اختفاء عزوز ....!!

**أهداااب** · 20-07-2008 12:53

مساء الخيرات والليرات ع الناس اللي مش ايّ ايّ ولا زيّ زيّ..

ازيكم ياالربع والربعات

اليوم بقولكم سالفه صارت لنا فيها اكشن ودراما وكوميدي وكل شيء

بداية قصتنا من بطوله ( عزوز ) (وام عزوز) و (اخت عزوز اللي هي انا)

كان يامكان في سالف العصر والاوان..

كان اول يوم من ايام الدراسه من هالسنه <وش جاب هالطاري العالم توها معطله

والكل نشيط ومستعد للعام الدراسي الجديد..

المووهم زي ماتعرفون المدارس يبدون قبل الكليات بأسبوع..

اخوي اخر العنقود بثاني متوسط كعادته اليوميه كشخ وقعد ع المرايه ساعه وكتمنا بريحه عطره وطلع مع الثوب الجديد والشماغ اللي ثلاث ارباع علبة النشاء عليه صاير كنه خشبة.. < حركات مراهقين

راح لمدرسته.. وماله من الشيطان طاري..

المووهم اذكر اني كنت نايمة بغرفتي< وين بتكونين نايمة بالله

صحيت على ضجة واصوات عاليه تصدر من الطابق الارضي..

مديت يدي وتناولت هاتفي النقال فتحته وناظرت بالساعه وجدتها تشير الى الثالثه و الربع عصرا..

قلت في نفسي وش عندهم هذولا عز القايله..

نزلت بشوف وش صاير وليش كل هالازعاج.. مايقدورن ان في احد نايم..؟

وبينما انا في منتصف الدرج.. وقفت فجأه كي استوعب مايحدث امامي..

ابوي واقف معصصصصب

يكلم بالجوال واستنتجت ان اللي يكلمه اخوي الكبير..؟

امي قاعده تصيح

خواتي ريا وسكينه وجيههم منقلبه

قلبي طاح قلت وش فيه وش صاير عسى ماشر..؟

نطقت اختي بعد ماخلوني ساعه اتكلم ومحد معبرني قالت لي: عزوز للحين ماجاء من مدرسته والمدرسه مقفله واصحابه كلهم يقولون مايدرون عنه..

ناظرت بالساعه من جديد وتوي انتبه ان الدنيا عصر..!!

رجعت قلت لها ايييييييييييييييييييييييش...

رجعت عادت لي نفس الجمله دون زيادة او نقصان ( عزوز للحين ماجاء من مدرسته والمدرسه راحوا لها لقوها مقفله واصحابه كلهم يقولون مايدرون عنه.. )

يمة اخوي ..!!

وينه ..؟ عسى مايكون صاير له شيء..؟

عطاني ابوي نظره سكتتني ( يعني انه مو وقتك ) وطلع هو بعد يدور عليه..

حاله توتر مايعلمها الا الله.. واللي زاد التوتر صياح امي قاعده تبكي وتدعي مرة تقول اكيد متضاربين وطاعنينه وميت محد داري عنه

ومرة تقول والا داعسته سيارة .. والا خاطفينه.. والا والا والا وكل فال اقرد من الثاني ( يايمة يرحم والديك وش هالفال .. )

قعدت ساكته وانا اسمعها وافكاري تودي وتجيب احيان اقول يمكن معها حق هو ملسون يمكن ضاربينه بشيء ومغمى عليه..؟

بعدها ارجع اقول لا لا مافيه غير العافيه اساسا هو مهوي يمكن راح يلعب والا مع واحد من اصحابه ولاهو داري عن هوى دارنا ويقالي بسوي فيها القويه اللي ما تنهار وتخرها بكوة..

وكل شوي يرن التليفون اخواني الكبار يسألون هاه جاء والا لا..؟

كلن بسيارته يفر في هالشوارع لعل وعسى يشوفونه او يشوفون احد من اصحابه..

بس مافي امل الدنيا فاضيه والطلاب صار لهم ساعه وربع او اكثر منصرفين من مدارسهم

ومدرسته مررره قريبه ماياخذ عشر دقايق بطريق الرجعه ..؟

ياربي وينه من ساعه وربع ..؟

حتى جواله مسكناه ماخلينا رقم مسجل فيه الا دقينا عليه..

يا محد يرد.. يامقفل.. واللي يقول انا من اصحابة بمدرسته القديمة مو المدرسه هذي..

وامي كل مالها تصيح اكثر..

اخر مابها ماقدرت تصبر لبست عباتها.. وطلعت تدور عليه بنفسها..

بقينا انا وخواتي بالبيت لحالنا عايشين حالة توتر مايعلمها الا الله..

وكل ما رن التليفون ارتعنا..

جلسنا على هالحاله يمكن ربع ساعه

مرت علينا كنها اربع ساعات ..

وبينما انا احوس في جواله لعل وعسى القى خبر عنه او احد يرد علي..

الايدق جرس الباب.. نقزت افتحه.. ويوم فتحته جاني شعور غرييييييييب قسم كن احد كات علي موية باااااااااااردة

شفته بشحمة ولحمه هو هو اخوي عزيز على الباب مسكته وخميته < ياحياتي انا

جاء وجهه اسود ومنخرش وثوبه حالته حاله صبيت عليه وابل من الاسئله ( وين كنت ..؟ و من ضاربك..؟ وش مسوي فيك كذا..؟ ليه وجهك اسود..؟ وينك من اليوم قالبين الدنيا يدورونك..؟ وابوي معصب وامي قاعده تصيح < الحين الولد اللي فيه مكفيه وانتي تزيدينه

اول ماسمع ان امي تبكي وابوي معصب ورايح يدوره قال :هاااااااااه ..!!

خاف وخنقته العبره ماقدر يقاوم وبكى قال: والله والله ورب الكعبة اني كنت نايم الحصة السابعه ويوم قمت مالقيت احد الفصل فاضي والمدرسة مقفله علي محد صحاني قعدت ادور مكان اطلع منه مالقيت غير فتحه شباك عند الدرج ورميت شنطتي ونطيت حتي رجلي إلتوت وماني قادر امشي وللحين تعورني..؟؟

ناظرنا ببعض انا وخواتي ومتنا ضحك

بعديييييييييييييين قلت طيب ماشفت امي وانت راجع ..؟ قال لا..؟

وتوي استوعب اني فاتحه معه محضر وماقلت لاحد انه جاء دقيت على امي وابوي واخواني ابشرهم بعودة هذا الغائب..

اول ماجت امي صكته كف وبعدها ضمته وقعدت تصيح ..

وتمطخ فيه .. ومجلسته بحضنها كنه بزر اربع سنين < هذا وقت غيرتك الحين

وحملت وكملت وفي اصيبع الصغير دملت..

مايستفاد من القصة:

1/ اياك ان تذهب للمطرسة وانت مواصل كي لايحدث مالم يكن في الحسبان..

2/ عندما تشعر بالنعاس حاول ان تاخذ لك (غفوة ) في الحصص الاولى وليست الاخيرة..

3/ ابتعد عن صحبة الانذال اللي يشوفونك نايم ويتوكلون على بيوتهم ومحد يصحيك..

4/ ابشركم بطل قصتنا لم يأكل علقه من والدي كما كان متوقعا بل حدث العكس حيث انفجر والدي ضاحكا عندما عرف قصته

5/الشعور بمدى غلاة الضنا وحب والدينا لنا ادامهم الله على رؤسنا وحفظهما من كل مكروهـ..

ووووبس خلاص

**أبوطروق** · 20-07-2008 13:09

هههههههههههههههههههه سالفة حلوة ياهديبا وما ننحرم من سوالفتس

والله اني الحين مداوم وجاي مواصل وبالموت مفتح عيوني

أخاف يصير لي مثل اخوتس

مشكورة ولاهنتي

:

**فتى البيداء** · 20-07-2008 13:16

ياحول ياأمتس وابوتس ... الله يقطع ابليسه تسيف غثن ... الحمدلله ألي بعد ما ضربوه أبوتس واخوتس ... عاد تصدقين لوهو أخوي والله لأمشيه على وجهه أكثر من ما مشى على رجليه [ وأنتم بكرامة] تروعنا وأخر شيء نايم ... أهديبا عساك صليت الصلوات ألي عليتس فاتن ؟

دمتي بخير ...

**أبوطروق** · 20-07-2008 15:07

تم إضافة اسمي إلى سارا الرياض في تقديم الشكر لأهداب

ولقلب شريط آخر المشاركات ههههههههههههههههه

شكرا اهداب

:

**يـــوسف** · 20-07-2008 17:38

مثبت

هديبا مشكوره والله ولاهنتي يختي على هالموضوع الحلو ..

أما نايم بالفصل هذا المفروض يكرمونه

إلا صدق يوم تقولين نايمه بغرفتي يعني وين تنامين بالله ههههههههههههههههههههههههههههههههههههههه

مايستفاد من القصة:

1/ اياك ان تذهب للمطرسة وانت مواصل كي لايحدث مالم يكن في الحسبان..

2/ عندما تشعر بالنعاس حاول ان تاخذ لك (غفوة ) في الحصص الاولى وليست الاخيرة..

3/ ابتعد عن صحبة الانذال اللي يشوفونك نايم ويتوكلون على بيوتهم ومحد يصحيك..

4/ ابشركم بطل قصتنا لم يأكل علقه من والدي كما كان متوقعا بل حدث العكس حيث انفجر والدي ضاحكا عندما عرف قصته

5/الشعور بمدى غلاة الضنا وحب والدينا لنا ادامهم الله على رؤسنا وحفظهما من كل مكروهـ..

هديبا أستمري وسجلي إعجابي بقلمك

تقبلي إحترامي .

**ريال الفسحه** · 20-07-2008 18:54

وين سطام الشميلي يسمع هههههههههههههههههههههههههههههههههههههههه هههههههههههههههههههههههههههههههههههههههه هههههههههههههههههههههههههههههههههههههههه هههههههههههههههههههههههههههههههههههههههه هههههههههههههههههههههههههههههههههههههههه هههههههههههههههههههههههههههههههههههههههه ههههههههههه

**حمـود** · 20-07-2008 20:14

هههههههههههههههههه

هذا اخوتس فله

نايم ساعتين وربع خوش

اجل هز البيت

لا والاب الحنون يتوعد يوم جت الصدق ضحك

انا ما رحمت من بيتكم الا الوالدتك

اهداااااب ايتها المبدعه في عالم الخواطر ابدعتي في عالم الفله

وشكرا لك اخي يوسف على التثبيت

دمتم بخير

**سمااا** · 20-07-2008 20:55

أهداب .. أخوك هذا أعجبني .. !!
..
وبعدين غفوة الحصص الأخيره تسمى في أوساط الفلاويه ....... قيلوله "
أما الغفوه في الحصص الأولى تسمى كسرة نعاس << حسب تجربه سابقه ..

وووسلمي على ريا وسكينه ...<< ياحبي لهم !!
.
.
ياعلتس دايم الدوم فالتها !!!