[align=center]
[poem=font=",6,white,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ياحروفـي علّلينـي دامنـي حيـل متضـايـق=واوقدي شمع المشاعر واكتبي همّـي قصيـده
في فؤادي ياحروفي مثـل مضـروم الحرايـق=كل ما قمـت استخــــــفّـه قامـت الدنيـا تزيـده
شابت جفون الليالـي ماوفـت لـي بالحقايـق=عن امورٍ حيّــــــــــرتْ فكـري .. وأسئلْـةٍ عديـده
عن تبسّم ثغري المدفون فـي حـزن الخلايـق=عن تهــاني عيد عمري عن فرح عمري وعيـده
عن زهور احلامي اللي موّتتْ وسـط الحدايـق=عن فــؤاد اوناسي اللي كـان يسقينـي وريـده
عن ركايب حظي القاطن علـى عِـدّ الوفايـق=وش بلاهــــــــــــم ثوّروهـا وانتـووا منـزاح بِيـده
اذكر اني قمت اطاردها مدى جهـدي واوايـق=كل ماوافيــــــــت رجمٍ واصـرخ بصوتـي واعيـده
ليما حدّتنـي العوايـق .. قاتـل الله العوايـق=واشتـــكت رجلي حفا الرمضـا وبيّدنـي وقيـده
وين راحت .. وين نوّت .. ويش سالفْة البوايق=اللي طاحت في سموعي منها جملـه لا مفيـده
مـدري والله والحكايـه ماخـذت الاّ دقـايـق=كنّهـــــــا حلـمٍ جميـل ٍ ختمتـه صـارت نكيـده
عقبها ادمنت اعدّي في حجا الميهـاف ضايـق=اتعـــجّب واتحسّـب مـن شقـا الدنيـا العنيـده
تطلع الشمس وتغيب وخاطري ماهـوب رايـق=تطلع الشمس وتغيب وولحظتي ماهـي سعيـده
خبت ياحظي علامك خنـت مرسـوم الوثايـق=اشهد انك كدتني وابدعت فـي حبـك المكيـده
كنت اظنّك للمواصـل لآخـر المشـوار تايـق=واثرك مـــــزون الخريف اللي سبا قلبـي رعيـده
بان غيبك قِدِم عيني وانجلت عـوج الطرايـق=ومن فضـــــــحه الرب صعبه يستر العـورات بيـده
إغتبط لا ساق دمعي من على الخديـن سايـق=وانبــسط لا طق سمعي جرتـي صـوت النهيـده
انتهيت وْلا بقى لي في سـراب العمـر شايـق=غيـر ذكــــــــــــراي القديمـه .. والأمانـيّ البعيـده
[/poem]
خالد
انت ذو مشاركات " 15 " ولكنك وضعت مالم يضعه
الكثيييير ..
من رأيت اسمك وانا اعلم ان خلفه نص رااايق جدا
وجميييل لابعد الحدود ...
كنت من متابعين نصوصك والان سجلني من ضمن
عشّاق حرفك يالغالي
\
صح كلك وصح لسانك
[/align]
رد مع اقتباس
المشاركة الأصلية كتبت بواسطة خالد الوقيت
المفضلات