السلام عليكم جميع
وتحية طيبه لكل من يقراء هالكلام اللي من جنبه
يالربع هكا اليوم قمت اتذكر زمان اول وايام قديمه حييييل
... وطرا علي
اول ما درست بالمدرسه كانت هذيتس اول مره اشوف به بلاط
يالربع تسيف قمت اتبطح عليه واحط اذني اتسمع وش هالقاع هذي
ونجي انا وخوياي ونحط عليه تراب ( مهو لوجيهكم ) ونتزحلق
والعن ام الفله
وبهكا اليوم جاء واحدن من المدرسين مسوي نفسه يبي يحافظ على التراث
وهو يحط زير ( زير يعني زير حق ماء وشتوبوني اقول اكثر )
الوكاد وحنا نجتمع حنا وخويانا نلعب
والله العالم الزقرت هكا اليوم مزودين جرعة التراب ( مهو لوجيهكم )
ويوم جاء دوري وانا اعض شليلي واجي طااااير واتزحلق
وابي اوقف ليمار مامن بريك
وبوجهي للزير واتقلدوه وتغدي الدنيا ماء وطين وطفل بريئ ( بس حرتس الله يخليه )
ليمار على دخلت المدرس اللي جايبن الزير وهو يصيح ( بعد وجه تسني جايبن شين خطير هذا هو مالين المحطات )
.... وبعد طرا علي
من كثر ما اشوف وغدان هالوقت اللي ما يجيك الواحد الا الشوكولاته بفموه بعد افم تقل عنز دارعتن بدبس
وانا اتذكر ايامنا اول
اااااااااااه يا مري ويا قرد حظي اللي مهو بالناس
تسيف مره يالربع كان فيه دكان وبوه سوداني
ومن لعانة السوداني حط واجهة الدكان قزاز وحط الحلويات على القزاز علشان نبلش اهلنا
وانا اجي هكا اليوم الظهر مطفر ما معي هلله وذابحن الجوع ( جوع اول مهو جوع الحين يا هووووه )
الوكاد وانا اجي للدكان الظهر بصقعت ام عميد قلت غدي السوداني يعطيني ولا اتقرطوه بالرضم
ويوم جيت الدكان ليمار رايحن ينام الظهريات ومسكرن دكانوه
وانا اطيح على القزازه واقوم الحسه ( تعال عاد شف كم وغد قبلي لحسه )
... وطرا علي بعد
كان من الحاجات اللي تعقدني اول الحلاقه
يالربع تسيف اني ماكنت ابي احلق فرزاتشي ولا ابي فرنسيه ولا حتى كينيه
كنت بس ابي احلق تخفيف مو مكينه
يالربع تسيف الشايب الله يخليه بس يوقف عند الحلاق وينزلنا ويغط على ابو هنود ( يعني دقهم موس ولا رقم اثنين )
ونطلع من الحلاق الواحد راسوه تقل حبة فلافل
طبعا ً هذا اذا ما حلقنا هو باليت بمقص ( مسوي فيها تركي )
ويخلي روسنا تقل كور قديمه
لكن الحين لاااااااااا تغير الوضع
وانواع الدلع
.... وطرا علي بعد
اول
اذا بغينا نسافر لرفحاء ولا حايل
نمرح مرتين وثلاث ولا نوصل
ومره سافرت مع الوالد ومعه كم واحد شيبه
وحنا راجعين للرياض يعني الساعه هالحين حول ست المغرب
وباقي على الرياض اقل من عشرين كيلو
وانا افكر واقول بنفسي ( كويس الحين اوصل العيال وتو السهره ما بدت )
مافطنت لسواقنا الا لوه جلبه ومحول عن الزفلت
ويوقف ابو الحبيب
وهم يتطابقون ويفرشون فرشهم قالو يالله نبي ننام وباتسر نمشي
قلت يالربع تسانكم تعبانين انا اسوق
قالو لا والله نبي نرتاح ونجيهم باتسر الصبح احسن من اننا نبيتهم بهاليل ( يا عمري يالاخلاق بس انا عادي اوريكم )
والله يالربع وجلس اعد السيارات اللي يمرن بالسريع ليما جاء الفجر
بس الحين
اف يازين السفر الحين
لا واللي يغثك اللي يسفط وينزل دلالوه ويسوي قهوتوه
ودك وتعجن دلالوه على راسوه
ياخوي كفي شب ودور اهلك
.. ما طرالي شين بس اهدي هالموضوع للاخت اللي زعلانتن علينا حمراء الموت ههههههه
وتقلدوا تحيتي
المفضلات