سولافة : تكفون من يعثر عليها يجيبها لي !

[سمااا]

مرحبو .. ياالربع .. أشتقت لكم
ستـــــثير أوي مرتن بالحيل ...
- أذكروا الله على ثقافتي باللغات-
إييه خلوني ودعوني وأتركوني أقـــــول لكم سولافة شغالة
أخـــــوي .. هي أندونسية الجنسية
.. طبعا" عندنا مرت أخوي حركه- بتشديد الراء - وماتحب شغل المياطه .. يعني شذره و قرمـــــه -
قالت لأخوي : أسمع يا آدمي أنا بصراحه طفشت مليت أنت ماتحس ماتفهم .. ليا متى وأنا أركض ورا عيالك بالحوش هاه .. قل لي !
طلعات ماأتهنى فيها والسبه قرودك - تراها سبت روحها - وعزايم ماروح عشان عندي عيال كنهم جنون -بسم الله علينا- وحتى بالبيت مافيه راحه .. !! طبعا" لاحد يسأل و يقول :
وأنتي ياسمااا وش عرفك ؟
لأني وبكل نذاله كنت أتصنت عليـــــهم - هذه أصولها ..-
طبعا" المره جايه من أقصاها .. تمشي ميتين ... وتلعلع .. وأخوي ماغير يتنحنح ضايقة به - والله من الذرقه ... بالع العافيه ..-
عاد هو بيسوي فيها رجل .. قال : أقصري حستس يا مره ..
ردت عليه وهي مـــــطيره عيونها : ليه وش منه خايف .. ماقلت غير الصدتس .. لايكون خايف من أمـــــك وخواتك .. خلهن يسمعن - طبعا" أنا جيت أتهور وأفتح الباب وأدرعم وأنشب بشوشتها الصفراء - اللي تذكرني بالشحروره - ..
ولاحد يسألنـــــي: وش عرفك ياسماا إن مرت أخوك طيرت عيـــــونها !!
لأني بجاوب وأنا أرفع بحواجبي وأنزلهم - حركة نذاله - أني كنت أوايق عليـــــهم .. - هذا اللي ينفع مع حريم الأخـــــوان - ..
طبعا" أنا في هذه الأثناء متابعه .. وبشده للخنقه اللي قدامي .. ومتحمسه بعد .. كنها مباراة تركيا و ألمانيا ... - حولنا على المضيف الرياضي -
المـــــهم ... سمعت أخوي يقول : طيب وش تبيني أسوي !!
ردت: جب لي شغاله ...
أخوي من جد ضاقة به .. فتح أزرة الياقه وقام يتنفس بعمق ... - تستاهل وأنا أختك لو إنك متعنـــــقها بمخمس من أول ما رفعت صوتها عليك و خليتها تصيح و ورشتها- بتشديد التاء - لأهلها ستان ما قالت اللي قالت .. ماش تعبت وأنا أحرش بك .. أأأقصد أعلم بك -
وفجأه أخوي يستجمع قواه ليذهب لمكـــــتب الأستقدام .. - من فوق خشته - وأنا أهج لغرفتي وأسوي روحي نايمه- يعنني بريئه -
وو جاء العصر .. وطق الباب إلا هـــــو أخوي ومعوه الشغالة !!
-حريم .. حريم لابغن الشي سوونوه-وووجت الشغاله ... - ترا توي بديت السولافه -
شكلكـــــم طفشتو .. لكن ماعلي
مكمـــــله السالفه مكملتـــــها الله
لا يعوق بشر !!
المهم .. عاشت معنا - سونتا - حياة جميله .. أنواع الكرف والشغل ..
حتى من زود الدجه صرت أخليـــــها تقص أظافري وتعملي بدوكيير ومناكيير .. بالفازليـــــن - ياحليلي وربي أنرحم بايـــــن اللي ماعمرها شافت شغاله ...- وفي أحدى الأيام ومرة من المرارير ..
صحت شغالتنا وخشتها زرقاء
أنا خفت أحسبها باستيه ..!
قلت يافرقا شكلها أشتاقت لهبوب أندونسيا .. جيتها وسألتها : ليش أنتي في يبكي ..!
ردت سونتا : مين كلام أنا يبكي ..
قلت: لا بس ههه أنا يشوف خشة أنتي أزرق ..
ردت و هي معصبه : لا كشم أنا مابي أزرك -
بصراحه أنا أنبهت ومدري وش أرد عليـــــها !!
الوكـــــاد عطيتها أشكل وخصرتها ..
لكن الزراق يـــــوم عن يوم بإزدياد - حلوووه بإزدياد هذه شكـــــلي من أمس أتحفظ فيـــــها-
وذات يوم سمعت خرفشه بخزانة الشغـــــاله وأنا أسمي بالله وأتشهد وأفتح الخزانه .. والقى فار ناشب بمنديل سونتا ..
- عاد أنا صرت حزينه ..- قلت بس هذا سبب الخشه الزرقاء .. أكيد يعضها و هي نايمه ... ومفتشله لا تقول ..
ومدري وش أقردن وسألتها :
خشم أنتي أزرق عشان في فاره عضي ...!
ردت و هي تناظر بإستغراب :
إيش فاره !!
-عاد تعالوا شوفوا سماا وهي توصف الفاره ..-
عجزت أوصلها وشي الفاره .. وسبحان الله مدري وش جاب توم وجيري على بالي فـــ قلت لها:
معلوم توم جيري .. مافيه كبير لا هذا صغير أسمي فاره ،،
و هي تصرخ وقالت: قرفه أنا بي باره ..! -ألين هذه النشبه-
وشلون أرقعها .. المهم يارب سامحنـــــي كذبت وقلت : ههه أنا في يضحك يمزح يفلها ههه ..
قالت : إيش يمزه يزحك ..!
قلت : قطاوه قطاوه -
طبعا" قطاوه معناها ضحك بالأندونيسي .. الله يسلم مغتربون في بلادنا .. على المجد ..!
وجاء الليل وأنا قاعده أفكر فيها .. "
قلت ولوو إيه لازم أروح وأطمن عليـــــها.. دخلت غرفتها وهي نايمه .. و ولعت اللمبه .. إلا وكانت الفاجعه ..
نعـــــم إنـــــي علمت سر هذا الإزرقاق .. !
ياللهول ياللهـــــول .. أنـــــها أعتادت أن تضع نشابة الغسيل عند نـــــومها على خشتها ظننا" منـــــها أنـــــها ستكمش ..!!
عاد أنا عصبت يـــــوم شفتها .. اللحين أهوجس بتس و أفكر-
وآخرتها ياسونتا نشابة غسيل
!!
جيت و ضغطت على نشابة الغسيل
.. وبموتهااا ..
لكن تعرفون .. قلبي رحومي .. بس خرعتها شوي .. ماهو كثير"
عاد يوم أصبحنا .. ندورها مالقيناها ..
أثاريها بنت الحلال هجت .. عاد اللي يلقاها يعطيني خبر .. مايحتاج بعد .. أوصفها .. علامتها الفارقه - نشابة غسيل بالخشه ..-
وجيت من عندهم وخليتهم !!
شكرن لحسن الأستماع ..
و يالا له يا لالا لي -

[أبوطروق]

1

:

[أبوطروق]

هههههههههههههههههههههههه هههههههههههههههههههههههههههههه ههههههههههههههههههههههههههههههههه هههههههههههههههههههههههههههههههههههههههه هههههههههههههههههههههههههههههههههههههههه هههههههههههههههههههههههههههه

سما انتي وش تبين به هي وخشته؟

الحين من يسويلتس بدي كير ومني كير

قردتي روحتس يالداجة



سالفة شي اسمحيلي ابي اقوله لاخوياي بالدوام يمكن يلقون شغالة مرة اخوتس (الشحرورة)

:

[حمـود]

2

ابو طروق هي مسابقه

اقول الله يصلحتس ليه تغضين الشغاله

مهي ادميه

بكيفه لو تبي تشنق روحه

اقول والتسمع الحتسي هذا ما فيه كويس

والنظر الي ما ادري وش اسميه

هالملقوف

[سمااا]

أهلا" :
أبوطرووق .. قسم بالله يشرفني مرورك الأول

ومسامح قلها لخوياك
بس أهم شي تلقونها - فديت خشتها الزرقاا ..

[سمااا]

حياك : الناصر ...حمود:

أبو طرووق يقصد برقم واحد يعني يحجز مرور أول
‏*‏
وأنت يا حليلك حاط أثنين وماتدري وش السالفه -

-ماصار شي كل واحد يصلح سيارته-

لك مني شكرا" يضاهي جمال مرورك ...

[حمـود]

لا انا بس اتشمت بوه


دايم يسويه

وانا اشمت بوه بس

شكرا لك على التوضيح

[أبوطروق]

حمود تشوف تالية الشماته_ قامت تشمت بك سما وتحسبك غشيييم كركركركركركر

ياشماتة طنط تمازر بيك


شكرا سما لشماتتس بابوناصر

:

[فتى البيداء]

سماا الحقيقة عليك فبركة للقصة ونضم للقصة جميل مو مثلي أخبصه وتجي بالبركة .

لكن جمال قصتكي لا يمنعن أن أقولك هذا إذا كانت قصتكي صحيحه .

قال تعالى (ولا تجسسوا ولا تحسسوا ولا يغتب بعضكم بعضا) حطي هذه الأية الكريمة بين عينيكي تفلحي .

نحن في مضايف شمر أخوة ومتحابين ولازم يفطن بعضنا بعض لما لا نحن بالأول مسلمين وبالثاني من قبيلة واحدة ومن ليسا من هذه القبيلة فأكيد نحن خوالة يعني خوالة شمامرة .
وحتى لو لم يكن ينتسب لقبيلة شمر من جهة أبيه أو أمة فنحن قبيلة عرفت بالكرم على مر العصور وعند أشد الحاجة فأهلنا يجودون بالكرم ولو حتى على حساب جوعهم وجوع أبنائهم .

أشكرك سماا على هذه القصة وأمل أن لا أكون ثقلت عليك .

[الشبث]

[align=center]
لي عوده



مواضيع سماااا دايم يبيله تكييف


وتقلدي تحيتي
[/align]