نشف ريق المشاعر في غيابك
مساء الورد
قصيدة اتمنى أن تصل الى ذائقتكم ..
الآيا مرحبا مليون لك من صادق الوجدان=فرحت بشوفتك يا منوتي يا قرّة اعياني
ارحّب بك محبّه من صميم القلب يا (( ... ))=واهلّي بك من الفرحه هلا يا سيد خلاني
تفضل ياربيع القلب عيني مسكنك وأوطان=حياتي فدوةعيونك فديتك طفّ نيراني
فرشت القلب من شانك زهور وصار لك بستان=على كيفك عديل الروح تامرني وتنهاني
ابمسح دمعتك لو شفتها جمرة من البركان=بنسّيك الهموم اللي لها في خاطرك شاني
أحبك حبّ صدقني وقلبي لا حشا ماخان=أنا محتاج لك جنبي تشتّت كل احزاني
أنا لامن ذكرتك يا حبيبي هزّني ماكان = سوالف حبّنا الماضي مشاعر شوق واشجاني
في قربك تكمل الفرحه .. يزول الهم والحرمان=وفي بعدك ألم وجراح .. كلّي خوف تنساني
وصوفك تعجز الرسّام لو ابريشته فنان=ملاك الحسن من عطرك شذا عود ٍ وريحاني
طويل القامه وعنقك مثل عنق المها فتان=وخصرك ضامته الأرداف .. صدرك كنْه رماني
هدب عينك تحتها شامة ٍ في وجنتك نيشان=ولمعة ثغرك الباسم كما برّاق الأمزاني
وخدّك شايع ٍ نوره وعودك فارع ٍ ريان=وشلاّل الذهب آيه حرير ٍ فوق الأمتاني
جديلك كل ما شفته يا ليله دانه ولا دان = تغني له هواجيسي وأنا بالحيل طرباني
نشف ريق المشاعر في غيابك والشقا عنوان=حبيبي لا تكرر غيبتك وتعود تجفاني
وسلامتكم اعجبتني
رد مع اقتباس
المشاركة الأصلية كتبت بواسطة شام
المفضلات