أبي لاب توب جديد ....ملامح لاتدخل

**ريم شمر** · 26-07-2008 23:22

حمود الناصر

لوه عندي سنه وشوي وبس افدع بوه
حتى بنت اخوي كبت عليه الماء والحمد لله ما فيه شي

ما شاء الله على جهازي لا تنضلونه (تنحتونه)

مشاء الله تبارك الله الله يخلي لك الجهاز ويحفظ لك بنت اخوك شكلها شقيه

ريم ام طلال نصيحت مجرب

DELLوبس

تسلم على هالنصيحه الذهبيه

على فكرة اذا كنتي في الرياض مالك الا حراج الكمبيوتر بالعليا

مثل ما قال اخوي المهيني وانا اذا بالرياض دايم بوه

كان ودي ادور لك بس الحين انا عند اهلي بحايل

دمتي بخير

ان شاءالله بجرب امره

تسلم اخوي حمود وربي ماقصرت الله يجزاك كل خير واجازه سعيده بأذن الله

.
.

**ريم شمر** · 27-07-2008 00:41

لاااااااااااااااااااااااااء لا تخلينه بآخر القائمة

شيليه من القائمة خير شر

من اول ما شريته ما تهنيت والله
خرااب وراا خرااب

وانتي بعد عندج عياال صغاار الله يحفظهم واكيد يطقطقون بجهازج ويلعبون فيه نفس يوووسف
وهالجهاااز ما يتحمل حتى نفخة الهوا يخرب بيته <-- طلعة من قلب

انت لو تشوفينهم وشلون يحتلون الجهاز ويطردوني

طلال يطلع الالعاب ويلعب

وفهد ماله حيله الا يجلس عليه

الله يسلمج بعد عمري ويسمع منج .. ودام انج داعية داعية .. عااد ادعيلي بالمرة انه يسفرني تركيا هالصيف .. <-- طماعة

بالتوفيق يا ام طلال .. وعلمينا بالاخير شنو اخترتي

ومبروووك مقدما ..

يووووووه ياتركيا لاتذكريني

خربت سفرتي هالسنه بسبة ...............<<<<مشفر

يارب يارب يسويلك ابو يوسف مفأجاه وماتدرين الا وانتي بالمطار

تسلمين ياغاليه على اهتمامك وعودتك

واكيد اول مايشرف بلقط له صور من جميع الجهات وانزلها

**شام** · 27-07-2008 00:46

كنت اتابع بصمت
لأكتسب خبرة في نوعيات اللاب توب
فما زلت أستخدم كمبيوتر مكتبي .
و اتمنى أن تجدي المواصفات التي تساعدك على أداء عمل جيد
و بدون مشاكل في السوفت أو الهارد وير .
شكراً ريوم على الدعوة و سأتابع المزيد من المشاركات
تقديري للجميع .

**شام** · 27-07-2008 00:48

ماركة محترمة بس عندي اضطررت لتبديلها 3 مرات
لأعطال مختلفة لكن المريح بالتعامل مع هذه الماركة بالذات
الكفالة المجانية لمدة 3 سنوات .

**ابو ضاري** · 27-07-2008 10:10

توشيبا ////ديل كلهم ممتازين وانا افضل توشيبا لكن

اذا اختارتي وشريتي على البركه واذا لم تختارين يكون في ديل مواصفات ممتازه هاردسك الرام 2قيقاكرت

الشاشه مفصول يكون فيها واير لس بلوتوث كاميرا بالتوفيق

**ابن جشعم** · 27-07-2008 22:42

بشري شريتي والا الياهلحين !!!!! اجل شلون لو تبين تشرين سيارة

سمي بالله وشتري دل اذا لك رغبة في الدل او اي جهاز آخر وكلهن زينات ولو ماهن لهناك كان افّلسوا ...لو ماتعددت الاذواق لبارت السلعه....كل زبون وله سلعه حسب ذوقه...وموضي اخت حصة

ومثل ماقال اخوي الضاري اهم شي لايكون كرت الشاشة مشترك مع المذر بورد...VGA not sharing
وثاني هام السيدي رام 2 قيقا وحولة....اخبرك راعية تصاميم وفوتوشوب <<< ابي توقيع

سي لاااااااام

**ريم شمر** · 28-07-2008 03:59

يوسف

أم طلال الحين يوم أنك مسويتن قلق لمخك ليه ؟؟؟

لأني بشتري جهاز يكفيني ولاعاد افكر اغيره فما حبيت استعجل هالمره واطيح لي بشي مايتحمل او زي قلته

وبالعكس انا استفدت جدا من هالمشوره المباركه الله يجزاكم خير جميعا بالفعل ماقصرتوا

لاتطلع الشمس إلا وأنتي بحراج أبن قاسم وطقي لك أطلق كمبوتر لا يغرك كلامهم تري كل واحد يمدح جهازه

حراج ابن قاسم

<_ جهاز مكتبي وعليه لزق سن توب

هذا يصلح لطلول

انا عندي مكتبي واستخدمه اذا احتجت للكتابه فتره طويله

بس اللي يستخدم اللاب توب ماعاد يفكر يرجع يستخدم المكتبي

اعتقد له خصوصيته وحميميته اكثر واسهل في التنقل

أم طلال توشيبا

توشيبا مثل ماقلت اني سبق وجربته

بس مارتحت له

اولا ثقيل الوزن وشكله رجالي مره

بعدين ماعجبني اسم توشيبا الحين بيذبحني ملامح

.
.
.
تسلم اخوي يوسف على هالطله

وعقبالك يارب

.
.

**ريم شمر** · 28-07-2008 04:09

المشاركة الأصلية كتبت بواسطة ابراهيم الصقر

[align=center]
ديل
ومن مكتبة جرير ان امكنك
وضمان ثلاث سنوات .. حتى لو اضفت مبلغ بسيط لتمديد الضمان من سنه الى ثلاث سنوات
خدمات ما بعد البيع والصيانه ممتازه جدا وهي الأهم
وفقك الله
[/align]

اهلا وسهلا بالكاتب والروائي المبدع ابراهيم الصقر

مشورة خير بأذن الله

شاكره لك هذا الحضور والاهتمام رغم انشغالك

وربي يسلمك

**ريم شمر** · 28-07-2008 10:04

مصيول باشا

[align=center]
بعد اطلاعي على الموضوع وخصوصاً الردود وقرايتي له بذمه ـــــــــــــــــ تبين الاتي

ان ماعندي سالفه لله لله يوم اروح واشري جهازي

شفت ان فكرتي وش زينها انا فعلا استفدت كثير من وضع هالموضوع واتمنى الجميع يستفيد

تسيف من زياره وحده لجرير ـــــــــــــــ ماطلعت الثانيه من عندهم الا والجهاز معي

عندنا وعندك خير

انا لو مايكون معي احد يهجدني كل ماتحمست تسان قشيت جرير كلها ومشيت

وبصراحه نجلس عليه بالشقه اكثر من اربعه ـــــــــــــــ والله يستر عليه عملي عملي جداً

فيه نصيحه قاله لي مهندس حاسب اعرفه ـــــــــــــــــ قال شف اذا انت رجال تبي تستخدم وتكرف الجهاز علييك بالديل !

اما انك واحد تقول ابي استخدمه شي سنه وابيعه ــــــــــــــــ او فكرة البيع حاطه براسك عليك بالتوشيبا لأن سعره مايطيح كثير حتى بعد استخدامه

نصيحه جيده

بس من صوتت للتوشيبا بأستطلاعك ـــــــــــــــــ جهازي جااه له بلا الله اعلم به

بعذره الحين الديل هو اللي يكرف معك واخرتها تصوت للتوشيبا ، شكل الديل زعوول

الله يوفقك وتلقين الجهاز اللي يريحك

اللهم امين

تسلم اخوي مصيول وشاكره جدا لك هذا الاهتمام والحضور