عجايب بنت الشايب .. مواطنه ..حالها حال البشريه ..

**عجايب بنت الشايب** · 13-05-2008 00:27

[align=center]
السلام عليكم

والله يالأجواد مدري وش اقول غير اني احس اني صغرت عشرين سنه

وأحس اني بالقايله على الجدار .. أكل تونه ..

ريال اعلم ياصغيري انني اجرمت في حقك وتركتك .. ماتدري وين الله حاطك

ولم اترك لك وصيه

ولكن ثق أن الله معك ..

ابو سلطان

ازعجتك .. بطلبي .. ترك الأشراف والتفرغ الكلي والمعنوي .. لأرض المعركه

مع ابي عارف

والضاري والشله السوده

الشله اللي هي في الأصل عقايب الزمن

ولي فيه حديث طوويل من اصل نشأتهم الى يومن هذا

ولكن انا هنا

ابلغكم باني عجايب بنت الشايب

قائدة كتائب الربعات العجبستانيه ضد الشيبان

افتح باب التسجيل لكل من يرغب المشاركه معي

في القضاء على هذه الظاهرة ظاهرة الشيبان ..

وسيتم مراسلتهم على الخاص .. حتى يتسنى لنا تبادل الخبرات

كما افييدكم علماً

بأني انهيت هذا الأسبوع المناهج للطالبات .. حتى ينضمن طالباتي ( بناتي) الى قوافل عجايب بنت الشايب

ورسم الخطه العسكريه

اللي لن يعرفها الجني الأزرق والليلكي حتى ..

هذا ونسأل الله النصره والسداد ..

والتوفيق ..

بدأ التجهيز للحرب ..

طحياتي .........

المواطنه / عجايب بنت الشايب >>جايز لها الوطنيه

**منصور الغايب** · 13-05-2008 00:32

مدام الامر فيه قضاء على الشيبان ..

فانا معك على الرغم من اضطراب سابق في العلاقات

واول خطة .. هي في قطع الانسولين عن الفلة .. وعمل وليمة دسمة يدعى اليها شياب الفلة

وعلى رأسهم ابوعارف وابوطروق .. وعقب الوليمة نشوفهم يرافسون من حلاة الروح

حلو الموضوع ياعجايب ..

رجعنا للحروب .. اين سيفي ... ورمحي .. وسويتس كامري الاصيل ..

**المطنوخ** · 13-05-2008 00:36

أعلن انضمامي الى هذا الحزب المبارك

وأتمنى تسمية حزبنا ( young 4 ever )

**المشرف العام** · 13-05-2008 00:45

/

تصدقين تقل دمّك صار خفيف هالحين ازين من قبل

اول حاسس انه تقيل بالحيل

بزعمه يواسي روحه ومضيف الفله الحين

/

/

والله اني تركك لادارة الفله ، يبي يخلي الحمل ثقيل على ريال الفسحه ، زود عن حمل الريال المعدني اللي اصدروه جديد

يعني ماايدري هو يلقاها منك او من مؤسسة النقد

/
/

يابنت الشايب ، عاد مالقيتي غير الشبث ، تري شعاره دائم [ غلطان يامعاند بحر ] ، امسكي ارضك ولا تخلينه يخلي بعارين ابوك [ شذر مذر ]

،

طلبتيني على غفله وقلت جاك ، وحققت طلبك ،

عاد .. ماودّك تهوّنين

**ريم شمر** · 13-05-2008 00:47

وش قصدتس !! وش فيهم المباحث ..هاه اعترفي وش فيهم

عجايب مالتس داعي وانتي عضوة شرف

احلى واجد وانتي شايلتن العجرا

اما حربكم مااظن اني بدخل فيها

من ناحية انتي مرت ولدي واحبتس واموت عليتس

ومن ناحية ثانيه شيبان المضايف نقطة ضعفي الوحيده

واحسن شي اقعد على جنب وابيع عليكم فصفص وعصير

**عجايب بنت الشايب** · 13-05-2008 00:57

هههههههههههههههههههههههههههههههههههههههه

ياسلام عليكم

حامي حامي

لاهنتم

تعالوا واحد واحد

منصور

اررررررررحب على السعه

المطنوخ

قداااام

ابو سلطان

لاهنت مدري واش اقول اغدي وجهي صار هالكبر من طلباتي

وادري انكم ماترفضون لي طلب .. خوفاً من الأعصار لايجيكم

بس ثق ان دمي بيصر فينتو مو فيمتو الأصلي لأنه ثقيل بيصير فينتوو

ريم أم طلال

ماودك تطلقوني .. انتي وورعتس مابي اصير أسرة

مابي اظلم وغدتس معي .. ولا شاف فيسي عقب الحرب

لأني بحيل الله ناويه على الخشووم وشيء طبيعي لأني عجله اتوقع اطير خشيمي معهم

طحياتي ...........

**ابو ضاري** · 13-05-2008 01:42

نيابه عن القايد الهمام ابو عارف والمساعد الايمن ابو طروق .......

يعطيكم فرصه اخيره لمن تسول نفسه وينحاز مع بنت الشايب عجوبه اللي ماتعرف مصلحته نفسه والانضمام

مع جيش ابو عارف .........واذا ترفضون هذا رد ابو عارف لكم ...........................

ابركها من ساعه وجنيتي على نفسك يابنت الشايب قالت تبي تحارب الشيبان بقياده

ابو عارف...... كملي عدتس واجمعي ممن يتحالفون معك لان ابو عارف يبيك اسيره حرب في ارض

المعركه والظاهر مااحد يبي يحارب معك وانتبهي على نفسك يم شوشه ............

**ابو عارف** · 13-05-2008 08:38

لا إله إلا الله

إندورها بالسماء وجابها الله بالأرض وبدون حصانة إشراف.

إنها عاطلة عن العمل الآن وتبي من يأسرها ويقوم على شئونها.

ولسؤ حضها إن الشايب قد قفل المزاد لكي يقطع عليها الطريق.

يالله بالنصر من عندك على المعتدي مثل نصر السعودية بحرب الوديعه.

أيها القادة العظام أبو طروق والضاري الكرام.

بلغوا كبار قادة إستراتيجيات الحرب الجرثومية بأن هناك إجتماع هام وملزم ليلة الخميس القادم الساعة 2230 Marine time وذلك في القيادة الحربية رقم - 66 أ / 34 ج.

لدراسة الخطط اللازمة والحازمة للقضاء على هؤلاء الصبية المتمردون قضاءً مبرما.

القائد العام أبو عارف وكلمة السر هي ( كةخيشرغعلا-س-5 ظ-7 ) بمعناها المشفر الخادع عصي التزييف والتحليل.

وإفتحو باب التسجيل للمرتزقة من الجنسين من أعضاء المضايف فقط. وحطو لهم عدد 2 بوفيه منفصلة للرجال وللنساء على مدار 24 ساعة ووفروا لهم الملابس الحربية المموهة والأعتاد كل حسب تخصصة وأكدوا لهم بأن الغنايم سوف تكون بأرقام فلكية وستوزع على المشاركين بالتساوي والدعوة عامة.

كخ5/ص هغل-37 هلا10ج01 طغ س-9 بب-45 سثمقنهجغه85ض-78 .

وماتوفيق إلا من عند الله.

**AL-SAAD** · 13-05-2008 09:25

الارهابيه عجايب لقد تم اكتشافك وعز الله اني بترقى عليك

فلقد تم ورود بلاغ لغرفه العمليات عن سرقة احد باصات المدراس ويوجد ستيكر على الباص لدخول احد المواقع المهمه عسكريا وتم التحذير واخذ الحيطة والحذر من ان يتم استعمال هذا الباص لمهاجمة المواقع المهمه حيويا
فأكيد عجايب ناويه تستخدم هالباص لاغراض غير سلميه >>>(ماظن سرقته لشي سلمي)
>>>>>حلو شكل عجايب سارقته ومتلطمه بشماغ ابوها
ههههههههههه

عز الله انك تبين تزورين ابو زعبل وتقيلين فيه بأحد الايام>>>>>>زين انك خلصتي المناهج ولا كان طلبو اعارة مدرسه لطالباتك

الحذر ثم الحذر ثم الحذر فلا تلعب بالنار تحرق اصابيعك

**ابو عارف** · 13-05-2008 10:03

المشاركة الأصلية كتبت بواسطة كلي بكم إعجاب

هههههههههههههههههههههههههههههههههههههههه

ياسلام عليكم

حامي حامي

لاهنتم

تعالوا واحد واحد

منصور

اررررررررحب على السعه

المطنوخ

قداااام

ابو سلطان

لاهنت مدري واش اقول اغدي وجهي صار هالكبر من طلباتي

وادري انكم ماترفضون لي طلب .. خوفاً من الأعصار لايجيكم

بس ثق ان دمي بيصر فينتو مو فيمتو الأصلي لأنه ثقيل بيصير فينتوو

ريم أم طلال

ماودك تطلقوني .. انتي وورعتس مابي اصير أسرة

مابي اظلم وغدتس معي .. ولا شاف فيسي عقب الحرب

لأني بحيل الله ناويه على الخشووم وشيء طبيعي لأني عجله اتوقع اطير خشيمي معهم

طحياتي ...........

-------------------------------
مبروك عليك التحرر وعقبال الإرتباط القسري الشرعي.
من أحد هؤلاء الأبطال الأشاوس القادة المتقاعدون.

سلام ياعجايب بنت الشايب و أم المفاجأءآت الكبرى الغير متوقعة.