حذف اسم القبيله من بطاقه الاحوال‏

**سنعوسي زاحف** · 13-07-2008 04:51

قرار يبي يجلب مصايب والواجب ان القبايل ماتسكت لهم ابد
وهالموضوع بزعمي انه صار بعهد الملك فيصل لكن القبايل ماسكت لهم ابد وتراجعوا بقرارهم

الموضوع ومافيه ان الحضر ثايرين بسبة شاعر المليون بزعمهم جاب نزعات قبليه والصحيح حتى لو حذفوا اسم القبيله شاعر المليون باقي واللي يبي يفزع مع ولدعمه امر مفروغ منه كلن يعرف وش هو

وهم فزعوا وماحد شاف بطاقتهم يعني بزعمهم لو حذفوا القبيله ماحد يدري وش يرجع له هههههههاي

بزعمهم يبون يعالجون الموضوع فاقدين النسب ونسوا ان فيه مشكلت تبي تطلع وهي تدالس الانساب والرسول يقول لعن الله المنتسب لغير ابيه

ولاحول ولاقوة الا بالله والله يكفينا شر الحاقدين وشرور هالدنيا

ريم شمر كفيتي ووفيتي ياخت الرجال

**فاهم غلط** · 13-07-2008 07:02

[align=center]
والله ما طرت اغيره

ولو غيرته اكتبه على السياره من قفى.........
[/align]

**عجايب بنت الشايب** · 13-07-2008 07:53

قلت لأبوي

قال .. جعلها تحذف عيون راعي الفكره == عزالله انها تنحسب في حسابه

طبعاً راعي الفكره وليس المشايخ والأئمه حفظم الله لأنهم شعب مأمور

**كمبودي معتق** · 13-07-2008 10:47

بسم الله الرحمن الرحيم

أهلين طلال

مستحيل يسونها

اكيد اشاعات وكلام جرايد او يبون يشوفون ردة فعل الناس

اجل كيف نعرف القبيلي من الخضيري اذا جاء يتزوج

لالالالالا

مستحيل ما اصدق

تحياتي

كمبودي معتق

**صدى الشمال** · 13-07-2008 21:10

المشاركة الأصلية كتبت بواسطة فاهم غلط

[align=center]
والله ما طرت اغيره

ولو غيرته اكتبه على السياره من قفى.........
[/align]

شيه خشمك

**بالمختصر..** · 14-07-2008 03:11

عـذر أقبـح من ذنـب ..!

.
.

**طلال الاسلمي** · 14-07-2008 11:17

الظاهر هم يبون يلغونها عشان التعاملات , يعني لو صارت لك معاملة و قرا الموظف باخر اسمك الشمري
أو العنزي او التميمي او المطيري أو غيرهم ما يحابيك اذا كان من قبيلتك ولا يعطلك اذا كان
ناقص عقل وحاقد عايش باللي راح .
بالعربي يبون يقضون على ظاهرة الفزعة و على العنصرية اللي احيتّها برامج الشعر لانها
خطيرة و تأثر على أمن و وحدة البلد لو احد استغلها.

و بصراحة ما ودي يلغونها . معجبني اسم الشمري بهويتي .

كلام سليم يعني هذا بداية محاربة فبتامين واو

**طلال الاسلمي** · 14-07-2008 11:18

عـذر أقبـح من ذنـب ..!

.
.

اين القبح في ذلك

**طلال الاسلمي** · 14-07-2008 11:20

المشاركة الأصلية كتبت بواسطة ابو عارف

الله سبحانه وتعالى قال في كتابه العزيز وجعلناكم شعوب وقبائل الآية:

أن أسم القبيلة محفور في القلب والذاكرة فقبل الوثائق هذه والقبائل تعرف بعضها وتفاخر في أمجادها وأنسابها.

لم تجد من يسألك عن ماذا كتب لك في بطاقة الأحوال .

فسوف تبقى قبائل الجزيرة العربية كماهي بدون توثيق فهي موثقة في ذاكرة التأريخ ولاضير في ذلك.

شكراً لك أخي طلال الأسلمي الشمري حفظك الله.

كلام جميل بس انت الان ترى مدى استغلال بعض الناس للقبلية مثل التصويت بصراحة اشوفهم يضحكون علينا !!