][^][ طلبتكـ يمه / هاتي لي عروسه مالها رجلين / ][^][

[بنت الجبل آخت القصيد]

قرات قصيده اليوم واثرت فيني ..
من وجهة نظري ان الاعاقه ليس من فقد نعمة الحركه او البصر او ..غيرها ...
المعاق .. من انعم الله عليه بنعمة العقل وأساء استخدامه
اترككم مع القصيده..
/
\
يجينا الفرج بكرا.. يا بنتي بس لا تبكين
انا مااستحمل دموعك .. وهمساتك تبكيني


نشف دمعي على خدي يا بنتي من ثلاث اسنين
وصارت كل آلامي تعيش وتلتحم فيني

يا بنتي احبسي دمعك دخيلك اكتميه الحين
حرام الدمعة في عينك تعانق ماضي سنيني


تعالي واحضني فرحي .. وقولي للفرح اهلين
وخلي حزنك بقلبي .. دخيلك يابعـد عيني

اشوف الدنيا بعيونك .. واشوف الفرحة بك يا زين
وانا مالي سواك إنتِ .. وإنتِ شمعة تضويني


علام الهم في قلبك .. يابنتي ليه ماتحكين
ابيك تكسري همك وانا امك قولي حاكيني


يايمـه حالتي صعبة انا.. والفقر صرنا اخوين
اعيش بظلمة همومي والاقي الهم يكويني


(معاقة )يمه من صغري .. (معاقة) تشتكي حق مين
مدام ان البشر تنظر لحالي بعطف يعميني


اناظر هالبشر واسأل ..انا وش موقعي الحيــن؟؟
وش اللي يميز الأعمى عن اللي شوفهم زيني


فقيرة حظ يا يمـه وحالي تعمي العينين
من اللي يعشق ويهوى (معاقة) حظها شيني


سألتيني وش اتمنى يايمه منيتي شيين
يكون الفرح اولهم بعدها تعيش رجليني


انا ودي ومنا عيني يكون لجسمي بس( رجلين )
تساعدني على برك .. وبرك غايتي وديني

يا ليت الناس ترحمني وترحم حالة المسكين
ولا تجلس تناظرلي بنظره تجرح سنيني


تلاقين الفرح مظلم ونور الحزن وسط العين
وألاقي الهم والحسرة وسمها الوقت بجبيني

معاقة يمه قوليلي علامك ساكتة تبكين
كلامي ازعجك ادري .. وادري الدمع يشكيني


دخيلك يمـه لي رجوة مدامك قادرة تكفين
ابي لي لعبة يا يمه تكون الصادقة بعيني !!


طلبتك يمه هاتيلي عروسة مالها( رجلين )
وابيها تكون في كرسي .. ( معاقة ) مثلي ترثيني؟؟

/
\
عطرالقصيد

[المطنوخه]

لي عوووووووووووووووووده

بأذن الله

[بنت الجبل آخت القصيد]

بانتظار عودتك اختي


لاهنتي
/
\

[((عبدالله بن غيث))]

عطر القصيد ...!

بارك الله فيك , مؤثرة حقاً...!


لك تحياتي

[عبدالله الجعيثن]

عطر القصيد



تسلم يمينك على الانتقاء





ابيات محزنه وجزله

[جموح المهرة]

ابيات مؤثره
صح لسان كاتبها
ويسلم يمن ناقلها

[بنت الجبل آخت القصيد]

كحل المحاجر ..
شكراً لمرورك اخي ...

لاعدمنا تواجدك ...
/
\

[هند عبد الله]

انا ودي ومنا عيني يكون لجسمي بس( رجلين )
تساعدني على برك .. وبرك غايتي وديني

اللسان يعجز عن التعبيير
قصيدة رائعة و مؤثرة
تشكرين على اختيارك

احترامي.

[بنت الجبل آخت القصيد]

عبدالله الجعيثن

تسلم على المرور
/
\

لاهنت يالطيب

[سهو الليل]

[ALIGN=CENTER][TABLE1="width:95%;background-image:url('http://www.shmmr.net/vb/mwaextraedit2/backgrounds/12.gif');background-color:skyblue;border:10px outset crimson;"][CELL="filter:;"][ALIGN=center]
الله يعطيك العافية

عطر القصيد

والله قصيدة مؤئره

وصح لسان كاتبها

وتسلم يا عطر القصيد

الله محيك
[/ALIGN][/CELL][/TABLE1][/ALIGN]