مع المضايف أبداً
ولها أرجو كل تقدم ونجاح
ولكم أنتم
يسيل الليل من عين الشفق .. وابدا قبل لا أنام
ــ أرتّب دفتري ، وارشف مكاني ، وافرش عيوني
واجمّع حزني وباقي قصيد ٍ له ثلاث أوهام
ـــ مغربني .،.\.. واخمّن لهفة احبابٍ يمروني
تمشيت السهر لين السهر ماشالته اقدام
ـــ وزمّيت الاماني شهقتيـــن ..وملّت متوني
حبيبي..ليه مامر القدر صوتك ..وصبري قام :
ـــ يقيدني عطش ..لين السواقي..تفجر جنوني
لك الله.. ضاقت ثياب القصايد ..وامتليت الهام
ــ ولا ادري كيف الوّح لليباس .. واكسر غصوني ؟!
احبك كثر ماطاحت من احضان النظر أيتام
ــ واحبـــك كلما اشعلت حب .. وساحت جفوني
احبك والصدر كوخ السوالف والجروح قدام
ـــ احبك كثر مادوزنت عشق .. وغنت طعوني
انا المحتار كيف ارتاح في صمتك..وانا المنضام
ــ وانا ماضلّبـــي دفتر حزين ٍ .. ماخذا لوني
أبد ..ماطاح من عين المسا قاسي..وقبل اعوام :
ــ يشوفك تلبس الخطوة جفا ..\.. بس طاحت عيوني !
كذا رتبت حزني ..وانكساري.. وانحنيت ايام
ــ ارش ارض الحبايب لا تمشوني ...\..ولا جوني !
رد مع اقتباس
المفضلات