لي صياح وش اعترف بووووووووه
الوكاد ان خدودي صارن تقل فخوذ وغد
وهو يجيب العصا
قال تبي تعترف ولا وشلون
قلت ابعترف
قال يالله اعترف
قلت ابوي عطاني عشر ريال وقالي جب خبز بخمس ريال
وخذيت الباقي ولا رجعتوه له
وهو يمسن بالعصا
وهو يكوفرني هكا الكوفره
قال انت تستهبل علي
قلت ياخوي انا وين وانت وين
ياخي والله ماني خابرن شين
يامسلم ترك ذبحتن
ومن اليوم وانا اقلب ملفاتي القديمه ليما وصلت يوم امي حاملن بي ولا شفت شين
قال وش اسمك انت ( العن بليسوه توه يطري عليه الاسم )
قلت اسمي شبيثان
وهو يصكن كف
قال وش اسم ابوك
قلت ابو الشبث
وهو يكمخن بالثاني
قال ال ايش
قلت الشبيثان
وهو يكمخن بعد
قال تعرف فلان ( خالن لي )
قلت ايوالله اعرفه قسم بالله خالي وياعلي اموت انوه خالي
قال والله والخيبه وهو يمردغن
الوكاد قام يضربن حوالي ساعه
ليما انتهيت
قلت اسمع
انت اكتب التهمه وانا اوقع عليه واعترف به زين كذا
وهو يراعيلي قال زين
وهو يروح
ااااااااااه
وانا انجضع بالسيب من التعب
وهم يقومون يراعون لي الجنود
وهو يقوم حديهم ويجيني
قال قم ( اويلي يا ابا الخايبات )
قلت ماني قايم تبي تضرب اضرب
قال والله ماني ضاربك وما ابي اكمل عليك
يالربع ياقهري ياموتي
وانا اقوم ابتسي من القهر
قلت اسسسسسسسسسسسمع
قسما بالله لا اخربه معك انت والضابط
انتم شايفيني وغد تكمخوني
ليه ما تجيبون واحد كبركم وتضربونه
هين والله لا اعلم عليكم الملك ( داخل بقوه الولد )
وهو يجي الضابط
قال وشبلااااك انت صجيتني
يالربع وهن يروحن هكا الحراتيت اللي بي
قلت مابي
والله ولا اطلع من عندهم الا بعد الفجر عقب ما جاء ابوي وخذو تعهد علي اني احضر باليوم الفلاني
ويوم جيتهم انا وابوي بالموعد
تدرون وش قالو لبوي
يقولون ماعليش مشبهين مهو ولدك اللي حنا نبي
ياخسارت شبابك يا شبيثان
والله وانا امغط هكا الدعوه اللي تخرع
والله يالربع ماخذيت فتره الا الضابط اللي مردغن منقول وعقبه مفصول
يعني لحد يحارشن تروني اخموه بدعوه اعدم واجهيتوه
وتقلدوا تحيتي
رد مع اقتباس
أفااا والله ماهقيته
بدال ماتستقبلوني بالبخور والعود تستقبلوني بهالسوالفات
اللي ياخساره بس
المفضلات