لكل انسان مدى يستطيع الوصول اليه ولكنه لايقدر ان يتجاوزه
شئ من نفسي اتمنى ان يرتقي الى ذائقتكم
[poem=font="Simplified Arabic,5,white,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
شدي ركابك وارحلي نفسـي لقربـك عايفـة=ماعاد لك عندي سوى ماللورق عند الخريـف
مليـت انـا كثـر التوجـد واعتـلاء النايفـة=ومليت انا كثرة عذابي دام كل الوقـت صيـف
مليت انـا كثـر الامانـي والوعـود الزايفـة=وازريت ادور لك عذر وانتي جمعتي كل زيف
دام الهـوى فـي سكتـك تيبسـت شفايـفـة=واصبح يبللها ندي الجرح واصـداء النزيـف
ومـادام تقطيـر المواصـل والجفـا متكايفـة=وش لي انا بكثر العذاب وفتنة اللبس الرهيـف
اخترت بعدك دام منتي فـي خفوقـي رايفـة=وبلعن خفوقك كلما هب الهـوا او لاح طيـف
لنـك قتلتـي كـل حـب ٍ بالسنيـن الطايفـة=ولنك وأدتي كل مافيني مـن الحـب العفيـف
والله غريبة كيف نفسي فـي وصالـك هايفـة=رغم البساتين الرغيدة حلمها كسرة رغيف..!؟
والاغرب ان القلب منـك ماحسـب حسايفـة=يعني اجرحيه ويتبعك والعاقبة عنـد اللطيـف
اقول...روحـي عـل قلبـك يقتفـي ولايفـة=وانا بروح وعلنـي القـى لصدماتـي وليـف
روحي ... وروحي قبل بعدك مثل مانتي شايفة=ماهمهـا انتـي هنـا ولا تعديـتـي جنـيـف [/poem]
وراحت
راحت بلا ضيق وكدر
وانا اتحرى هالسراب المنتظر
يمكن تجي .. يمكن تعود وتعتذر
لكن بلا اية أسف ..!
طال الصبر
بدر بن دحيم
رد مع اقتباس
المفضلات