من يريد أن يقف مع الأمثال الشعبية؟؟

[((عبدالله بن غيث))]

[frame="13 98"]

السلام عليكم ورحمة الله وبركاته ...
صبحكم الله بالخير يالربع موضوع مميز بقلم أخونا ((الزرير))

وقفات مع الأمثال الشعبية
بقلم صالح بن عبدالله الزرير التميمي

المثل الشعبي أو الأمثال الشعبية عبارة عن خلاصة تجربة أو تجارب مرَّ بها شخص أو موقف حصل له ثم بعد ذلك اختصر هذا الموقف بجملة أو عبارة مفيدة للسامع ولا يقول هذه الجملة أو العبارة إلا شخص حكيم لبيب لديه سرعة بديهة وفطنة، وإلا فكم من شخص تمر به المواقف والتجارب مرور الكرام ولا يخرج منها بمثل، والأمثال الشعبية يتداولها ويتناقلها الناس عبر الأجيال ومع مرور الزمن والعصور في جميع الشعوب حسب لغاتهم ومفهومهم فلا يكاد يخلو شعب من الأمثال الشعبية، ولا من قصصها، وهناك الكثير من الأمثال الشعبية التي ذكرت ولها قصص، وهنا الكثير من الأمثال الشعبية جاءت بشواهد شعرية سأذكر بعضاً منها هنا، ومن أراد الاستزاده ومعرفة الكثير من الأمثال الشعبية وقصصها فليرجع إلى كتاب (قصة مثل) من جزأين للشاعر والراوي ناصر بن عبدالله المسيميري من محافظة الرس، فإن فيهما قصصاً كثيرة لأمثال شعبية يجهل الكثير منا قصصها، وهو كتاب رائع بكل ما تحمله هذه الكلمة، وإليكم هذه الأمثال مع شواهدها الشعرية:
يقول المثل الشعبي (الله نشد يا حمود عن معرفة يوم) وشاهده الشعري قول الشاعر مفضي الأحمدي الحربي:

الله نشد يا حمود عن معرفة يـوم=وحنا ثمان سنين يا حمود جيـران
يا حمود يظهر لك صديق من القوم=ويظهر من الربع الموالين عدوان

ومن الأمثال الشعبية (غذ جريك يا كلك) وشاهده قول الشاعر:

أشهد إن من يبذل الجود باللي ما يجود=مثل من حجج على غاربه ذبّاح ابـوه

وأقول مثل آخر (معايد القريتين) وشاهده قول الشاعر:

غديت مثل معايـد القريتينـي=لا صاد خير ولا سلم من ملامه

ومن الأمثال أيضاً: (نبي نبيد المال قبل يبيدنا) وشاهده قول الشاعر:

نبي نبيد المال قبل يبيدنـا=ولا يجي للمال قضاع يا كله

ومن الأمثال الشعبية أيضاً (من لا تقاضي حي يقمح إليا مات) وشاهده قول الشاعر:

نصبر على عجفاه كله إرضا لـه=ومن لا تقاضي حي يقمح إليا مات

ومن الأمثال الشعبية السائدة (مقيط ورشاه) وشاهده قول الشاعر سليمان بن شريم رحمه الله:

كنك خوي مقيط دهووك وغووك=وحقك عطاك ارشاك وقفا وخلاك

ومن الأمثال المشهورة (مواعيد عرقوب) وشاهده قول الشاعر عبدالله بن سبيل - رحمه الله:

يوم انتبه وإلى الزمان امتشابه=راحت مواعيده مواعيد عرقوب

تقبلوا تحياتي ((عبدالله بن غيث))

[/frame]

[سلمان النبهان]

قمة الفائدة والمعرفة يعطيك العافية حقيقة ماقصرت
وليت يتم تفعيل المشاركة بمثل او بيت شعر له معنى
من كل عضو يرد على الموضوع بنفس النهج الذي ذكرته ..

[((عبدالله بن غيث))]

قمة الفائدة والمعرفة يعطيك العافية حقيقة ماقصرت
وليت يتم تفعيل المشاركة بمثل او بيت شعر له معنى
من كل عضو يرد على الموضوع بنفس النهج الذي ذكرته ..

شاكر مرورك يالغالي ,,, ولي الشرف في ذلك...
وفعلاً اتمنى ماقلته ياخوي ...

تحياتي

[ابو عصبه]

الله لا يهينك على النقل الرائع


الف شكر لك ( كحل المحاجر )

[ماجد علوان]

كحل المحاجر


يعطيك العاافيه

على هاللايراد الجميل والمفيد



تحياتي لك

[((عبدالله بن غيث))]

الله لا يهينك على النقل الرائع


الف شكر لك ( كحل المحاجر )

العفو يابو عصبه ,,, تشرفت بمرورك يالغالي..



تقبل تحياتي

[((عبدالله بن غيث))]

كحل المحاجر


يعطيك العاافيه

على هاللايراد الجميل والمفيد



تحياتي لك

يعافيك يابو علوان الله لايهنيك يالغالي,,,


شرفت بحضورك ..

[وافي الزنيدي]

[align=justify]
السلام عليكم ورحمة الله وبركاته
مساكم الله بالخير

الله يقويك اخوي كحل المحاجر (كحيلان) وتشكر على هذه الفكرة والطرح الرائع ويسعدني ان اضيف على مشاركتك مثل وهو( صبر المهادي)
يقول الشاعر ( وعند العسر يعجبك صبر المهادي)
فهذا الشخص وهو محمد المهادي يقال انه من عبيدة قحطان ولكن ليس ثابت جاوره شخص من قبيلة سبيع يقاله مفرج وقصة صداقتهما طويله احاول ان اختصرها بدون خلل بالمعنى انشاء الله .
وهو ان مفرج السبيعي جاور محمد المهادي ثمان سنوات وكان مكرمه وعند قدوم السبيعي امر المهادي احدى زوجاته ان تخلي البيت للضيوف وفعلاً نفذت وقالت لزوجة السبيعي انتبهي ترى عندي ولد مولع بالصيد والقنص ويجي متأخر بالليل ويطيح عندي ما يعرف ينام الا عندي اذا جا علميه اني بالمكان الفلاني قالت زوجة السبيعي ان شاء الله وكان السبيعي سهران هاك الليله عند المهادي لعل زوجة السبيعي ملت تنتظر الولد تبي تعلمه عن امه وتأخر الولد ونامت بعد مانامت جاء الولد ويحسبها امه نام بجنبها على طول واخذتهم النومه كلهم وبعد مارجع مفرج لقى الرجال بجنب زوجته وعلى طول سحبه وجز راسه وصحت المره على صرخة الولد قلت ذبحته قال ايه وعلمته وش القصه قال خير ان شاء الله ورجع للمهادي فلما شافه المهادي مقبل عرف وش السالفه قال ذبحته قال نعم ذبحته واحتال المهادي على ربعه علشان مايدرون منهو الي ذبحه وقسم الديه على ربعه ويوم جته الديه عطاها رفيقه مفرج واستمروا الين صار واحد من عيال مفرج يحارش بنت المهادي والبنت تعلم أمها والام تقول اصبري وتصبرها الين ملت الام وقالت لزوجها ولد رفيقك هذا ماسوى وهذا ماسوى وش الراي قال صبري بنتك واحرصي عليها مانقدر نقول شي ولكن الولد ما تاب ولكن صار العن من اول زاد شره فقالت زوجة المهادي للمهادي وش الراي الولد زاد شره واخاف على بنتي منه قال خير ان شاء الله وهم يلعبون فالليل كان يقول المهادي بينه وبين نفسه كلمه ويرفع صوته علشان يسمعه مفرج كان يقول ارحلوا والا رحلنا وعدت الليله الثانيه ونفس الكلام ارحلوا والا رحلنا يوم جت الثالثه عرف السبيعي ان فيه شي وقال لزوجته وعياله ضفوا بكره ماشين ويوم جاء الصبح جاء السبيعي يوادع رفيقه فاستغرب السبيعي ان المهادي ما لزم عليه بالجلوس ولا سأله وش سبب ذهابكم فتأكد ان هناك شيء دفع المهادي لكلمته ارحلوا والارحلنا فقام السبيعي وابعد عن ديار المهادي شوي ويوم جا الليل رجع السبيعي لحاله متخفي وجلس ورى بيت الشعر يتسمع لانه عارف ان المهادي يبي يقول قصيده ويذكر اللي صار وفعلاً بعد مامشوا اللي عند المهادي قام يقصد وقال :-
يقول المهادي والمهادي محمد ***لاواعلتي جميع الورى ما درى بها
أنا إن بيّنتها بانت لرماقة العدا *** وإن كنيتها ضاق الحشا بالتهابها
ثمان سنين وجارنا مجرمٍ بنا *** وهو كما واطي جمرةٍ ما درى بها
رجل جارنا ما جاه منا زريّة *** ولو جتنا منه ما جاه عتابها
نرفو خمال الجار إلى داس زلة *** كما ترفو بيض العذارى ثيابها
ترى جارنا القالط على كل طلبة *** ولو كان ما يلقى شهودٍ غدا بها
الأجواد مثل العد من وَرْدِه ارتوى**والأنذال لا تسقي ولا ينسقى بها
الأجواد مثل الزمل للشيل ترتكي**والأنذال مثل الحشو كثير الرغا بها
ولّي عجوزٍ من سبيع آل عامر *** مضيّعة غرّانها في شبابها

هذا اللي اذكر منها فرجع مفرج وسوى حيله على اولاده الى ان عرف منهو وقطع راسه وارسله للمهادي مع اخوانه يوم شافه المهادي قال للعيال عشاكم الليله عندي فوافقوا ونادى المطوع فعقد للولدين على بناته وارسلهم لابوهم من بكره ورجعوا من جديد .
فهذا شاعرنا فواز الغسلان يقول ؛-

كان حبـك فـاق ليلـى العامريـه*** صبرنا غطى على صبـر المهـادي

ويقول الشاعر الحربي :-
لو صبر راع الهوى صبر المهادي *** الجروح تبيـن لـو أنـه جحدهـا

واسف على الاطاله اخواني وتقبلوا تحياتي
[/align]

[((عبدالله بن غيث))]

[align=justify]
السلام عليكم ورحمة الله وبركاته
مساكم الله بالخير

الله يقويك اخوي كحل المحاجر (كحيلان) وتشكر على هذه الفكرة والطرح الرائع ويسعدني ان اضيف على مشاركتك مثل وهو( صبر المهادي)
يقول الشاعر ( وعند العسر يعجبك صبر المهادي)
فهذا الشخص وهو محمد المهادي يقال انه من عبيدة قحطان ولكن ليس ثابت جاوره شخص من قبيلة سبيع يقاله مفرج وقصة صداقتهما طويله احاول ان اختصرها بدون خلل بالمعنى انشاء الله .
وهو ان مفرج السبيعي جاور محمد المهادي ثمان سنوات وكان مكرمه وعند قدوم السبيعي امر المهادي احدى زوجاته ان تخلي البيت للضيوف وفعلاً نفذت وقالت لزوجة السبيعي انتبهي ترى عندي ولد مولع بالصيد والقنص ويجي متأخر بالليل ويطيح عندي ما يعرف ينام الا عندي اذا جا علميه اني بالمكان الفلاني قالت زوجة السبيعي ان شاء الله وكان السبيعي سهران هاك الليله عند المهادي لعل زوجة السبيعي ملت تنتظر الولد تبي تعلمه عن امه وتأخر الولد ونامت بعد مانامت جاء الولد ويحسبها امه نام بجنبها على طول واخذتهم النومه كلهم وبعد مارجع مفرج لقى الرجال بجنب زوجته وعلى طول سحبه وجز راسه وصحت المره على صرخة الولد قلت ذبحته قال ايه وعلمته وش القصه قال خير ان شاء الله ورجع للمهادي فلما شافه المهادي مقبل عرف وش السالفه قال ذبحته قال نعم ذبحته واحتال المهادي على ربعه علشان مايدرون منهو الي ذبحه وقسم الديه على ربعه ويوم جته الديه عطاها رفيقه مفرج واستمروا الين صار واحد من عيال مفرج يحارش بنت المهادي والبنت تعلم أمها والام تقول اصبري وتصبرها الين ملت الام وقالت لزوجها ولد رفيقك هذا ماسوى وهذا ماسوى وش الراي قال صبري بنتك واحرصي عليها مانقدر نقول شي ولكن الولد ما تاب ولكن صار العن من اول زاد شره فقالت زوجة المهادي للمهادي وش الراي الولد زاد شره واخاف على بنتي منه قال خير ان شاء الله وهم يلعبون فالليل كان يقول المهادي بينه وبين نفسه كلمه ويرفع صوته علشان يسمعه مفرج كان يقول ارحلوا والا رحلنا وعدت الليله الثانيه ونفس الكلام ارحلوا والا رحلنا يوم جت الثالثه عرف السبيعي ان فيه شي وقال لزوجته وعياله ضفوا بكره ماشين ويوم جاء الصبح جاء السبيعي يوادع رفيقه فاستغرب السبيعي ان المهادي ما لزم عليه بالجلوس ولا سأله وش سبب ذهابكم فتأكد ان هناك شيء دفع المهادي لكلمته ارحلوا والارحلنا فقام السبيعي وابعد عن ديار المهادي شوي ويوم جا الليل رجع السبيعي لحاله متخفي وجلس ورى بيت الشعر يتسمع لانه عارف ان المهادي يبي يقول قصيده ويذكر اللي صار وفعلاً بعد مامشوا اللي عند المهادي قام يقصد وقال :-
يقول المهادي والمهادي محمد ***لاواعلتي جميع الورى ما درى بها
أنا إن بيّنتها بانت لرماقة العدا *** وإن كنيتها ضاق الحشا بالتهابها
ثمان سنين وجارنا مجرمٍ بنا *** وهو كما واطي جمرةٍ ما درى بها
رجل جارنا ما جاه منا زريّة *** ولو جتنا منه ما جاه عتابها
نرفو خمال الجار إلى داس زلة *** كما ترفو بيض العذارى ثيابها
ترى جارنا القالط على كل طلبة *** ولو كان ما يلقى شهودٍ غدا بها
الأجواد مثل العد من وَرْدِه ارتوى**والأنذال لا تسقي ولا ينسقى بها
الأجواد مثل الزمل للشيل ترتكي**والأنذال مثل الحشو كثير الرغا بها
ولّي عجوزٍ من سبيع آل عامر *** مضيّعة غرّانها في شبابها

هذا اللي اذكر منها فرجع مفرج وسوى حيله على اولاده الى ان عرف منهو وقطع راسه وارسله للمهادي مع اخوانه يوم شافه المهادي قال للعيال عشاكم الليله عندي فوافقوا ونادى المطوع فعقد للولدين على بناته وارسلهم لابوهم من بكره ورجعوا من جديد .
فهذا شاعرنا فواز الغسلان يقول ؛-

كان حبـك فـاق ليلـى العامريـه*** صبرنا غطى على صبـر المهـادي

ويقول الشاعر الحربي :-
لو صبر راع الهوى صبر المهادي *** الجروح تبيـن لـو أنـه جحدهـا

واسف على الاطاله اخواني وتقبلوا تحياتي
[/align]

تعجبني يالزنيدي تفاعلك جداً رااااااااااااااااائع يالغالي ,,,
مرورك وتعقيبك وتفاعلك زادني شرف ..

تقبل تحياتي

[منيف الوبيري]

موضوع متميز مثل راعية

<<< شكرا لك على التميز >>>