بالخير يالربع
يقولون شبيثااان يبي يسوي حلقات لرمضان
قلت افزع لرفيدزك تروه يستاهل
وانا اجمع قشي واتسفت عليه
ياماار كاشخ هو وفرتوه بالموضوع
وكاتب بالخط العريض ( اللي عندوه موضوع يرسلوه لي رساله خاصه )
اويلااااااااه يالهدبا تسيف رساله خاصه ( وجه جايوه مغص )
وانا اقولوه : ياولد مشاركاتي ماتسمح اني ارسلك
يقولي : ترى عرسك قرب
اقولوه : شلون ارسلهن
يقولي : ماعاد انت عزوبي
لذلك انا قررت اني انزل حلقتي هنيا واخلي تسبدون تمقرص
حطو فارتكم على mbc تو الفلم بدا
اغنية المقدمه : عمااااااار يالعزوبيه
أخراج : حاتم علي
بدينا على بركة الله
هذا انا الله يسلمني كامل والكامل وجه الله ماناقصني شي يعني الاساسيات موجوده ورجالن جاهز للخراب بس ابي اللي يوجهني
ماناقصني غير الكماليات وهالسوالف مالي به ابد
يعني مو لازم اصير مزيون
ولا لازم اصير مسنع ومعي شهاده
ولا لازم اصير محترم << عوذه تسيف مو لازممشوه يالربع على شاني
ولا لازم اكون مثقف
ولا لازم اكون متزوج << ركزوا على هالنقطه
المهم
نشات نشئه طبيعيه مثلي مثل غيري بس اكيد مو مثل شبيثااااان<< يبي يعلوووه
مثلي مثل اي طفل يموت يما يشوف لوه لعبه يستانسبه وكانت هواياتي لعبة ( الخنانه )
لدرجة اني دخلت كتاب غينيس على كثر قواطي الطماط الي مجمعهن
وأخذت كاس امم اوربا على لعبة الخنانه
وعقب ماتطور نموي وصرت جذع اخذني ابوي للمصور
عاد هكاليوم كاشخ بفانيله حمرا وقالب لونه تقل علبا اسامه المولد من الشموس
وهو يطقني صوره ويسجلني بالمدرسه
وكان هذا اول يوم بحياتي اشوف وغدان نظيفين
وانا اقعد اجعر بهكالزاويه والمدرسين يلاعبوني وانا اجعر
ياوليدي وش بلاك انت وانا اجعر
ياملا النازوع شبلاك وانا اجعر
لين تعودت على المدرسه
المهم خلصت الابتدائيه 6 سنين دراسه و10 سنين خبره << يعني الوظيفه مظمونه
يوم خلصت الابتدائيه وانا اقدم على الجامعه كلية الهندسه
قالوا لي شهار بالشارع الثاني اول لفه يمين ثاني اشاره يساره تلقاه بوجهك
وانا اروح يمه احسبه كليه جديده يمار مافيه لا جامعه ولا شهار مابوه الا لوحه مكتوب عليه (هذا ماجناه ابي علي وانا لم اجني على احد )
قلت عوذه ها قبر مهو جامعه
وانا ارجع للبيت مثقل بالهموم مكسور الخاطر
هو يجيني ابوي قال شبلاك ياوليدي قلت السالفه كيت وكيت
قال : ابشر بعزك
قلت : عداك العيب ياشنب
قال الحل عندي وانا ابو هندي
قلت منهو هندي هذا
قال انثبر بس ( وجه معصب )
ويطري علي الشاعر اللي يقول : والله اني يوم جيته معصب وزعلان
قال شرايك اخطب لك
وانا اقمص تقل مقروص .. وش تقول !!
تخطب لي
اويلااااااااااااااااااه يالهدبا
وانا ارتسب انا وياه على السيكل
قال نبي نفر على بيت كم واحد ابيك تشوف اللي يجوز لك
ونمر البيت الاول
قال هذا ماعندوه الا بنت وحده وله سنين محد طق بابه غديه ترضى بك
وانا انزل من المرتبه اللي ورى << تخبرون ابوي مردفني معوه
وانا اطق الباب
الا هكالصوت اللي يقطع القلب
مييييييييييييييييييييييين
وانا انطرم
مييييييييييييييييييييييين
وانا اتشجع قلت انا
وهي تفتح الباب وانا للحين صوته يفتر بمخي وحروف ميييييين تلعب بعيوني من العشق اللحظي
يوم فتحت
قالت : هلا آمر
قلت : طالبين شي من البقاله .. تصريفه
ونروح للبيت الثاني
قال انزل
قلت والله ما انزل
ياولوووح انزل
قلت اللوح طاق مسمار بالسيكل مهو نازل
وهو يسحب الجنزير
وانا اطبدز وركض للباب
وانا اطق واطق واطق يما طقيت
وهو يفتح لي هكا الشبهه من يوم شفتوه كرهت اختوه
وندور على بيوت الديره كله مالقينا اللي يساعد لو واحد بالميه
مابقا الا بيت واحد
قال ابوي مالك الا هالبيت عندهم بنيه صاروخ بس انا مخليه آخر شي لاني ماتوقع انهم يوافقون عليك
قلت ليه مايوافقون حاصلن لهم مثلي
قال انطم بس وخلك ساكت
وحنا نجيهم
ويقلطونا << البيت الوحيد اللي قلطنا مدري البلا بالبيوت الاوله ولا بنا
المهم ونحتسي بالخطبه
يوم تقل بغوا يوافقون
وانا اضبط الغتره واخذ نفس عميق
قلت : طيب نبي نشوف البضاعه
قال ابوه : وشو
قلت لا يعني لو سمحت نبي نشوف البنت ( الدين يسمح عندك شي )
قال خلاص بس تشوفه وترجعه
وهو يصوت له
اموووووووووووووووووووووووووول
قلت امش يالدلع والله هذي شكله موت ( صورة قلب يطامر )
اممممممممممممممممممممل
قالت : نعم
قال ابوه تعالي بوه كائن حي يبي يشوفتس
وهي تجي
يوم دخلت علينا
يامار اول مره اشوف دولاب بوه ملامح
ياولد هذي وشي
ياولد هذي منين تشوفه
وانا التفت لـــ ابوه قلت وين المسكه حقت الباب
قال هذي البنت
قلت ماعليش احسبه دولاب توكم جايبينوه
طيب ياعمي منين تنشاف بنتك
قال هذي: بنيتي القعده امل
قلت مبين انه القعده ماعقب هذي شين .. لا وبعد عندكم أمل ان يجي عقبه شي مسمينه امل
وانا التفت لأبوي
قلت يبه
ابي اتزوج المدرسه
أبي اكمل دراستي مافيه امل اخذ امل
وابشركم احظر الدكتوراه بالمتوسط
وووووفتكوووو بعافيه واسف على الاطاله .
رد مع اقتباس
المشاركة الأصلية كتبت بواسطة يوسف
المفضلات