اخواني في فلتنا الغراء ( مغرورين )
ياحليلكم
بالاول احب اقول لكم اني شاورت اخواني يوسف وريال الفسحه عن فكرة كتابة مسلسل رمضاني في الفله
والاخوان وافقو على هالفكره لانها راح تخلينا ان شاء الله في رمضان ( الله يبلغنا جميع ) ننتظر شي على الاقل
ومن هالمنطلق
ومن هالمنطلق
بالله قوموا سناعيس هاللي نيم
المهم
ومن هالمنبر
احب اني اقول لكم
نبي هالمسلسل مشاركه من الجميع ....
يعني
كل عضو عنده ظاهره اجتماعيه يبي مناقشتها في هالمسلسل بشكل قصه ساخره يرسلها رساله خاصه لي
مثلا:
ابو طروق يرسل لي ظاهرة غلاء المعيشه
وابو عارف يرسل لي ظاهرة السياحه الخارجيه
وكذا
واكيد كل واحد عنده فكره او ظاهره او اي شي يفيدنا بوه
واكيد ان فيه كذا واحد قاعدتن الشفايه تحكهم حككك الله لا يبلا
ويبي يسعل طيب انت يالشبث تبي تكتب ثلاثين حلقه
اقول لوه بالله انطم ثواني وخل اكمل
اما طريقة الكتابه
فمثل ما ان الافكار مشاركه من الجميع
كذلك كتابة القصص مشاركه من الجميع
يعني
اللي يشوف في نفسه القدره على كتابة قصه من اي ظاهره ارسلها له يرسل لي رساله خاصه يبلغني بهالشي
بحيث
اني ارسل للاخوان اللي يبون يشاركون في كتابة القصص
مثلا :
انت يابو فسحه اكتب لي قصه عن ظاهرة الطلاق او العنوسه او او او .... الخ
وكذا مع الاعضاء الاخرين
وانا راح اكتب جزء من القصص بحكم اني عضو منكم وبكم ( لعن ام التواضع يا شيخ )
المهم لا يكثر
عطيتكم وجه
واكيد فيه واحد مفهي من اول الموضوع وتوه صاحي ويبي يتفلسف علي ويسأل
طيب من هالحين تبي تكتب وتصجنا ورمضان توه ؟
( عاد ارد عليه بحكمتي المعروفه وارفسه ركبه واعطيه كف يحبه قلبك )
واقول
الوقت مهو بدري
ورمضان باقي عليه شهرين
وماندري وش الظرروف اللي تحصل
ونتجهز من هالحين ازين
ويجيني واحدن تقطر سبلتوه من الفهاوه ويقول
طيب شلون تبون تنزلونهن
واقول له
الاخوان اللي يكتبون القصص يرسلونهن علي رساله خاصه
وانا كل يوم من ايام الشهر المبارك بعد المغرب انزل قصه
واكتب فكرة فلان وكتابة القصه من العضو فلان
وهذي اخر الافكار الفلاويه من اخوانكم المشرفين العزيزين ( ريال فسحه ويوسف )
وارجوا التفاعل والمساهمه في هالمسلسل الرمضاني اللي اعتقد مافيه منتدى يسوي كذا
واحترامي لكم كل ابوكم بعد وجيه
وتقلدوا تحيتي
رد مع اقتباس
المفضلات