السلااااااام يا الربع
شلونكم ... تسيف الحال
هذي كصيدتي أضعها بين اياديكم
أتمنى أن تحوز على رضاكم
من يسولف في جفاك ويطري اسمي بالجدال
ينتابني شوق الليال اللي على عتمه بديت
هي بداياتي كذا واللي جبرني هالليال
أضلمت بشروق همي وقالت انت الي جنيت
كم تمنيتك على وصلي تحلف انه وصال
وأبتدي من حيث ما انهاء زماني ما سعيت
كنت بيت ٍ في حشاي أكبر من أوصوف المحال
لك سرقت العمر مني فدوتك لو ما جفيت
هذي الذكرى بشوفك تطري اسمك في سؤال
والجواب بخافقي ردد على الشوفه وفيت
غلطتي ما قلت احبك يوم حلمك بالخيال
ضني انك فاهم ٍ بالهرج لوّي ما حكيت
توي ادري بالشقا من شفت حالي صار حال
يوم ٍ ألهى بالعنا ويومين سالي مادريت
والله انه لو سمع بالآهـ من صعب المنال
كان عمره زال بعضه وقال ليتي ما عصيت
شي ٍ اكبر من كلامي وإستحيت انه يقال
بس أبذكر جملت ٍ قد قالها وقت المبيت
من يحب قلبي احبه واسكنه مثل الضلال
وهذا قلبي يعشقك مو حب ياللي قد نسيت
شوفني بالحلم تكفا وقول لي يابن الحلال
هو انا عقلي فقدته أو على عقلي مشيت
بيني وبينك خلاص الضاهر انك ما تطال
بغلق ابياتي هنا وبنسحب لو ما اكتفيت
.
.
.
.
.
.
.
.
.
.
.
.
.
.
.
.
.
.
.
بس لحظه قبل اسكر صفحتي وأبدي الرحال
قد نسيت اذكر جمالك وأسف اني بك سهيت
فيك ورد ٍ في خدودك أحمر وفاتح مجال
كنت ابوسه وكنت اشمه وكنت اعطر فيه بيت
وفيك سكر في شفاتك يوم أذوقه في عجال
أطلب لساني يجدد من رحيقك ما خذيت
وفيك غمزه وفيك لمسه وفيك لين ٍ وإرتجال
كامل ٍ والكامل الله لو هقيت أو ما هقيت
هذا شعري يمدحك باخر بيوته وإستمال
ما ذكرته بالاخير الا عشاني ما بغيت
قلت لك بمدح ولكن كذبة ٍ ماهي خيال
والحقيقه ما لمحتك بس ابروي ما ضميت
وش يفيد الزين قلي وش يفيدك يا محال
دام طبعك صار قاسي وما على طبعك رضيت
بغلق الصفحه خلاص وبنتظر منك سؤال
هي رسالة شوق ابيها تحيي قلب ٍ فيك ميت
وسلامتكم ...
الملتوي كان هنا
رد مع اقتباس
المشاركة الأصلية كتبت بواسطة الملتوي
مقاس التوقيع 500 بيكسل عرض وطول200 كحد اقصى وكذلك حجم التوقيع لا يتجاوز50ك ب نرجوا من الجميع التقيد بذلك من اجل تصفح افضل
المفضلات