من أجمل القصائد النبطية
السلام عليكم ورحمة الله وبركاته
القصيدة تتكلم عن أمجاد وشجاعة العبيد عامة
وفخذ البوهيازع خاصة
والقصيدة منقولة من منتدى آخر عن طريق
الشيخ كهلان السمرمد العبيدي :
يوم اوزمت وابركت عا زور *** زبنت انا راعي الروده
الشيخ الشهم والعصي بالشور *** تفخر به دويمع بزوده
المجد منه تعلا الكو ر *** وكبله المجد له ولجدوده
عفيه ابن عمي كلت مشكور*** وعفيه انكلت يستاهله وزوده
حيا وهلا وطفح مسرور *** ورحب جزا الترحاب وحدوده
بقصر زها نايف ومعمور *** وبالربعه الطال عاموده
تزهي بشرف وبمجد وبنور *** وطير السعد عاليه سعوده
من اللابه البيرق المنصور *** هيازع هبت جروده
فرحه صديج قصت به دهور*** ويجبر بهم من فتت عضوده
ورود بسوح الشرف وصدور *** ونوردوا نومس وروده
ون صدروا حمايه المظهور*** سيوف ارتوت وارماح وعكوده
عبيد ونعم للعدو عاثو ر *** واهل المجد لعجموا عوده
هيازع وانا علم منشور *** وانا الوفى وحمايه عهوده
روم وعجم دسنا وكم طابور *** بسوح الوغى لشاش مرجوده
من البصره لبغداد للخابور *** سوح العبد والدنيا شهوده
عراق شمخ والعدو مدحور *** واحنا بفخر حمايه حدوده
عدونا بالويل والثابور *** واحنا المر العلى كبوده
للمجد حصن وحنا السور*** ودرب العصي الروده تروده
صابور نمشي كتف صابور*** وحوض الشرف يزهي بنا وروده
كم فيلق تايه ومنثور *** من ضرب خياله الروده
بخيبه وذل انسحب مكسور *** ويخيبته من طوى بنوده
وكم فارس ندو وكم مسطور *** وكم خفره ادمت خدوده
صيد لسود ابهن جور *** ونعم الذخر صيد لسوده
سربه بدجاها شهب وابدور *** ويسربه العدوان مسروده
ليا زحفت سيل يشيل الكور *** وليا ارعدت مزنة سوده
جلاع هدمنا وهدمنا قصور *** وكم قايد جبناه بقيوده
جيوش سحقنا على الخابور *** تمر وعلي باش وجنوده
السوح لمن رحاها اتدور *** نسجي العدو المر ونكوده
كم صوله صلنا بفجة النور *** مزنة الفجر ترعب رعوده
وجبنا خيول وجبنا خور *** وجبنا العدو غصبا وذوده
عيال العبد للمجد كل دور *** ولوح الشرف خطوا بنوده
حوض الشرف لوموتها منشور *** يردونه وشالوا سدوده
دلال بعز زهن ونجور *** ورباعنا العطيب ممدوده
مع تحياتي
رد مع اقتباس
المفضلات