[align=center]
قبل فتره مو بسيطه
جاني اتصال من رقم ما اعرفه
عاد انا من النوع اللي يرد لو مين ماكان
المهم ان الرقم فصل قبل ارد عليه
ودقيت عليه
وهي تطلع لي بنت
قلت السلام عليكم اختي
اسف لازعاجك بس دقيتي علي <<<< انواع الادب
قالت وعليكم الثلام واسفه حبيبي ماقصدي !!!
قلت صبر الله يرضا عليتس وش حبيبي وما حبيبي
قالت ااااادي مثيها
قلت طيب مع السلامه
وانا اسكر
مرت هالسالفه عاااادي
الوكاد عقب كم يوم
وهو يدق نفس الرقم
وانا ارد
نعم
قالت اثفه لاذعاجك بث ايث الثقل هذا
قلت ليه الاخت ميزان
من متى المعرفه يا اخت العرب
قالت اااادي نبداء دحينا
قلت اهاااا دحينا اجل الاخت من اهل الحجاز
قالت ايوااا من جده
تعرفهااااا ؟
قلت ليه وش قالو لتس صومالي ولا نيبالي
اكيد اعرف جده
بس الله يرضا على جدن جابتس انا رجالن متزوج ولا تزعجيني
قال ثووووف حبيبي انا ماراه اذعجك مررررره
واللي انتا تيبغااا ابثر
قلت يالله الحين مع السلامه وبعدين ادق عليتس
رحت للبيت وكلمته تفر بمختي
( اللي تيبغااا ابثر )
يعني اللي اطلبه بيجيني
يعني اطلب دراهم
فلوس
والحجازيين راعين دراهم وتجار
واكيد الحبيبه بنت لحدا التجار
انا مابي منه خمسين ولا ستين الف كل شهر
ابي منه بس حق الحليب والحفايظ ( اعزكم الله ) هاللي ارتفعن ولا تهيا نلحق عليهن
الوكاد من كثر الخطط بغت تطق متي
ويوم صرت بالغرفه انا وام ماجد ( مشكله مافيه احد يفرق )
قلت يا ام ماجد ابشري بالعز
قالت شلون
قلت تعرفت عليلي بنيه
الله يجيركم وعلمي بروحي هكا الحين
وهي تقوم ترفسن
وتكمخن
وانا لي صياح يابنت الحلال خلينا نتفاهم
قالت ما افكك الا تعطيني شي علشان ماتفرك
وانا اعطيه بطاقة الاحوال
قالت ليه محطه انا
اخلص قضبن جوالك علشان من تهرب اكمخك بوه ( انواع العنف )
قلت ابشري
ويوم خلتن
قالت اخلص قلي وش هالبنيه اللي انت متعرفن عليه
قلت يابنت الحلال بغيتي تخلصين علي بدون ذنب
هذي بنت والله العالم انه بنت تاجر
وام الشباب فاكتن معي وقول اللي انتا تبغا ابثر
وهي ساكنتن بجده
وبأقرب فرصه ابروح لجده اغديه تعطيني مصروف الشهر
قالت رجلي على رجلك ماتخطي خطوه بدوني
قلت حشا منتي اخذتن الشبث اخذتن رامي عياش ولا وائل كفوري
قالت عاد اسمي اللي خذيتك ورجلي على رجلك
الوكاد استمرت علاقتي بام الشباب فتره
وبيوم من الايام دقت علي وهي تبتسي
قلت وش فيتس تبتسين
قالت ذواجي يوم الاحد الجاي ( بديت اشك في ملته )
قلت ياعلوه مبروك ومنتس المال ومنوه العيال
وهي تضحك قالت لا غلط انا مني العيال وهو منو المال
قلت اجل اخذتن هامور العن من ابوه
قالت بث اعذمك الاثبوع اللي جاي ونتقابل في ثهر العثل
قلت بقلبي والله التواضع مايبون يبذرون برا مخلين السفريه داخليه
المهم رحت انا ومعي المدام الى جده
وتواعدنا مع صاحبة الجلاله بحدا المنتزهات
وجلست انا ومدامي ندور ام الشباب
ويوم خذينا شوين
ليمار فيه زي التوك توك اللي عند المصريين
( دراجه يسوقونه اثنين سوا )
وفيه تقل لمبات فوقه
قالت المدام وش هاللي جاي
قلت علمي علمتس
ويوم قرب شوين
ليمار هذي ام الشباب وحبيب القلب معه
واللمبات اللي نشوفهن هذولي بكلاته وشباصاته مربطتن قرونه بهن
وليامني شفته اول مايطري علي كفرات ددسن ابوي
ويوم صارو قدامنا وهي تكشر
ليمار ثرما مابه سنون
قالت المدام هذي المحروسه
يالله قدامي للرياض
وتقلدوا تحيتي
[/align]
رد مع اقتباس
المفضلات