السلام عليكم ورحمة الله وبركاته
مساكم الله بالخير يا اهل الفله<<<< بدينا
لا لا لا شوفو هالموضوع هذا من اصدق مواضيعي على الاطلاق
واصنفه ضمن النخبه
في البدايه ـــــــــــــ يامن قدر عليك وقرأت حروفي هذه اتمنى منك الانصاف
وكل حرف تخطه ابيك تكون راضي عنه كل الرضا
بما ان الموسم انتهى وراح بحلوه وشينه ويعد الان من الماضي ـــــــــــ اذا ماراح نتكلم عنه ابد
بننساه بنصره وهلاله واتحاده وشبابه واهلاويته <<<< علشان بسمة العز
اذاً عندنا الاهم ـــــــــــــــ وهو المقبل !
المنتخب السعودي
لـ نضع كل الانتماءات عند باب هالموضوع ـــــــــــــ وندخل بكوننا محبين للأخضر !
كلنا نشجع فريق واحد ـــــــــــــ اذا من الطبيعي ان ندرس شؤونه !
شفنا تشكيلة الاخضر ــــــــــــــــ دار حوله كلام وبلاوي
وشفنا مستوى المنتخب قداام اوزباكستان وسوريا والكويت
خلونا نحكم ـــــــــــــــــ بس تكفوووون بعقلانيه وبعيد كل البعد عن انتماءات الانديه
اول شي المنتخب مافيه مستوى ـــــــــــــ وهو الان يلعب مع منتخبات صغيره على مستوى اسيا
لبنان سنغافوره سوريا الكويت وبغض النظر عن اوزباكستان
فما بالك بالتصفيات النهائيهــــــــــــــــ اللي بيقابل منتخبات بحجم ايران كوريا الجنوبيه اليابان العراق استراليا الصين !!
شوفوو التشكيله ـــــــــــــــ
ضمت قائمة اللاعبين المرشحين من قبل الجهاز الفني لدخول للمعسكر الإعدادي (36) لاعباً وهم :
وليد عبد الله – حسن معاذ – زيد المولد – عبد الله شهيل – احمد عطيف – عبده عطيف – ناصر الشمراني – نايف القاضي (الشباب) ماجد المرشدي – عبد الله الزوري – خالد عزيز – عمر الغامدي – احمد الفريدي – ياسر القحطاني – محمد الشلهوب (الهلال) سعد الحارثي – كميل الوباري (النصر) منصور النجعي (الحزم) وليد عبد ربه – معتز الموسى – مالك معاذ (الأهلي) تيسير النتيف – رضا تكر – أسامة المولد – سعود كريري – عبد الرحمن القحطاني – مناف أبو شقير – محمد أمين (الاتحاد) أسامة هوساوي – كامل المر – احمد الموسى – عيسى المحياني – طلال خيبري (الوحده) صالح الغوينم – عبد الملك الخيبري (القادسية) ماجد العمري (الاتفاق) .
وسيلعب منتخب المملكة خلال المعسكر الإعدادي مباراتين وديتين دوليتين ستكون الأولى مع منتخب سوريا يوم السبت 19/5/1429هـ الموافق 24/مايو/2008م والثانية مع منتخب الكويت يوم الثلاثاء 22/5/1429هـ الموافق 27/مايو/2008م .
الجدير ذكره بأنه تبقى للمنتخب السعودي اربع مباريات في التصفيات التمهيدية الآسيوية للمجموعة الرابعة ستكون على النحو التالي :
السبت 28/5/1429هـ السعودية × لبنان إستاد الملك فهد الدولي بالرياض
السبت 3/6/1429هـ لبنان × السعودية بيروت
السبت 10/6/1429هـ سنغافورة × السعودية سنغافورة
الأحد 18/6/1429هـ السعودية × أوزباكستان إستاد الملك فهد الدولي بالرياض
بكل امانه وبعيد عن التعصب ــــــــــــــــ حط نفسك مكان انجوس وتبي تختار اللعيبه اللي يرفعون راسك ويأهلونك لكاس العالم
انا ابي اعلق على التشكيله
حراسة المرمى ممتازه بوجود وليد عبدالله واحتياطه تيسير ــــــــــــــ لو اني كنت اتمنى الدعيع لمستواه المميز هالموسم بس قالو انهم يبون تشكيله الى 2010 والدعيع ماراح يستمر
الدفاع : استغرب ضم وليد عبدربه مدافع الاهلي اللي هالموسم كان عاله على الفريق الاهلاوي وتسبب بأكثر من مباراه بخروج الاهلي خاسر
مثل مباراة السد اللي بقطر مباراة الشباب ومباراة الاتحاد
بل حتى تسبب في خسارة المنتخب امام اوزباكستان واذكر علق الشنيف على ضربة الجزاء اللي تسبب فيها وليد ـــــــــــــ قال هذي حيلة العاجز !
ولا الوووم وليد عبدربه لانه وضع في مباراه اقوى منه !
بالنسبه للبدلاء كثر ـــــــــــــــــ على راسهم المنتشري ونايف القاضي اامه المولد
والمنتشري خارج التشكيله بالرغم انه مقدم مستوى ممتاز بالدوري ويعد الاتحاد ثاني اقوى خط دفاع
وهو الفريق الوحيد من الفرق الكبار اللي لم يستعن بأي مدافع اجنبي !!
والمولد والمنتشري متفاهمين ومقدمين مستوى
واعتبر افضل المدافعين بالدوري هالموسم ـــــــــــــ
المنتشري المولد القاضي اسامه هوساوي احمد البحري ماجد العمري
وقد اضيف لهم ماجد المرشدي !
الظهير الايمن الافضل بلامنازع حسن معاذ الشباب وراشد الرهيب الاتفاق
الظهير الايسر زيد الشباب المولد الخثران الهلال"لم يضم"
المحور بلا منازع سعود كريري الاتحاد وخالد عزيز الهلال وعبدالله شهيل الشباب
الوسط مركز الاختلاف بسميه
الوسط افضل الموجودين بالدوري ::
عبده عطيف محمد نور "لم يضم" عبدالرحمن القحطاني عمر الغامدي مناف ابو شقير محمد امين احمد الموسى
الشلهوب يمر حالياً بأسوء حالته على الاطلاق ــــــــــ بل في كثير من المباريات اصبح عاله على الهلال وعلى المنتخب
مباراة الهلال والاتحاد الاخيره .. مبارة المنتخب مع اوز باكستان اللي خسرناه
بل هو من اهم اسباب الخساره لأن الهدف الاول الثاني كلهن كورات مقطوعه من الشلهوب !!
خط الهجوم :
القحطاني مالك معذ سعد الحارثي ناصر الشمراني صالح بشير "لم يضم"
:: تجاااااهل ::
الى متى ادارة الاخضر تتجاهل اسماء من شأنها ان تضيف للمنتخب الشئ الكثير !
1- محمد نور :: شايل فريق الاتحاد واذا غاب يبان تأثيره على طول
ولاعب اعتبره افضل صانع لعب مر على الكوره السعوديه بعد الثنيان والهريفي ومحيسن
ويمر الان بمرحلة نضج كروي ــــــــــــ والدليل طول الموسم محمد نور ما اخذ الا ثلاث كروت صفر!!
لكن محمد نور صرح بأن هناك خلاف بينه وبين نواف بن فيصل
هو اللي يبعده عن الاخضر ـــــــــــ للأسف صارت المشاكل الشخصيه اهم من المنتخب !
2- عبدالعزيز الخثران "اذا ماهو مصاب" افضل ظهير ايسر يتقاسمه هو وزيد المولد
وقدم مبارايت ممتازه ومستوى رائع
3- حمد المنتشري:: افضل لاعب في اسيا 2005
ومستواه في الدوري ممتاز بل يعد الافضل
وقصة استبعاده من المنتخب تعود لخلاف نشب بينه وبين ياسر القحطاني على اشارة الكبتنيه
فا استبعاد المنتشري فقط بسبب الكبتنيه
4- صالح بشير :: هداف نادي الاتفاق
ولاعب سريع مثل ناصر الشمرني لكن مشكلته انه مع الاتفاق
وعدم وجود صانع لعب في الفريق هو السبب الحقيقي وراء اختفاءه !
::لايستحقوون الاخضر::
1- وليد عبدربه
2-احمد عطيف
3-محمد الشلهوب
4-كميل الوباري
5- رضا تكر
6-عبدالملك الخيبري
7-طلال الخيبري
8- كامل الموسى
9-احمد الفريدي
تشكيله الاخضر بعيوني
وليد عبدالله
الخثران(زيد المولد) ............ اسمه المولد (المنتشري)........هوساوي(القاضي)...........حسن معاذ
سعودر كريري.............خالد عزيز (عبدالله شهيل)
عبده عطيف (عبدالرحمن القحطاني) ...........................................محمد نور
مالك معاذ (الشمراني,صالح بشير)..............ياسر القحطاني
ملاحظه:: اللي باللون الاحمر ينفع يكووون البديل في الحاله القصوى فقط !
بعد خسارة المنتخب امام از باكستان قال خالد الشنيف كلمه ترن براسي للحين !!
سأله المقدم ليش خسر الاخضر؟؟
قال ـــــــــــــــــ الشلهوب بأسواء حالته اساسي بالمنتخب !
ونور بأفضل حالاته خارج التشكيله !!
المنتخب للجميع ليس حكرا على نادي دون غيره
دخلت منتدى الزعيم ــــــــــــــ وقسم المنتخب تحديدا
فــ وجدت ان اغلب المشاركات اللي عن تشكيلة المنتخب يطالبوون بنور والمنتشري
هذا والهلال المنافس للأتحاد ــــــــــــ لكن للأسف بأن الوعي لدى الجمهور اكثر من القائمين على المنتخب !!!
وللأسف المنتخب اصبح مكان لتصفية الحسابات!!
واقسم بأن لو نور هلالي ــــــــــــــ لعمر بالمنتخب اكثر من سامي !
هل ينتظروون كارثه اسوأ من خسارتنا من اوزباكستان !!
اذا استمرت هالتشكيله ــــــــــــ اشك بأننا سنصل لــ جنوب افريقيا !!
رد مع اقتباس
المشاركة الأصلية كتبت بواسطة ريم الصمان
المفضلات