به سالفتن من ارشيف الضاري 11 تراكمت عليها السنين واليوم نفضت عنها الغبار
طبعا السالفه على خوي الضاري 11 لاتحسبونه نذاله
به واحد من الشباب يوم توظف بوظيفه فى احدى الشركات تخبرون الليد مفلس مامعه حق
التاكسي مطفر...المهم جلس عده شهور بالشركه المهم من خلال جلوسه حاول ان يتعلم
السواقه مع خوياه .. كل مايقررون ويروحون هو ينقز يبي يسوق ومن زين حظه بعد فتره اشترى
سياره على قد قروشه وهو يداري سيارته على باله( لكزس) مايبي احد يلمسها .
الوكاد يوم الربوع بعد الدوام قرر ان يروح لاهله بالرياض مر المحطه الاولى يبي يعبي بنزين
وشرى شريط بشير حمد شنان تعرفونه
وهو بالطريق ماغير يومي براسه من الاغاني وعيونه يم رجلينه خوفن يلخبط بدعاسه البريك
والبنزين تخبرون العليمي المهم وهو ماشي بالطريق شاف عائله متعطله الرجال يبي يفزع
للعائله يوم تعداهم دق ريوس بمسافه ماهي بعيده حيل وهو يلتفت وراه ومسوي ماسك طاره
دق ريوس قرب للسياره كانت سياره العائله مبنشره ورافعينها (بعفريته) لاحد يخاف
يوم قرب للسياره يبي يدعس البريك المسكين دعس البنزين وهو يرقع السياره ( صدم ) اللي
يبي يسعفهاالسياره الحمد لله مابها احد طاحت السياره واقرد بالعائله تخيلوا معي موقفه
المهم نزل نطحه الشايب قال للشايب سلامات قال الله لا يسلم منك مبط ابره وش جابك علينا
يعلك ماتجيب الفود رح مانبي مساعدتك اذلف الله ياخذ العلابي
رجع المسكين وركب سيارته ومشى حتى الان مايحب الريوس
وسلامتكم
رد مع اقتباس
المشاركة الأصلية كتبت بواسطة ابو عارف
المفضلات