ســـؤال للأذكياء فقط ..!!

**عبير نجد** · 15-06-2002 19:07

[c] السلام عليكم ..

حبيت أسأل ..هالحروف هذي .. وش لون سووها ..

ژ

ڤ

ما أخبي عليكم ..حسيت اني توهقت ..لاني تحديت شخص قلت له الا لازم اعرف الطريقة ..دخلت نفسي في متاهة ..مالها حل ..وش السواة ؟؟ :p
[/c]

**الوبـيـــري** · 15-06-2002 19:55

هلا بـ عبير نجد

أعتقد هذه الحروف على هذا النمط

ژ

چ

پ

ڤ

وهي عبارة عن رموز موجودة في الوورد

للوصول إليها

insert ومنها symbol

تحياتي،،،،

**عبير نجد** · 15-06-2002 23:59

الوبيري ..شكراً ...ألف شكر لك ..
ياخوي انا على قد حالي لو يقولون بنخترق جهازك اقول الجهاز جهازكم ..
تقبل مني تحياتي تعبير عن الشكر ..
عبير نجد

**عبدالعزيز** · 16-06-2002 05:01

الوبيري يااااااااااااااااااااااخي

دورت هاللي أنت تقول insert ومنها symbol <<<<(قص ولزق)
ومابقي ألا أفك هاالازرة.....مالقيتهن
معين آصلهن؟

**أبو راكان** · 16-06-2002 06:36

أفا يابوصياح!!!! ما لقيتـهـــن؟؟؟

تراهــــم يقــولــون في الـ word ماهن في الـ kay board

تحيـــــاتي لك

**عبير نجد** · 16-06-2002 14:03

اخواني ابو صياح ..ابو راكان ..

انا فهمت ..كلام الوبيري ما شاء الله مفهوم ..

يعني إذا فتحت ما يكروسفت وورد Microsoft Word

إضغط على إدراج

بعدين رمز

بعدين دور عليها وراح تلقاها

وتلقى أشياء ثانيه غريبه ومهمة

**عبدالعزيز** · 16-06-2002 15:24

أشواااااااااااااااااا
قال أيش أبوراكان قال... الـ word ماهن في الـ kay board
طق عاد وشن ( الـ word ماهن في الـ kay board )<<<<(قص ولزق)

بس عاد أشوى ظبطت الوضع بنت نجد....ولو أن الوورد ماهو عندي

بس عاد يالله ....ماأقول ألا ماقصرتو وميرسي ميرسي كتير كبير

**عبير نجد** · 16-06-2002 20:37

ابو صياح ..

تصدق عاد ..حتى انا ما عندي وورد .. بس يوم اني رحت عند اخوي شفته :D :D :D

وشلون ظبط الوضع معك وما عندك وورد ؟؟؟؟؟؟؟:D :D :D

لا مرسي على واجب :D :D :D

**الوبـيـــري** · 17-06-2002 14:44

بسم الله الرحمن الرحيم

الأخت عبير نجد

حياك الله ولا شكر على واجب
------------------------------------------------------------------
الأخ ابو راكان

تحياتي لك
------------------------------------------------------------------
الأخ ابو صياح:

يا خي انت وش تبي بهالحروف تدورها....
الحروف هذي مهي عربية ( وش تبي تستعملها فيه )
-----------------------------------------------------------------

تحياتي للجميع

**عبدالعزيز** · 17-06-2002 14:50

عبير نجد
حتى أنا رحت لخوي ولقيته عنده:D :D (أنا مادري وشوله هالسؤال اللي وهقنا )

الوبيري
يااااااااااااااااخي
المعرفة بالشي الچديد زينة يااااااااااااخي
وبعدين أنا نطقي للحروف كذا لأن أصولي تنحر لحضارة لبنانية يااااااااااااااخي