أحلام الليل يفسرها النهار .؟!

[أهداااب]

هلابك أبو عارف

150 ريال لتفسير الحلم الواحد موش بطال لكن كثير شوي

هي موعلى قيمه الحلم الواحد

حسابي قايم على مبداء لو كل يوم تدفع 150

لتفسير حلم واحد كم يكون المجموع أخر الشهر

حولي لي 100 ريال فقط لتفسير الحلم الواحد وعطي أمك رقمي أو إسدحي لي الحلم هنا وأزهليه إعتقد هذا العرض موش بطال.

مش بطال مررره

طيب ممكن أرسل لك الحلم على الخاص

بس الحلم الأولى يكون تفسيره مجاني

نجربك يعني وأذا عجبنا تفسيرك

صرنا لك زباين

الله يخلي لك أمك وأبوك أهداب صج أمك مدمنة تفاسير أحلام.


تطيبي بتحياتي

اللهم و آمين

مدمنه وبقوه كمان

شاكره لك ومرورك وتعليقك

ودي لك

[أهداااب]

هلابك ملامح

أهداب ..

لا تعتمدين على الكتب بتفسير الاحلام ..

لان مدلولاتها تختلف من شخص لاخر .

يعني اذا مثلاً شفتي غيمة بالحلم , تفسيرها بحالتك بيختلف عن حالة امك الله يخليها لك اذا شافت

غيمة بالحلم .

الاحلام تنقسم حسب علمي لـ : أضغاث أحلام , رؤية لها دلالة , رؤية المستقبل بشكل واضح ..

هذا والله أعلم .

كلامك صح

وكمان أكثر الكتب من قبل قرون وفي تفاسير لأشياء مو موجوده بحياتنا الحاليه

وأحياناً نحلم بأشياء ما نلاقي تفسيرها بهالكتب

مثلاً السياره عجزت أدور تفسيرها بهالكتب لأنها مو موجوده سابقاً

ما حبيت امر على موضوعك بدون ما اعلق ..

يعني الشغله مجامله

شكراً لك

وشكراً لمرورك وتعقيبك

ودي

[أهداااب]

هلا والله بلولو

*

*


اهداب


الله يخلى لك الوالده

بس ليتك تساليها كيف تتذكر الحلم

ما احلم حلم الا يطير اول ما اصحى من النوم

وما يبقى الا احساس بضيق اذا كان مزعج او شئ من راحة اذا كان حلو

حالتك مثل حالة زوج أختي

يقول من يرفع راسه عن المخده يطير كل الحلم

أحمدي ربك أنه يطير ومايبقى غير الأحساس فيه

لأنه ممكن يشغل تفكيرك طول اليوم وش لون تفسيره

مثل حالة الوالده

لكن بحالة الوالدة هذه يصعب كثيرا الركض وراء تفسير الاحلام

وهذا انتي قلتيها

اما بالنسبة للبرامج والقنوات الخصة بهذه التفاسير ما اراها الا موضه مثل الدجل والشعوذة

واذا دققتِ قليلا فى الردود على المشاهدين تجدى ان اغلب التفاسير متقاربه ولكن تلاعب بالالفاظ

والمعنى واحد

العملية استغلال وربحية فقط لا غير

كلامك لاغبار عليه

فعلاً أغلب التفاسير وحده لكن تلاعب بالألفاظ

وأكثرها لنساء تحديداً : حسد ، عين ، زواج ، مولود ... الخ

وهي أساساً لربح المادي

ولو أنهم مو محصلين ربح كان ما شفتي أغلب القنوات

الفضائيه ماشيه بهالموضه

موضوعك جميل مثلك اهداب

تحياااتى لك وللوالدة

مرورك كان أجمل

لاعدمتك لولو

ودي وأكثر

[أهداااب]

هلا ريموووو

GOOD MORNING

صباحك شوقر ياهدوبه<<<ماسكه معي ايطالي على الصبح

GOOD MORNING

وانا بعد ماسك معي الأنكلش مع الصبح

اولا اللي عند الوالده لله يخليها لك هذي حاله مؤقته وراح تمر اسأليني انا

بعدين الحلم بما معنى الحديث انه على جناح طائر اي تفسير له يتحقق

فأحسن قولي خير وطنشي

تهقي كذا دكتوره ريم فترة و تعدي

الله يسمع منك

وكثير من المفسرين قالوا انه لايصح تفسير الحلم اكثر من مره

فقوليلها ياماما ياحياتي اذا ازعجك الحلم اتبعي جديث الرسول وانفثي عن يسارك ثلاث

وتعوذي من الشيطان وان عجبك استبشري به خيراً ولا تذكر الحلم اللي عجبها امام من تكره

كلامك صح

لأنه ممكن هالشخص اللي يكرهك يحسدك أذا كان الحلم فيه دلالة خير

اما المفسرين كثرتهم توتر وماعاد تعرفين وين التفسير المضبوط

كل واحد يعطيك تفسير

وانت عاد أختاري اللي يعجبك

اهداب ممكن لقافه صغيره:خلصتي مدرسه؟وليش قاعده في البيت؟

انا سلمك الله مخلصه كليه لي سنه

وأحتري الوظيفه اللي ما هقيت أنها تجي الأ بالأحلام


شكراً ريم

مرور زي العسل

لاعدمتك

ودي

[أهداااب]

هلا بو طنخه

من قلة احلامي ليا حلمت صار بالبيت زعزعه <--بلا والله لانك جنازة بالنوم منت يم الاحلام

هههههه

وفي أحلا من النوم لصار بدون أحلام

ياحلمت حلم ما اهتم كثير لتفسيره وافضل اني ما اهتم

لان ان كان خير ربي كاتبه لي بيجيني لامحالة

لكن ان كان شر بيضيق خلقي وبكتئب وانا انتظر متى يصير!!

فا تفسير الاحلام مع انها من العوالم اللي تشدني الا اني اخاف تعيشني بحالة من القلق اذا كان تفسير الحلم ضيّق خلقي

انا معك بأنا ما نصير مدمنين تفسير أحلام لكن

ممكن أذا عرفة تفسير الحلم خير تستبشر خيرو تحمد ربك

وممكن يكون الحلم فيه رسالة تحذير من شر أو البعد

عن طريق خطئ حنا ماشين فيه

فالله سبحانه ما خلق شي الا وله حكمه فيه

وعسى الله يحفظ ويخلي والدتك لك يا اهداب

وشيخه فدوة لها والله 10,000 اذا كان هالشي يسعدها

اللهم آمين


يحفظ لنا كل غالي علينا


مشكوور على المرور


ودي لك

[الشاهري العبيدي]

تفسير الاحلام والرؤى اضحت شغل من لا شغل له


بصراحة الي حاصل مهول وشئ غير صحي


الله يعوضكم خير

[العَـــروب]

اهدااااب

انا نفس الوالدة الله يحفظها

كل الاحلام لها تفسير عندي
بالذات الاحلام اللي تجي باوقات اكون فيها مترددة بشي معين او افكر بامور جادة

دايما اربط الاحلام بالواقع


اقول ونسيها الله يطول بعمرها فسريلها كل احلامها لين تحس انها راضية



دمتي بود

[ماجدالزوبعي]

مــرحبا هــدووبة ..

يسـعدلي هالصبااحووو كلكـووو..

انــا اقووول لـــو تفتحيــن انتي وامــس قنــاة لتفسـير الأحــلام وتقعدين انتي

ويـاهـا تنفسرين الأحـلام وتمخمـخن على الحـلم الواااحد مثــل حلمـ امكـ الله يخيلها لكـ ..

كــان والله العالم انكـ بظـرف سنة وحدة تبين تصـيرين انتي وامك اغني من (( أوبــرا )) <===mbc2

حطــي الفكرة بــراسك<+++

شــوفي ترى انا ادخل بالنص معك اذا سويتي القناة..<== خشــير

سلــمـت هالدياات تفــسير حلـم امـكـ..

[ريم شمر]

[ أسأل الله أن لا يشغلنا عن ديننا الا بما فيه خير لنا و للأمة الأسلامية ]

اللهم آمين

طرح جدا جميل وراقي ياغاليه

وهذا الزمن من اعجب الازمنه فقد اجتمع فيه مالايجتمع في غيره

الحقيقه مع الخيال والنصب والاحتيال ..وكل مايقال ولايقال ,,



هدوبه بجد منوره العام ...لاتحرمينا من طلتك

[الغمام]

الله يسلم والدتك ويحفظها يا رب

مررت قبل فترة بما تعاني منه والدتك ولكن البحث توقف عند حدود ابن سيرين ولم يتجاوزه

وكنت افسر وأجلس الساعات أفك رموز معجم ابن سيرين ومابه فايدة

لكن

أستفدت أن تعبير الحلم لابد أن يكون على شخص محب / وأن لا يتعدى الرقم واحد

لأن كثرة المفسرين تذهب بنا في كل واد

~ ~


تسلمين يا الغلا على طرحك العفوي وجمال عبارتك

تقديري