يالشيبان لادندنت الحرب دندنا ..!!!( حرب بالصور )

**غالب** · 19-05-2008 00:31

أصصصصصصصصصصص(يقولها بزعل) ماباقي ألا الدلوعات يتكلمن على أبوعارف أقول خلكن بالأسواق ترن هذا هو حدكن

**عجايب بنت الشايب** · 19-05-2008 01:26

8
8

السوق لكم مانعرف الا البسطه وبكل فخر

**ريال الفسحه** · 19-05-2008 04:38

[align=center]
/

اولا

ياهلا والله بالعضوه عجايب

ثانيا

معاتس قلبا وقالبا على الشايب اللي منتهي تاريخه ابوعارف
ومن هم على شاكلته ..

ثالثا

تحيه لفواز الغسلان الشباب اللي وقف ضد الشيبان وهذي
تعد نقطه ايجابيه له وسلبيه على ابوعارف الملقب [ بابوصلجه ]

بعدين يابوعارف ليه ماتعترف انك كل سنه تسوي شد لوجهك هاللي
سبحان الله لياجا الصيف يمار جلد وجهك واصلن عند فخوذك وتقعد
تكربه باسيام

عجايب

كله كوووم واللي على السبوره كوووم ثاني قسم بالله لو انا
مدير مدرسه اني لا احطتس الوكيله

لاهنتي وامضي قدما ضد الهرم ابوعارف الي مابه ولاسن ماغير
وحده ومتبرع به لوه الضاري وهي نص عمر
[/align]

**ابو عارف** · 19-05-2008 07:40

شكراً لكما كحل المحاجر والسناعيس على الدعم اللا محدود للشيبان

هذه الأسلحة الصاروخية الصينية ستقضي على جيش العدو وتخلي الحي منهم يقول ياليتني ميت بدلاً من هالتشوهات الجسمانية .

بعد مارجفناهم بهالصواريخ يقولون تمصعة إذان ريال الفسحة وخشمه على الفور وطار خشم عجايب حسب الصورة الي فوق الله يدفع البلاء.

الله لايهينكم وبقي 24 ساعة فقط على حسم المعركة نهائي.

حمراء الموت إنتدبناها للروس والمانيا تجيب إنسولين و حمض الحنضل لعلاج السكر والله المستعان.

شدو حيلكم ياجيشنا الباسل.

**أبوطروق** · 19-05-2008 14:45

شادين الحيل يابوعارف

وبالنسبة لابن غسلان والفسحولي ازهلهم علي وترن شاربن فناجيلهم

:

**غالب** · 19-05-2008 15:00

والله ـــــ خلنا نطير خشومهم

**عجايب بنت الشايب** · 19-05-2008 20:11

لحظه يالعدو لحظه لحظه >> عجايب وجهها بريء >> اي بالحيل

فيه واحد معكم بيجيب بكم العيدين مع بعض بدري

هذا اسموه

كحل المحاجر

شوفوا وش يقول

شدي حزامتس يا((كلي بكم اعجاب))
صواريخ نوويه

ياويلتس ((ياكلي بكم اعجاب)) أزبني

على راس كلي بكم اعجاب ,, وألحاق اضرار

استغفر الله والشكر هو اللحين ليه مايقول عجايب ويفتك

على مايقول

كــــلـــي بـــكـــــم إعـــــجــــاب

امدانا .. ذبحنا منكم عشرين بثانيه

افطنوا لروحكم

==>> ياحبي لجيشنا متعاون مع العدو <<== سفهه وخبول

طحياتي .....’’

**ابو عارف** · 19-05-2008 23:55

المشاركة الأصلية كتبت بواسطة أبوطروق

شادين الحيل يابوعارف

وبالنسبة لابن غسلان والفسحولي ازهلهم علي وترن شاربن فناجيلهم

:

------------------------------------

صح النوم يا أبو طروق وين الناس؟

لقد أعفيت من منصبك نتيجة غيابك المتكرر في زمن الحرب وعدم حضورة إجتماعات قيادة الحرب المحددة في 14 /5/2008 الساعة 2230 بالتوقيت البحري والذي إتخذ فيه قرار الحرب.

إذا رغبت في عفو يلزمك تقديم نفسك بين يدي ابو عارف في مكتبه في تناجيب وتقديم إعتذار خطي ومبررات الغياب وهدية معتبرة للقائد العام.

السناعيس
رح لريال الفسحة وأحزم يديه قدام وأحزم على ظهره حزمة جثياث وشب فيه نار وخله يتقبل الشمال حتى تطفي النار من حالها والمتوقع أن تستمر لمدة 9 ساعات.

وخذ معك البثل الطراد الذي طوله متر وأربعين سم وأطلقه على الغسلان خله يتولجه حتى يطلعه من أرض المعركة كلياً أو يلحقه ويغرس هالنابين بعرقوبه.

الموت الحمر
إذهبي إلى عجايب وأربطي يديها على ظهرها في حظيرة الغنم وحطي على شعر رأسها خمسة كيلو من حشية تمر السكري المشبع بالدبس لكي تتعشى الغنم منه في طريقة نتف وعرش قسري من أجل البقاء.

والسلام عليكم وتصبحون على خير.

ابو عارف

**فواز الغسلان** · 20-05-2008 00:22

ياعجايب ابشرك شيباننا راحوا وطي00

تخانقوا على الرتبه وهم بوسط المعركه وكل واحد ياخذ رتبة خويه00

واسلحتهم بنجلاديشيه ترمي على وراء00

ماتشوفين كثر رميهم ولاجانا صكم منهم ؟ كله على روسهم 00

وتريهم راح يبلشون بقطع الغيار هالحين لو ينفك من الواحد مسمار

وقف خلاص لانه مافيه له قطع غيار كلهم صناعتهم قديمه ومنتهيه من السوق

موديلاتهم 0 وابوطروق يقول شاربن فنجال ذيب الفسحه؟ تراك تشرق بوه0

بوه صرار حار حيل 00

[poem=font=",6,black,bold,normal" bkcolor="orange" bkimage="" border="double,6,blue" type=2 line=0 align=center use=ex num="0,black""]
هذي عجايب تنقل البارودي=لين اشتكوا من نارها الشيباني
من بان قدامه وقع مـفـقودي=تشفق لذبح الشايب الخـرفاني
الشايب الخارف وقع مصيودي=وامسى عشاء للطير والسرحاني
[/poem]

**ابو عصبه** · 20-05-2008 01:11

واصطة خير لانهاء المعركة

هاكذا اخواني الاعزاء انتهت معركة ( كون فلة حجاج )

بانتصار عجايب كما عودتكم داما

وانهزام عدوها الدود ابو عارف

( شرح مختصر للمعركة بدات معركة ( كون فلة حجاج ) سنة الف واربع مائه وخشبه
بين كل من عجايب و ابو عارف وكان كل منهم يقود جيشه الى المعركة واستمرة المعركة
الى حد لا اعلمه وحسب قول القوال انه تواصلت المركة بحدود عشرين ليله الى ان ضعف كيان
جيش ابو عارف اذ حاصرتهم عجايب ومنعة عنهم الاغاثات وبهاذا انتصرت عجايب على ابو عارف
والشاهد قول الشاعر والراوي ( فواز الغسلان )

هاذي عجايب تنقل البواريدي
لين اشتكو من نارها الشيباني
من بان قدامه وقع مفقودي
تشفق لذبح الشايب الخرفاني
الشايب الخارف وقع مصيودي
وامسى عشا لطير والسرحاني