غبار × غبار

[منصور الغايب]

بسم الله الرحمن الرحيم

السلام عليكم ورحمة الله وبركاته

مساكم .. صبحكم .. الله بالخير .. كلن حسب موقعه الاستراتيجي

وحتى اللي ماله محل من الاعراب .. نوجه له تحية خاصة ممنوعة من الصرف


ياجماعة ... ذبحنا الغبار ...

تسمعون بفلان أكل تراب ؟!

هذا انا .. من اسبوعين وانا آكل تراب

ذبحنا الغبار عسى الله يعافينا

وكل يوم اقول ان شاء الله بكرة يزين الجو ..

والا الغبار يناحي يزيد ملعون الخيّر

قديما قالوا ..

سوف ترى اذا انجلى الغبار = هل فرس تحتك ام ****

وهذا انا صارلي اسبوعين انتظر الغبار ينجلي .. أبي اشوف شنو اللي حدري

واليوم طلعلي العجيري الله يطول عمره يقول راح يستمر حتى منتصف شهر سبعة ميلادي ..

وانا ياجماعة عرسي قريب

شرايكم بالله .. ادش على العروس طاق اللطمة .. ليه داش اهاوش انا ؟!

وشلون اسوي تنظيف بشرة يوم العرس ..؟!

من اطلع من الصالون يصير وجهي كله طين ؟!

تسمعون بالمصري يوم يقول ليلة مطينة بطين !!

هذي والله اعلم ليلة عرسي !!

يارب يزين الجو

قبل لا اختم ياجماعة ..

هالغبار دابل كبدي

مدري منين يدخل ..

مسكرين الشبابيك والابواب

ومشغلين المكيفات

وتجي تفتحلك كتاب تلقاه مليان غبار

تجي عند التلفزيون تلقاه مليان غبار

كانوا يضحكون علينا قبل يقولون اذا انضربنا كيماوي لزقوا الدرايش بلزاق والابواب بعد !!

هههههههههههههه

ابوكم الغبار دخل علينا .. عجل الكيماوي شيبي يسوي فينا ..

الحمدلله ان صدام ماضربنا بكيماوي ..

والا كان وخذنا ..


اخيرا : دعاء الريح .. الهم اني اسالك خيرها وخير مافيها وخيرماارسلت به .. واعوذ بك من شرها وشر مافيها وشر ماارسلت به

دعاء خاص .. ابي الجو يزين قبل عرسي .. لاتنسوني من دعائكم ..

تقدوا تحيات الشبث ..

وطحيات عجايب ..

السلام عليكم ورحمة الله وبركاته

[فتى البيداء]

(اللهم بارك لهم وبارك عليهم واجمع بينهما بخير )

تلفلف لك بروق خيمة لمين ربك يفرجها أن شأالله .
تقبل مروري وبالتوفيق .

[منصور الغايب]

(اللهم بارك لهم وبارك عليهم واجمع بينهما بخير )

تلفلف لك بروق خيمة لمين ربك يفرجها أن شأالله .
تقبل مروري وبالتوفيق .

هلا بفتى البيداء ...

تراك ماخوذ ..

البيداء يعني الصحراء ..

والصحراء بهالغبار ماتنطاق .. تلقاك مدفوووون

مشكور على المرور ..

[أبوطروق]

الله يعينك يابوغايب وماعليك إذا شافت العروس وجهك مغبر قله هذا غبار الوكالة

والله مالاقيه إلا العرابجة اللي يغبرون سياراتهم

مبروك مرة ثانية وعسى الله يزيح هالغبار ويخلي يوم عرسك غيم ومطر

:

[الغيوره]

هذا وانت رجال اتحاتي الغبار

العرووووووووس شتسوي ؟؟؟؟ مكيااااج وتسرييييحه والنفنووووف الابيض

عسا اللي ايوفقك ويوفقنا <-- نحيسه ماتبي تدعيله بروحه


ملاحظه: لاتسوي تنظيف بشره بالغبار عشان مساماتك بتكون مفتوحه والغبار بيدش فيها عاد شيفكك من الحبوووب


ماودك ادعي انه يوم عرسك يصير رطووووووبه ؟

[حمـود]

اللهم اني اسالك خيرها وخير مافيها وخيرماارسلت به .. واعوذ بك من شرها وشر مافيها وشر ماارسلت به

لا، ان شاء الله يكون الجو اروع ما يكون
يعني لا هو حر ولا برد والسماء صافيتون

والنجوم تتلالأ

[ضي الحروف]

اللهم بارك لهم وبارك عليهم واجمع بينهما بخير

اكثر من الإستغفار

تقلبات الجو تخوف الله المستعان

[ابو عارف]

مبروك يالغايب العرس مقدماً

يعني لولا هالغبار كان أعرست سكاتي؟

أجل العرس للربيع أحسن لك ليش مستعجل.

تلهلم بالتحية والتبريك.

[ريال الفسحه]

<-- هذا الشخص مندفنتن رمته بالتراب

[يـــوسف]

^
^
^
ماتبينا نتسوحك






منصور مالك حق والله











يعني بدال ماتحمد ربك تقول هالكلام تدري اني أتمنى اني إذا كبرت وصرت كبرك وأبي أعرس يصير الجو ماش يامطر ولا عج












ياخي توفر على روحك وش تبي بخلق الله خلهم يولون سو عرسك أنت والمدام وكل واحد يجيب من أهله شخصين بس والعشاء اي شي لو خفايف ياخي وفر الفلوس تحتاجه بعدين












الله يوفقك يارب ويرزقك بالذريه الصالحه ويجعل كل أيامك أفراح وأن شاء الله يكون يوم زواجك الجو أزين من جو أوربا <_ يعني جايه







تقبل إحترامي .