هذه قصيدة مرثية في المرحوم إن شاء الله عبدالله بن عياد الدحيلان الشمري (الله يرحمه ) الذي توفي يوم الجمعة الموافق 5/3/1423هـ . قالها الشاعر فهد محمد القحطاني
[ وهذي هي الدنيا ]
علِم لفاني هاض من قلبي إحراق ** أشعل حشى جوفي وزاد اشتعاله
ضاقت علي فجوجها وخاطري ضاق ** وراضي بحكــــــم اللي عزيزجلاله
الموت حــق وكـل حــــي ولــه ذاق ** والحمــــد لله و الشــــكر والثنا لــه
مرحـوم ياشيخ على الطيب سباق ** قــــرم كــريم يتعب لكـــــل طــــاله
عبدالله اللي للطـــويلات عشــــاق ** من شــــمر اللي تنعرف بالجــماله
ماهوب من قــــوم للأبــــواب غلاّق ** يضحــك حجاجـه والوفـاء من خصاله
يشـهد لـه التاريخ في بيض الاوراق ** ويبـذل من أجل الطيب حـاله وماله
مــــواقف تحــتاج مثــله وتشــــتاق ** وياصــل غــزير الجــم وافي حباله
وهذي هي الدنيا عقب شملا فراق ** واللي نــزل فيـــها ســـريع ارتحاله
لاشـــك يبقى طيب الذكــر خفــاق ** ويثنى عـليه المــدح لاجا مجـــاله
في جنة الفردوس في خــير وارزاق ** في منــــزل مـــاعد يبغى بـــداله
وصـــلاة ربي عــــــد مـــالاح بــراق ** على النبي اللي بعث بالــــرسالة
رد مع اقتباس
المفضلات