ضربت يوسف <-- مجرمة
كنت توني راجعة من السوق ومستانسة بالنفنوف (الفستان) الجديد
رحت على طول اجربه واتمشى فيه
شوي والا يوسف جايني ومعاه عصير
قلت له وسوفي حبيبي وخّر بيدك عصير
ويقرب مني ولا كاني قلت له روح
شوي والا يقط روحه علي والعصير ينكت على النوفوف
لا شعوريا والله صرخت عليه وطقيته
طقة خفيفة والله ما تعور بس انها اول مرة اطقه وآخر مرة اكيد
يطالعني وهو منصدم وينقلب وجهه لهذا <--
والله نفسه بالضبط ما بجا (بكا) بس يطالعني وهو زعلان وخانقته العبرة
انا انصدمت من شكله قلت له وسوفي حبيبي تعال
انا بس قلت جذي وهو يبدا بالصياح <-- تذكرت شكله (ايوقنة عيون غرقانة دموع)
قلت له تعال ماما
قال ماني ماني وراح لابوه
وانا هني بجيت واقوم اخمه وابجي ويوسف فديته يبجي
حسيت اني مجرمة والله
حسيت اني ما استاهل اكون ام
والله كانه مشهد النهاية بفلم هندي
طيب الحين بعد هالقصة الحزينة ابي رايكم يا جماعة
خصوصا اللي عندهم عيال او عيال خوات او عيال اخوان
المهم
انا ولدي شيطان وما ينفع معاه الخناق والزف
والضرب ما يطاوعني قلبي بعد هذاك اليوم مستحيييييييييل
شلون اقدر اعدل سلوكه؟
خصوصا اني اضطر آخذه معاي بجمعات الاهل
يوسف اسم الله عليه مزعج وعبث حيييييييل وما يخلي غرض بمكانه يحرجني دايما
علما بان عمره سنة ونص
رد مع اقتباس
المفضلات