جوايز جوايز ... قرب قرب
السلام عليكم يالربع والربعات
هذا يالربع و الربعات تخبرون يوم جت الاجازة قعدنا لا شغله ولا مشغلة ..... ما به الا هالمنتديات نفرفر به المهم و انا أفرفر بها المنتديات طحت على منتدى ... مكتوب به اعلان عن مسابقة للاعضاء الجدد .... والجوائز مغرية جدا ... عاد تخبرون جوايز ومغرية أكيد تبي ترق لهاة الشيخ شليويح لخوض هذه المسابقة والحصول على احدى هذه الجوائز >>>>>>>> طفارى وش نعمل ؟؟
وبعد التسجيل في المنتدى ... دخلونن مع المتسابقين >>>>> فرحت قلت أكيد ما لقوا غيري .. يعني ضمنت الجايزة
ما لكم بالطويلة بدأت المنافسة بين الأعضاء .... وكانت الاجابات ترسل للمشرفين على الخاص >>>>>> شكلهم يغشوووون
تأهلت ما أدري وش لون >>>> عشان كذا ما شكيتهم
ما بقى الا التصويت >>>>>>>>>> وينك يا صدى ؟؟
المهم بدأ التصويت وأنا ما عرف أحد >>>>> عضو جديد و أجودي على باب الله
وبعد ان بدأ التصويت ..و أراعي للاستفتاء يمار اسم مخوف العربان بأخر القائمة >>> شكلهم ما عرفو من أنا ؟؟
و انا اقعد أفرك يديواتي يا شليويح وش تعمل ؟ يا شليويح وش تعمل ؟ وبينما أنا غارق فى بحر أفكاري و امذرح بالمنتدى ضايقتن بي الوسيعة ما بحرت الا هالعضو اللى رازن اسمه بكل موضوع واسمه (أسلم من شري )
أنا أحسبه من العجلة (أسلم >>> فخذ من شمر... شري >>> القرية المعروفه التابعة لحايل )
ففهمت انه أسلمي ساكنن بشري >>>>>> لا تلومونن تقل وغد مضيعينه اهله بالجمرات
المهم ... قلت وصلت خير يا شليويح مالك الا ابن عمك يفزع لك راسلته ...
وهذى هى الرسايل اللى صارت بيني و بينه
&&&&&&&&&&&&
شليويح
السلام عليكم
يالبناخي المسابقة اللي بالمنتدى ... انا مشارك به .. تكفى افزع لي يالبناخي ابيك تصوت لي ..
والجايزة نصيفه بيني وبينك
هااااه وش قلت ؟
أسلم من شري
ليش انا بالذات انت تدري دحين ان اللي تطلبوه حرام وغش عشان كذا انا اعتذر عن التصويت والرجاء عدم احراج اي عضو غيري لان اذا ارسلت الرساله هذي لغيري بيخاطب مدير المنتدى وترووووح فيها
وشكراً
ارجوا الرد على السؤال لماذا انا؟؟
شليويح
لعنبوا حي العدوا انت منت شمري ؟؟
ياخي كل شمري تفزع لبعضه الا انت ... ولا بعد ... تبي تعلم علينا ؟؟؟
انت من اي الاسلم ؟
أسلم من شري
انا ماني شمري لكن انت مين عبدالرحمن ولا راكان
مسجل بعضوية جديدة حتى تفوز بالجائزة
ههههههههه
شليويح
طيب انت ليه كاتب اسلم من شري ؟؟؟
اسلم >>> فخذ من شمر
وشري >> قرية قبل حايل
وانت تقول منت شمري
ياحسافة على الرجال
أسلم من شري
طيب اذا انت داخل علي وتتريق
رسالتك راح توصل للمدير الان و رابط عضويتك بارسله رساله الان بااااااااااااااااااي
شليويح
يالماخوذ
انا راكان خويك راكان
أسلم من شري
شفت كيف اخلى الواحد يعترف بسرعه والله اني كنت عارف عشان كذا سالت انت راكان ولا عبدالرحمن ههههههههههههههه اصلح اشتغل في هيئة التحقيق والادعاء العام هههههههه
اكفوووووووووووووووووووووووووووووووش
شليويح
هههههههههههه
لعنبوا حييييك والله انك تقرن الخنافس
أسلم من شري
تسلم يخوي
&&&&&&&&&&&&&&
ابشركم طلعت قبل الأخير >>>> مار اكالليلة ما نمت من الضحك
ههههههههه
رد مع اقتباس
المشاركة الأصلية كتبت بواسطة كحل المحاجر
المفضلات