ادري اني مصخته
كل شوين منزلن سالفه
بس ما اخليكم ليما تجي عجوز الفله
نخش بالسالفه
كان ياما كان
واحد من الشباب
( بالله تركيز ياشباب )
طويل الجسم
والرقبه تقل رقبة ظبي
وهو مؤدب ويعجبك
المهم ان هالشاب انف الذكر بوه عيب واحد بس
وهو انوه مقرود قراده تبتسي
المهم
في يوم من الايام كان اخونا في الله ماشي على رجلينوه بقريتوه الصغيره
وشاف واحدن من ربعوه زمااااااان ما شافوه
وكان هالرجال اللي شافوه خوينا راتسبن سيارتوه الكادلك ( نوع من انواع السيارات )
وكان كبير بالعمر
ويوم وقرب لوه خوينا هذا
ومن حبابتوه وطيبتوه واحتراموه للرجال الكبير
قال لنفسوه ابي اسلم عليه وهو بالسياره ما ابيه ينزل
( روح رياضيه تبتسي )
وهو يتسفت على الشايب ويمسك باب السيارة ( علشان مايفتح الباب الشايب
قال خوينا بالخير يابو فلان
وهو يدخل راسوه مع الدريشه
وكانت الدريشه مفتوحه للنص بس
الشايب يوم شاف احترام الشاب الوسيم لوه
قال بنفسوه ابي ابادلوه الاحترام والروح الرياضيه ( يعني مزارق طيب )
المهم جاء الشايب يبي يفتح الدريشه كله ( نوع من تبادل الاحترام )
وهنا بداء الوضع يتبدل
الشايب بدال ماينزل القزاز رفعوه
وهو يسكر على رقبت الشاب الوسيم
وهو يقوم لوه صياح الولد لا يابو فلا تكفا يابو فلان
الشايب من الربكه مايدري وش يسوي
وهو يرفع رجلوه عن البريك وهي تمشي السياره
وهي تقوم تجر الشاب اللي كاااااااااان وسيم
ومن الربكه بعد
وهو يوقف الشايب السيارة وهو يفتح الباب الباب
وهو يقوم يصيح الشاب
يابو فلان خلاص لعنننننت جدفي
ويالله يتماكنونوه ويسعفونوه للمستشفى
ويحطون جبيرة على رقبتوه اللي كانت مثل رقبة الظبي
وهالحين متعفطة يالله من فضلك
وبالمرور لمكان الحادثه
تشوف اثر السيارة ومجاغف كراعين الشاب اللي كان وسيم
وخلوا مزارق الطيب
تروه ماينفع
ان شاء الله تكون مفهومه اللهجه
وتقلدوا تحيتي
رد مع اقتباس
المفضلات