هذي قصيده اسندها الصديق و الاخ ميزر بن طواله
الله ومر يانايف بوصل الارحام
لاشك بعض الناس فيهم قطاعه
وانا لهم في مضى درع وحزام
اقف مواقيف الوفا والشجاعه
لو انهم يخطون محسبهم اخصام
وقلبي عن الاحقاد عنده مناعه
واليوم سمعوا قول كاذب ونمام
وكلن على ماقيل صفط شراعه
لو الصداقه كنز يشرى وينسام
في سلمهم مثلي رخيص البضاعه
والشك يدخل مع ضعيفين الاسلام
اللي لخالقهم قليلين طاعه
وانا قريت كتاب تفسير الاحلام
وعرفت وش فيه مذيع الاذاعه
يالله دخيلك من تصريف الايام
خان الوديع اللي يحفظ الوداعه
ميزر بن طواله
رد على قصيده ميزر بن طواله
انشر شراعك يا عميلي ولاتظام
لابد عمود الحق يرفرف شراعه
وليا حصل من بعضهم سو وخصام
ادمح خطاهم يانديمي وداعه
لابد مايشرق على مرالايام
يومن يعزك فيه ربي بطاعه
والجنه العليا تبي هم وافهام
يازين حصد الحب عقب الزراعه
افسر عن متونك عبايات الاثام
واستغفرالله وذي احسن بضاعه
يامل قلبن دابلينه من العام
جهيل مافيهم غير القطاعه
اليصار له قصدن تمثل بالاسلام
وليا قضى قصده تكشف قناعه
ياكل لحم زندك ثم صدر وشام
وليا لقاله عظم مصه وزاعه
يا عل بقعا تستويله اليا قام
وتفرق اصحابه وتحرق متاعه
لوكان فيهم خير شدوه بخزام
كان استوى مشيه وزانت اطباعه
اصبر مثل صبري على مر الاسقام
كله شموخ وعز واصبح مناعه
مايزحمن ثله سفيهين الاحلام
ومصلي فروضي بوسط الجماعه
نايف بن حزوم
رد مع اقتباس
المفضلات