الى كل من يفهم في النقدأرجو المداخله

[الوليعي أبوأحمد]

احبتي كتبت هذه القصيد في أحد المنتديات

وقد قال أحدهم أنها غير موزونه دون أن يوضح الخلل فأحببت أن أعرضها عليكم وأستفيد

شبيه الريم قلي وش جرالــك

هجرتيني وانا مبديت سيــه

حسبت الحب يغني عن ريالك

واثر للحب حسـبه جمركيــــه

فقالت لا تحسب انــك لــحالك

أنـــا قلــبي تجـــاره عالــميه

تبي أغليك أكشف راس مالك

وكم منها تبي ترسل هديــــه

اذا بـــالمـــال انــا كلي حلالك

عسى تنفع إذا جــتك الـــمنيه

مدامك سرتي بدرب المهالك

خـذيها خمـــسميه خمســميه

عبد العزيز الوليعي

[((عبدالله بن غيث))]

الوليعي صح لسانك صحيح تعاني من بعض الكسور
والبيت الاول عندك فيه كسر وفيه تأنيث وتذكير..
انت تقول ((شبيه الريم قلي)) العباره هذي مذكره
وباالعجز تقول ((هجرتيني)) هذي مؤنثه

وعندك احرف زائده قد تكسر البيت مثل البيت اللي تقول فيه(( فقالت لاتحسب انك لحالك))الفاء زايد...

هذي وجهة نظري واترك حرية التعليق للي اخبر مني انشالله يفيدونك انا يالوليعي ما انا الا طالب من طلابك انت واساتذتي الباقين..


تقبل تحياتي

[صلفيق]

هلا بالوليعي ..

أنا ماني شاعر .. بس أشوفني تقل ابصير شاعر هاليومين .

الكصيدة أكثر من رائعه ، بس أحس فيها بعض الكسور في الوزن :::

مثل ماذكر أخوي كحل المحاجر ، في البيت الثالث تقول : فقالت ،، هذه الفاء زائدة .

في البيت الرابع - أظن لو جاءت " تبيني " بدلا عن " تبي " لكان أبلغ .

أما بالنسبة للتأنيث والتذكير ،، فهذه صور بلاغية واستعاضات ، أنا لاأرى خللا يعيبها .

لك الشكر والتوفيق ،،،،،،،،، كصيدة ( على رأي الدكتور غسان ) أكثر من جميلة .

[رجال اجودي]

نتمنى نستفيد من اخواننا النقاد والشعار ..


وبالتوفيق ياغالي