للـصباح اليوسفي ..
اعذروا تواضعها ..
[poem=font=",6,white,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]
على أنغام دقّات القلوب التايهة غنّيت = مواويلٍ تسلّي غربتي بالحان آهاتي
أجرّ الصوت واعياني لحن بيتٍ يتابع بيت = على ذكرى وطن غايب تناثر ديم عبراتي
غريبة .. والوطن نفس الوطن .. والبيت نفس البيت = دفاتر شعري .. وعطري .. وساعاتي .. ولوحاتي
غريبة ..!! كيف انا صرت الغريبة عن ثرا لِكْويت ..؟؟ = واشوف الليل في عز النهار يزيد ونّاتي
هنا بـ.. (الشارع الخامس) تلاقينا ../.. هنا صدّيت = هنا تخنقني الوحشة .. وانازع .. وانزف ابياتي
غريبة ..!! كنّي اسمع زفرة (الشارع) بعد مـ..اقفيت = يواسيني .. يهدّيني .. يبرّد حرّ لوعاتي
غريبة ..!! كيف شفتك في زوايا غرفتي .. واحييت = بصدري .. طفلةٍ بُعدك جعلها ضمن الامواتي
أناديلك .. واجاوبني .. ولا ادري ليه انا ردّيت..؟؟ = كأنّي ساكنة ذاتك .. أو انّك ساكنٍ ذاتي
تعاااال .. وبعثر شْتاتي ./. وكانك يالغلا ما جيت .. = باجيك وبانثرك فيني واجمّع باقي شْتاتي
تعاااال .. وشوفني .. صرت الغريبة عن ثرا لِكْويت = واغنّي لي واسلّي وحدتي بالحان آهاتي
[/poem]
[align=CENTER][table1="width:95%;"][cell="filter:;"][align=center]جود[/align][/cell][/table1][/align]
.
رد مع اقتباس
المفضلات