[align=center]
سنتن من السنين
عزمن واحدن من الشبيبه لعرسن بحايل
وكان عرسوه يوم الخميس
وانا اروح احجز بالطايره ذهاب الربوع والعوده يوم الجمعه
واروح لديرة الشرف حايل
واحضر العرس واعين من الله خير وانا انام بشقه
ويوم جاء من باتسر واصلي الجمعه ومعي اخو خويي ( تخبرون ابن الحلال يبي يسوي الواجب )
وحنا نرجع ونتغداء وقمت استعد للسفر ( يعني اولم هدومي وشنطتي )
وهو يدق جوال خويي
وهو يكلم لوه واحد قال ايييه مرني بالشقق الفلانيه ضروري
قلت خير ان شاء الله يا فلان وش القصه
قال لا مامن شين بس واحد من العيال يبي يمشي للرياض وابيك تروح معوه
قلت يافلان انا رايح رايح بالطايره
وحاجز وخالص
قال اذا على الحجز رجع التذكرة وخذ الفلوس
الوكاد اننا تلاجينا وقت مهو بسيط
وبالاخير وافقت
ويوم خذينا شوين وهو يتصل خويوه قال انا حدر تعالوا
والله وانا انزل انا وخويي يموه
الجزء اللي فوق ودك توديه لقصه وقصيده من برودتوه
بس الحين تجودوا جتكم سليما
نزلت انا وخويي يم الرجال
ويوم جيناوه ليمار سيارتوه سدرك ( لين يلويتس )
وعددهم خمسه ( الضيق بالقبر )
قلت يافلان ماني رايح
وهو ينزل الرجال قال حرااااام الا ترتسب
يافلان
ياعدل
يابدل
مافيه امل الرجال مصمم على رايوه
والله وانا اوافق والشكوى لله
وحنا نتحاشر بالسياره
ورا اربعه
وقدام اثنين
وعلى درج الشرطان واحد رايحن يبي يحضر بالدوره العسكريه ومحلقن موووووس ( صفر )
وغادين راسوه تقل تسلوه
وقبل نمشي شفت الكفر اللي ورا تعبان
قلت يافلان بالله وقف خلنا نصلح هالكفر ولا نشوف لوه صرفه
قال لااااااا هذي الفلانيه ( يمدح سيارتوه )
وحنا نمشي
وعلى الله
ويوم جينا قبل القصيم
وهو يضرب الكفر
وانا اصيح بنشرنا يافلاااااان
يمار خويي ابرد مايشوف
قال ادري
مسوي سواق هو وخشتوه
وهي تقوم تخمس بالطريق ( ستر الله علينا ان مافيه سياره مقابله )
وهي تقوم تلعب بحسبتنا
ويحذفه طير شلوى يمين وهي تنصاله كومت رمل ( مهو لوجيهكم ) بجنب الطريق
وحنا ننشب
اااااااااااي ياوييييلي
اااااااااممممممم يارجليني
وننزل ونتفقد ربعنا
ليمار خوينا ابو تسلوه ناشبن راسوه بالقزاز
وحنا نمسك رجلينوه ونجروه ويالله نطلعوه
وهي تقوم تصب دم التسلوه ( صلعة الرجال )
وهي تجتمع عندنا الناس
واشوى
شغلناه واطلعناه ليمار مابه بلا
ونغير البنشر
ونمشي عقب ما سوينا الاسعافات الاوليه لابو تسلوه ( ربطنا صلعتوه بشاش )
الوكاد يوم مشينا ليمار الجنط حق الكفره اللي ركبناه يرج
قلنا يافلان بالله مر القصيم نبي نغيروه
قال حراااام مانغيروه هذي الفلانيه ( يمدح سيارتوه )
الوكاد وهو يمغطه مع طريق الرياض
ومن الرجه روسنا صارت تقل روس هنود ( يمين يسار )
وهالعالم مهم يبون يطوفوننا يشوفون روسنا على النور
والله لا يوريك انواع الضحك
وعلى ذمة حدا شهود العيان اللي يقول
فيه واحد معوه عيالوه يبتسون وصار ورانا علشان عيالوه يضحكون على روسنا
ومالكم بالطويله
ماوصلنا الرياض الا وحنا مستوين
وعسى الله لا يعيد مثل هكا السفريات
وتقلدوا تحيتي
[/align]
رد مع اقتباس
المفضلات