[align=center]
بسم الله
وعلى بركة الله
اخواني
اخواتي
خوياي
وخوياتي
خلونا نرجع بالسنين سنين
للماضي العتيد
لايام الطفوله وايام الدراسه الاولى
كنت بهكا السنه بصف ثاني
وبالتحديد ثاني ج
كان عندنا مدرس موسوس الله لا يبلانا
وتجيه حالات
وياقرديا اذا جتوه الحاله مايعرف الا انا
هههههههههههه
دايم اذا جتوه الحاله يقولي تعال يالمروح هههههه ويكمخن
الله العالم ان جنيتوه ما تعرف الا انا
الوكاد بيوم من الايام جانا وبينن عليه ان جنيتوه بوه
وهو يقوم واحد من الطلاب قال ليه الكوريين ياكلون التسلاب ؟؟ (سؤال وجيه )
الطالب قال مدري
وهو يمردغوه
ويراعي بالصف
وانا انزل نفسي شوين ( ادري انوه يبيني )
يوم شافن
قال قم يا شبيثااااااااااااااااااااان
وانا اقوم
قال ليه الكوريين ياكلون التسلاب ؟
قلت مدري يا ستاد
قال ليه ما تدري ؟
وهو يعطيني كف مجنون
وهو يقوم يتمردغن وشادن حيلوه الخبل تقل يتهاوش مع رجل
مايدري انه مهي شجاعه
قسم بالله لو القاوه الحين لا اوريه ليه الكوريين ياكلون التسلاب
اافيه
ماعليش يا عيال تذكرت الماضي ااااااااااااااااااااه
المهم
وهو يغولن ويقول شف
لا تجيني باتسر الا انت عارفن ليه الكوريين ياكلون التسلاب
قلت ذيييييييين
والله ويوم طلعت من المدرسه ورايحن للبيت ( متجودن بدروسي )
يوم راعيت ليمار هذاااااااك شنقل جايني يركض
ياربي من فضلك
يمار غادين تقل نمر او فهد هذاك المرنقط
بس لابسن هيلاهب اصفر وضاربوه العنقز واهلوه مخلينوه يدوج بالشمس غديه يبرا
وهو يوم شافن وهو يجي طااااير تقل شايفن اموه وابوه
انا يوم شفتوه وانا اهرب
وهو يقوم يلحقن
وهو يطلع لي اخوه التسبير ولهم صياااح حدوووووه حدوووه
وانا اروغ ( بسم الله علي فضخو قلبي حسبي الله عليه شلون يحدحدون هالوغيد )
الوكاد انهم طرحوني وقام شنقل يتحكحك بي
( منك لله يا شنقل )
الوكاد جيت البيت وانا منهد حيلي
قال ابوي شبيثان وشبلاك منعوي
قلت يبه المدرس دبن
قال ليه
قلت يبه يقولي ليه الكوريين ياكلون التسلاب وقلت مدري وكمخن
واذا جيت المدرسه باتسر ولا لقيت الحل يبي يذبحن ذبح
قال ابوي ياوليدي اذا سعلك قل لانهم تسلابن مثلهن
قلت طيب
المهم يوم درست من باتسر
وهو يدخل علينا ملعون الرقبه المدرس
وانا اقمز قلت يا ستاد ياكلون التسلاب لانهم تسلابن مثلهن
قال وشتقول يالهيس ( اثري الحاله متغيره ولا يذكر سين من امس )
وهو يقوم يمردغن
حسبي عليه
هذي ايام ولت وراحت
وهالحين غييييير
الطالب هو اللي يكمخ المدرس ياااااعيني ياحلاوه
وابشركم شنقل برا وصار خوش ولد
بس عقب ما اعداني وانتقل المرض لي
وتقلدوا تحيتي
[/align]
رد مع اقتباس
المفضلات