[align=center]
سالفتن صارت معي يالربع بهالفايت
قبل كم يوم جيت للمضايف واقوم ابرم
واحوس وادوس
ليما داخ راسي
الوكاد ان كل هالمواضيع صار اخر رد بأسم الشبث
قلت مابدزي الا اني ارد على روحي
بس يوم فكرت به
قلت يا شبيثان انت وشوله تجيب لنفسك الحتسي
هالحين يبون يقولون عليك انك مخرف ومهستر ومرجوج
وتشوه سمعتك وهي خلقه رايحتن فيها
الوكاد اني قلت ليه ماروح لحدا المواقع اتفرج وش عندهم
وهي تطق براسي هكا الفكره
قلت ليه ما اروح لشات واسولف مع الناس
والله وامر هكا الشات وادخل باسم (( ...... ))
اي اسم
وادخل واسلم ويالله يرد علي واحد
وابي اسولف مع احد ولا فيه اي احد يعطيني وجه
الوكاد وهي تجيني فكره ثانيه
وانا اطلع وادخل باسم بنت ( عبير ) ههههههه زين اسمي
وادخل على خوياي المشوين
واسلم
الله يجيركم بعضهم قام يرد مرتين
ويا هلا ويا مرحبا
وهي تصير الشاشه كله صفرا ( يبوني خاص )
بس بحكم اني بنتن محترمه رفضت الخاص
وهو يلاهدن هكا المصري
وانا اطلع لوه خاص
قلت خير وش تبي
قال ممكن نتعرف على الحلوه
قلت لا مو ممكن
قال ليه
قلت كذا انا حررررره ( لاحظو الدلع )
قال اسف على ازعاجك
قلت اندزلع عن وجهي ( طلع الاسلوب الصحيح )
والله واقوم اسولف مع هالشباب
واذا نشدت يردون خمسه ( الملعونين مشوين مايردون )
الوكاد وهو يلابطن ( ينشب لي ) هكا الواحد )
وانا اجيه بالخاص
قلت وش تبي
قال والله قصدي شريف ؟؟!!
قلت شلون يعني شريف
قال ابي اتزوجتس
( يازين وجهي وانا عروسه )
قلت لا يالحبيب ليه جايك العلم اني ماني لاقيتن احد
اصلا الخطاطيب مسوين طابور عند بيتنا تقل طابور مقصف
ويوم خطبني واحد من ربعنا ووافقت سوو مظاهرات وحرقوا كفرات قدام بيتنا
الوكاد وحنا نسولف
قالت انت من اي الديار
قال انا بالشمال !
قلت وين بالشمال
قال بهكا الديره ( منعاً للاحراج تم التكتم على اسم الديره )
قلت من اي قبيله قال شمري
( ومصخي يعرف اهلي )
قلت ياحليلكم يا شمر انتم كويسين
قال وانتي من اي القبايل
قلت من الـ.......
قال طيب ليش تقولين كويسين شمر
قلت امي شمريه
قال وش تعرفين عن شمر
قلت والله ادخل منتديات شمر كل يوم
قال انتي مسجله باحد المنتديات
قلت لا
قال وش اكثر منتدى تمرينه
قلت مضايف شمر
قال ايه انا عضو به
قلت بالله وش اسمك
قال اسمي ( وجاب لوه اسم اول مره اسمع بوه )
قلت مدري بس انا ادخل على حقين فلة حجاج
قال ايه المنسمين ( بغيت اقول المنسم حضرتك )
قلت تعرفهم
قال ايه
قلت تعرف ريال فسحه ؟
قال لا والله اعرفوه بس بالمنتدى
قلت وتعرف فلان
وفلان
وفلان
وتعرف الشبث ؟
قال ايه هذا خويي
قلت بالله تعرفه
ياخي هذا مجنون
قال ايه هذا منسم
وانا اقوم امدح الشبث عندوه
( الله العالم اني غثيتوه )
قلت بالله الشبث وين ساكن ؟
قال ساكن هنا بــ ( يعني ديرتوه )
والله يالربع اني خابرن اني بالرياض
المهم قلت الشبث شلون شكلوه
قال طوااايل واسمراني وشبهه ( الله لا يشبهنا )
لا تصدقونوه والله مابهن اي صفه من صفاتي
المهم
قالي ابن الحلال
عبوره
قلت هلا عنوني ( لاحظو الدلع والغنج اللي يذبح )
قال شفتي الشبث هذا اللي تمدحينه
قلت ايوه
قال هذا يشرب
قلت وش يشرب ؟
قال يشرب شراااب
قلت اي وشو شراب
قال شكلتس فطريه
يشرب باااااااايسن
قلت اشوى خوفتني ( ياحليلي يوم اني بنيه )
قال لا صدق هذا خويي واعرفه زين
ولو ما اعزتس تسان ماقلت لتس
قلت طيب اذا هو خويك ويسوي كذا اجل اكيد انت تسوي زيه
( اصلح في برنامج حواري . حجرت للمسكين )
قال لا هو جارنا ولا بيني وبيه شي لانه داشر سربوت فيه مالافيه
( وبهاللحظه خربت اخلاقي )
وانا افصل الاتصال من القهر
ويا اخواني والله العظيم ماني كذا
شوه سمعتي الله يهديه
الحين بالله قولوا لي من بيتزوجني ؟؟
ههههههههههههههههه
وبصراحه ماشفت اي فايده بالشات
وتوبه ماعاد اجيه لا بنت ولا ولد
يقول عليه الصلاة والسلام
( من ستر مسلماً في الدنيا ستره الله يوم القيامه )
وتقلدوا تحيتي
[/align]
رد مع اقتباس
المفضلات