السلام عليكم
بالخير يالربع
استريحوا كلن بمكانه
ياجماعة والله اني قبل كم سنة كنت شجاع وفتني وابضاي وكان لايشق لي عجاج وكنت ادور الشر ولا اسأل كم هم
لكن من تالي سايرن امرش واذل من هالوغادين اللي كلن سكينه بمخباه ومتعافين من النيدو والاندومي
ابي اقول لكم سالفة صارتلي البارح بس امانة لحد يعلم واستروا علي
البارح راجعين من الكورنيش أنا ومدامتي ووغيداننا وكنت مبسوط وفالة ولا عندي للشيطان طاري
ويوم جينا حدا التقاطعات وهو ينتقلي اكا الوغاد ومعه كم عربجي على لهم سويويرة صغيرة (قعية)
الوكاد بغيت اصدمهم وانا امسك بريك إلا طروق متكومن عند رجلين أمه
طبعا انا زعلت وفار دمي وانالك اعلق على البوري وطلعت يدي من الدريشة (اخانق ياعله ماعادت)
كملت طريقي وانا اراعي بالمراية إلا العرابجة ديورو وراي ويكبسون بالنور (هذي والله امهن)
فكرت اني اوقف بس طرن علي السكاكين والصواطير اللي مايخلا مخبا اي عربجي منهن وقلت ماتسوى عليك يابوطروق تندب قدام مرتك وعيالك
كملت طريقي (مع زيادة بالسرعة قليلا) وهم وراي ويكبسون (هذي والله النشبة)
طبعا ام طروق مهي منتبهه لمعاناتي وهروبي الكبير ولا كان وقفت واللي يسير يسير
المهم وصلت البيت وهالنزغة للحين وراي (بصراحة جعت وانا توي متعشي)
وقفت بالطبيلة (المظلة) وقلت لام طروق وعياله انزلوا بسرعة ابي اسير على جارنا ابي اشوف المباراة عنده (مابيهم يشوفوني اتكفخ)
نزلوا وانا مديت يدي تحت المرتبة وسحبت هوز حديد حق السخان (له قصة قديمة ومن يومه مافارق موتري)
طبعا هم واقفين ينتظروني وانا اجيك بايعن عمري ولي هدير (حتا انا مادري وش قلت)
ويوم وصلتهم وهو ينزل اللي بجنب السواق وقال: هلا خالي!!!
قلت: خلت علابيك وش عندك؟؟؟
قال: أبد بس شفتك ومعي كرت لعرس عمي موصيني اعطيك اياه قلت اقصر العنوة وخليت خويي يلحقك بس ما استفدنا لحقناك للبيت
قلت: قصر الله عمرك وياعله مهو مبروك بغيت تعدمنا انت وهالغشيم اللي يسوق يالله ضف وجهك انت وعرابجتك
مشا الوليد وهو متهول من خاله
عاد انا قلت
(راح الشباب ويل تسبدي من الشيب)
وسلامتكم
:
رد مع اقتباس
هههه هذا درس علشان مانستعجل و
ياالله مع السلامه
المفضلات