[align=center]
يا وخيتي حنا بالسعودية غير ..
50 - 120 ألف ريال سعودي قيمة المهر بس , و أحيانًا يكون شامل أو ( قطوعة ) ..
و شوفي امها كم لازم تعطينها هي بعد من غير المهر و وش ا لسلم اللي يمشون عليه ..
و شوفي اخوانها , هم يبون اشتري لهم سيارة و لا لا و مدري انا بعرس عليهم و لا على اختهم .
ابوها الشايب : وش طلباته و هو يبي يتشرط بعد و لا لا و اذا كانت بنته موظفة , هو بيقول لي انت طمعان
براتبها اذا كان راتبي اقل منها و يرفض العرس و لا بيسكت .
او هو بيجيني و بيقول : انا ما ابي شي , و تخبر طلبات الحريم لازم نرضيهن ..؟ <- وجع ..!
القصر بيكلفك من 20 - 60 الف ريال و على حسب المدينة و فخامته .
غرفة النوم بتكلفك بحدود 40 الف ريال اذا هي تمشي الحال ..
و شوفي كم راتبك , العن ابو حي العدو .. !.. 15 الف ريال شهريًا ,أكثر من ثلثها يروح لقرض البنك
و الباقي فواتير و أجار المكتب و رسوم الغرفة التجارية السنوية من غير قيمة العطاء اللي تدفعينه
للمناقصات اللي تدخلينها و يمكن ما ترسي عليك , منين بندفع كل مصاريف العرس ..!
و شوفي هالبنت بالاخير هي تطلع تستاهل ولا ما تسوى ريال ..!
و فوق كل هذا يقولون : عندنا ازمة عوانس ..!!
الرشايدة يزوجون عيالهم و هم ما بلغوا
و حنا يا الشمامرة الواحد بنا يتعدى الثلاثين و هو توه ما اعرس ..!
الا وش حارقً رزي انا ..؟!
بسلامتكن علكن ما اعرستن ..
[/align]
رد مع اقتباس
المشاركة الأصلية كتبت بواسطة جود
المفضلات