السلام عليكم ورحمة الله وبركاته .....
الله لايصبحكم إلا بالخير والساعة المباركه اللي دخلتو به ماضوعي وزدتوه نور لأنه منور بسبب انه بالفله وهــ يالفله وهـــ
عقب انتهاء المسابقه وفوزي ولله الحمد بالمركز الثاني <_ مو مصدق
اشتقت للكتابه بالفله قطعتنا عنه المسابقه بس ماابعدنا ....
المهم يالربع البارح بوه تمايم ويوم قلطنا على العشاء وانا اجلس بلي صحن بالطرف تخبرون ادخن برا يوم جيت يمار قالطين بغيت انكس شنوح مايتحروني
المهم المهمات وانا اجلس حول الباب بالضبط وهم يتخانقون وغدان وراي يالربع الله العالم بهم عرق صعايده كل واحد يصفق الثاني طراق ولايوخر يمد وجهه واذا وخر يده تحماله المضروب وصفقه
وانا اراعي لهم تخبرون حول الباب ومستانس عليهم ودي اقوم واحرشهم اغديهم حيل يتضاربون حلاته بالدم
وهم يقربون للباب وهو يوقف واحد عند الباب وهو يعطيني ظهره والثاني موقف برا وهو ياخذ لوه يزولي انه بلكه بكبره ماهي تكرمون نعله وهو يهوز الولد اول مره وهو يدنق اللي عند الباب انا قلت ملعون الابو الحين يقطه وتلصق بي وانا ادنق بي خرعه وهو يهوزه المرة الثانيه وانا اسحب اللي جنبي وهو يهوزه الثالثه والرابعه قطه ملعون الصلايب وانا انبطح الا شي بسيط واشوا جاهم المعزب وشال اللي قط النعله مع زلوفه وهو يرضخ بوه دريت ان بهم عرق صعايده
وطرت علي سالفه عقب هالهوشه مبطي يومني وغيد <_ يعني كبير الحين
هذا مرتن بلنا عشاء وقالطين بالصحن اللي ورانا وغدان بس ودك تراعي لهم ياحليلهم
وتخبرون بالعشيان سكوت خلق الله ماتسمع الا طقيق الضروس ...
المهم وهو يقوم حدا الوغدان اتري اللي جنبه حاطن البيبسي وراه وهو يكبه الثاني زعل وهو يقوم ويصفق الليد طراق بالاذن من قوه اذني غدا له صفير وكلن مستحي يقوم يمهم والله العالم ان كل واحد يتحرا الثاني يقوم
وهم يتقاضبون الشوش بسرعه وانا معطيهم ظهري واللقمه حول الفم تبي تدخل وتخبرون الواحد ليا صار العشاء شي يتحمس للأكل وانا اراعي للقمه وابتسم مستانس ياحلوه ماودي اكله
ومنزل راسي وهم يطيحون علي
وهو يدق خشمي بالمفطح
انا بلشت مدري اصيح من الحراره ولا اتنفس وهم فوقي سبع استغفر الله
المهم سحبوهم وانا اقوم الا الرجال كله تراعي لي وبهم اللي يضحك وبهم اللي افتشل تضامنن معي ......
من الفشله مدري وش اسوي أقوم ولا اقعد واراعي للي معي بالصحن وكلن ماسكن الضحكه
اللي غثن يالربع اني كل هاللي صار ومحد قام بس اللهم ان المعزب كان حول الباب وجا وشال الوغدان وقالي بك شي قلت لا واقفى يدب الوغدان ولا واساني
فنصيحه لوجه الله يالربع لحد يقعد بالطرف ياتقعد بنص العالم ولا لاتقلط
تصدقون ياحلو ريحة هكالمفطح للحينه بخشمي
رد مع اقتباس
المفضلات