وش مقبره والوصف مافيه تزييـف.........ولا ني من اللـي شغلتـه بالطنايـز

[الاعصار]

السلام عليكم ورحمة الله وبركاته
........................

لاوالله الا شـــيـف بالعـيـن ماعــــيـف..........وضـــعٍ لراعــي العقـل ماهـو بجـايـز
وش مقــبره والوصف مافيـه تزييـف..........ولا نــي من اللـي شغــلتـه بالطنـايـز
في وسطها شفت الجنايـز مـــهـاديـف..........اظهورهن حـــدبٍ سـوات العــــجايـز
فيهن سواد الوجه من عرض ماشيف..........جنــــــايـزٍ فــــوق الجنـــايـز جـنــايـز

...................
مع التحية والتقدير لكافة الزملاء

[((عبدالله بن غيث))]

قل آمين الله يكفينا شره ...!


لك تحياتي يالأعصار....!

[العَـــروب]

صح لسانك يا ابو ماجد

اجرب ارمع ولو اني عارفة النتيجة ..

شرايك بالفحم اذا دفنته بالبر ..؟؟




قوااااك الله ..

[العَـــروب]

اسحب رمعتي

لو ادري ان ابو سليمان عنده رمعة كنت اكتفيت بالمراقبة



قواكم الرحمن ..

[وافي الزنيدي]

صح لسانك ابو ماجد وصح لسانك اخوي كحل المحاجر
.
.
.
.

الحمدلله اني ما كتبت (سجن ابو غريب) والله انه على طرف لساني

[الاعصار]

قل آمين الله يكفينا شره ...!


لك تحياتي يالأعصار....!

واياك وكل مسلم
نعم الحل
طفاية الزقاير
صح لسانك وبيض الله وجهك
ولكن طفايتك اللي بالصوره مابعد صارت مقبره هههههه
حدب الظهور بسبب ان المدخن يقوم باطفاء الزقاره بضغط راسها على الطفايه فتا خذ من اعلى وضع الانحناء وسواد الوجه طبيعي من عقب ماتنطفي يبقى بوجهها سواد
تحيتي لك وتقديري

[الاعصار]

اسحب رمعتي

لو ادري ان ابو سليمان عنده رمعة كنت اكتفيت بالمراقبة



قواكم الرحمن ..

هلا بك وصح لسانك على تأييد الرمعه

[الاعصار]

صح لسانك ابو ماجد وصح لسانك اخوي كحل المحاجر

.
.
.
.

الحمدلله اني ما كتبت (سجن ابو غريب) والله انه على طرف لساني

صح لسانك على تأييدك لرمعة كحل المحاجر
تحيتي لك وتقديري

[((عبدالله بن غيث))]

أبو ماجد سلمت ودمت ,,,,, صح أبداانك ,, وصح لسانك جميع ...!
ننتظر لغزك القادم ولاعاد تبطي علينا ياخوك ترا لك فقدة ....!
والشكر كل الشكر لكل الأخوان المشاركين , أم يوسف الزنيدي وجميع الربع ...!



راعي سجن أبو غريب , كيف أنت عساك بخير...!