نور...لميس...مهند...!!!

[ذياب الدنياوي]

بسم الله الرحمن الرحيم

السلام عليكم كيف الحال اعضاءالمنتدىوشخباركم>>> مطول بو الشباب
المهم ادري انكم مانتم رايقين الحين وقت مذاكره ومراجعه واختبارات>>>>>بالتوفيق للجميع

بس جاء على بالي موضوع وحبيت اكتب فيه واشوف ارأكم فيه لاني مستغرب صراحه من الي يحدث ها اليومين>>>>
>>>>>>>>يالله ياخوي اخلص علينا

في الفترة الأخيرة لاحظت اهتمام بعض الصحف والمجلات والمنتديات وبعض القنوات الأخبارية بالمسلسل التركي وأبطالة لدرجة ان قناة العربية الأخبارية تحدثت عنه وعن ابطاله وعن قرب زيارتهم لدبي وان من يرغب في تناول العشاء مع ابطال المسلسل يرسل اس ام اس وقد يحظى بتلك الفرصة >>>>>تخلف الصراحه
انا الصراحه مااحب المسلسلات ولا اتابعها عربيه ولا تركيه ولا اي شي >>>>وشعنده اسكت ماحد درى عنك
المهم انا شفت كم حلقه فيه>>>:1aa:توه يقول مايحبوهم>>>> :confused:ولاحظه عده اشياء يمكن لاحظتوها منها:
1-
المسلسل تركي واسماء ابطاله عربية وديانتهم الأسلام لأن جابوهم يفطرون برمضان !! >>>حلو.............
2-استخدام مصطلح عشيقة بكثرة و أكثر من رجل لهم عشيقات وزوجاتهم يعرفن بالأمر ومسوين فيها زعل بسيط وكأن الأمر غلطه وتتصلح
3-حمل السفاح بسبب علاقة جنسية قبل الزواج شاهدته في حالتين خلال اربع حلقات فقط !! اما ردة فعل احدى الأمهات بعد ماحملت ابنتها من دون زواج فزعلت زعل بسيط >>>d عسى ماتكلفت وقالت لبنتها لازم تخلينه يخطبك لا أكثر ولاأقل.>>
4- ايصال فكرة نمط المعيشة والحرية في الغرب بتطبيقها على مجتمع مسلم مثل الأتراك بطريقة محببة !!
الله يرحم الحال ويستر علينا وعلى اهلنا>>>>مسوي فيها شيخ
الحين حنا ماخلصنا من المسلسلات الي عندنا الخليجيه والسوريه والمصريه تطلع لنا هذه
انا اذكر اول يعني اول ايام الصبا>>>الله ياحلوها من ايام
كنا نتابع المسلسات بشغف الصراحه بس النتيجه دمار في دمار

المكسيكيه .. قصصهن عن العشق والعاشقين والعلاقات المحرمة .. والشراب >>>>عاشووووو

المسلسلات المصرية .. الفلووس مش كل حاقة ... وبكرهك .. وبحبك >>

المسلسلات الخليجية .. الثراء الفاحش والإنحراف والمخدرات>>سود الله وجيهم مسوين فيها اكشن ها اليومين بعد

المسلسلات السورية .. هالحين كثرة سوالف الحارة والأباضايات والرجولة المبالغ فيها >>>لك شوووووو عمو

المسلسلات البنغاليه ... فيه شوغل سديق؟
مااطول عليكم واقول بالاخير الله يخلف علينا بس ويرحم حالنا والمسلمين اجمعين
شاركوني رايكم بالموضوع واثروني بمشاركتم معي بالموضوع

ودمتم سالمين>>>>متأثر بسبيس تون

[سارة الجرباني]

[align=center]
هلا فيك


والله من جد ماسوو خير

ابشرك الشعب السعودي هالصيف بتركيا<<<<<<<<<< خابصينها خابصينها ماحد رادهم


والسبب هالمسلسل ومن زينه يارب لك الحمد <<<<<<<<< ثقيله


حتى البزران اشوفهم خقوا

من يومين ماسكه اخوي ومكفخته شر تكفيخ يطالع المسلسل بزران اخر زمن

واقوله من دلك عليه يقولي والله واحد من اصحابي <<<<<<<<< بعد هالورع مزفتها


بس الله يستر ولانشوف تاليه

الناس وصلت القمر وحنا للاسف نزحف بها الارض



وشكرا اخوي عالطرح


[/align]

[ذياب الدنياوي]

مشكورين على المرور خواتي ريم وساره يعطيكم الف عافيه وانشاء الله نشوف اراء باقي لاعضاء

[سلطـــآن]

الله أكبر يا تركيا بعد ما كنتِ تصدرين القادة للعالم ..

صرتِ موطن للفحش والعياذ بالله ..

لكن خلك من هذا وزي ما قالت الأخت ريم .. مسلسل عيون من زجاج دعارة * دعارة ..

يعني كأنهم يقولون هذا واقع الخليج والعياذ بالله ..

أما هالمسلسل التركي فما أدري وش اقولك !! ..

أول ما طلعت المسلسلات السورية يالله نردد ربعنا عنهم

فما بالك الحين وطلعت تركيا .. ويقولون أرخص بعد ..

بس الله يرحم بحالنا .. ويقولون نبي نحرر فلسطين و العراق ..


الله يعطيك العافية .. ولفتة ممتازة منك أخي ..

تقبل مروري ..

[((عبدالله بن غيث))]

الله يهديهم اجميعاً نسأل الله ان يتمم عليهم الاسلام...

هذولا وانا اخوك بالفعل مسلمين لاكن ينقصهم الوعض والأرشاد ..
بو توجه لهم أحد الدعاة لكان أفضل.
أن أطاعوا وألا ((لكم دينكم ولي دين)) الآية..

تحياتي للجميع