.. السلام عليكم ورحمة الله وبركاته ..
.. أنا عضو جديد معكم ..
.. وأحببت المشاركة هنا ..
.. وهذي مشاركتي الأولى ..
.
.
.
.. قصيدة كتبتها بعد ما قرأت عدد من أبيات صاحبي ..
.. إليكموها ..
.. " ســـــــهــــام الـــهـــم " ..
رفـيـقي لا تـهـيّـضني على الـمـسـحـوب والمجرور
أجـر الـصـوت والـدمـعـات مـن عـيـني تجي مـدرار
تـذكـّرت الـزمـان اللي مـضى والـيــوم أنـا مـقـهـور
أنـا مالي ومال الـضـيــق والـــفـــرقــا وبـِعــد الـدار
أحـس الـضـيـق كـ الجمرة على قلبي وانـا مـحــرور
مـن اللي ضـامـني بالجور مـا يـدري عن اللي صـار
أحـس بـداخـلي نـارن مـن الـــفـــرقــا كـمـا الـتـنـور
لـهــيــبـه مــشـتـعـل فـيـني وزاد احـراقــه الـتـذكـار
لــيـا مـنـّي ذكرت أيـّام وسـنـيـنــن مضت وشـهــور
أهـلّ الـدمـع مـن عـيـني وفي صدري تـزيــد الـــنـار
زمـانـن فـات مـا شـفــنـا ظـلامـه لـو يـزول الــنــور
قـلـوبــن صافيه بـيـن الــرفــاقــه واهــلـهـا والـجـار
زمـانــن ما عـرفــنـا فـيـه من ظـلـم البشر والـجــور
حـيـاتــن مـا بـهـا ضــيــقــة ولـكـنّ الــبـحــر غــدّار
رحـى الأيــام دارت واســتــدارت فــوقــــنـا وتــدور
على الـمـكـتـوب نـمـضي ما عـلـمــنـا خافي الاقـدار
سـهـام الـهـم تــرمــيــني ولا بــه للــفــرح مــذكـور
سـجـيـن الـهـم أنا والـجـرح ما بـيـن الـحــنـايـا غـار
أنـا مـثـل الـغـريــب اللي يـحـاول يـجـمـع الـمـنـثـور
شـتـاتــن يـجـمـعـه بــيـده وطال الـوقـت بـالـمـشـوار
.. وسلامتكم ..
.. أخوكم ..
.. عقاب بن ممدوح المرزوقي ..
.. أبو ممدوح ..
.
رد مع اقتباس
المشاركة الأصلية كتبت بواسطة سلطان الشمري
المفضلات