الرجال لحال والحريم لحال

**ريال الفسحه** · 06-05-2008 22:03

حيالله الغالي شنقل ..ياهلا والله بهالطله

\

جيت مرحب به في مضيف فلّة حجاج

**مناكد** · 07-05-2008 06:35

[align=center]هذي المشاركة الثانية بموضوعك يابو ماجد واللي كلوه بركه اللي شفنا اسم ابو أحمد به...

هالمشاركه ياطويلين الأعمار صراحه ماهي من عندي هذي اوحى لي به الرفيق شوشو قالي عنه مع هالصبح الا وهي!!!

ليه مايخلون بس الحريم الكبار يسقن؟؟؟

لأسباب منها:
هناك إحصائيه تقول ان السحالي أطول أعمار من المساكين التماسيح...وان ماقضت عليهن السيارات مارايح ينقرضن!!!
بالأول يفطسن من الأمراض وأثناء الولاده...هالحين الحمد لله لا أمراض والولاده عسى الوحده ماتقول أأأهههه الا قالوا قيصريه وكم يوم وهي مثل البغل!!!
اللي متوذي من عجوزوه ويبي فرقاه يشرط له راعي دينا ويطلع له عرض ويرثع به...
يسلم الواحد من كثرة طلباتهن اللي ماتخلص...ود...جب!!!

لا ويقول مستر شوشو وهو صاق ان التعليم على كبر خرطي يعني تقرب من عند سيارة الوحده مايرده الا الشارع الثاني هاربه!!!

هذا وتقلدوا تحيات شوشو...[/align]

.

**يـــوسف** · 07-05-2008 22:10

تقل شفت نك شنقل

الله حيوه

الشبث خلهن يسقن غدي هالشباب يعلمونهن ان الله حق خلهن يعرفن قيمة الحشمه والستر

يقولك النظام حق قيادة الحريم لازم تلبس نقاب يعني مسوين شي الحين

ماقلت لنا اللي حامل وش سوا ولد ولا للحين

ريم وشو عمليه قيصريه وش تخربطين انتي ......؟؟

أنا عانس ياريم توي لاحقين

**حمـود** · 08-05-2008 02:25

ـهههههههههههههـ

الله يقلع ابليسك يا شبث

تخيلت شكلي وان حامل

اما انا معك بحمله صدم الي يبن يسوقن

**الشبث** · 09-05-2008 16:02

[align=center]الاخوان

حمود ويوسف وريالوه

تسلمون يالغالين على هالمرور

وتقلدوا تحيتي[/align]

**((عبدالله بن غيث))** · 11-05-2008 01:27

رائع كالعاده ماعاد نمسك ببطوننا من الضحك..

**ضـحـكـــه** · 11-05-2008 09:01

مرحبا كيفكم اول مشاركه لي معكم هنا

على طول رزيت خشتي في هالموضوع

اسلوبك ممتع ومضحك صدع راسي من الضحك

سالفة السواقه هذي دايم تنرزفني بس اول مره تضحكني

بس فيه سؤال محيرني وذابحني من سنين

الحين سامحين لنا نمشي في الشارع عادي

نركب مع سواق مدري وش دينه برضو عاااااجي

بس نمسك الدرسكون ونسوق لااااا ممنوووع

سؤالي / هل المشكله في الدركسون ماعجبهم شكله مايناسب

الحريم؟؟ مثلا ً يعني

علمونا.... نغيره يعني يعني

والا المشكله في مرتبة السايق؟؟ مثلا ً مثلا ً يعني

انا مفكره اصمم سياره للحريم وانشاالله يعجبهم التصميم ويوافقون

وساعتها بفحط قدام الشبث اخلي تسبده تنفقع مضبوووط

**الشبث** · 11-05-2008 17:25

هلا بالاخ كحل المحاجر

وتسلم على هالمشاركه الطيبه

وان شاء الله اكون عند حسن ظنك

الاخت ضحكه

الله يعطيتس من اسمتس الكثير

اما سالفة انتس تبين تفحطين علي

ههههههه

بدري عليتس

والله لا اتلولس بفرتس واصير انا وياتس مراح بدو

هههههههه

شاكر لتس مرورتس الطيب والمرح

وتقلدي تحيتي