سنة النامس

[الشبث]

مساء الخير والاشواق والطيبه


وكل عام وانتم بخير







بمناسبة عيد الضحيه اللي طاف <<< مبطي علموه بالزقرت






وابشركم اني طيب





ومشتاق لكم





وابشركم اني ركبت الدي سي ال



وكل شوين رافشن بهذا








ماعلينا


نجي للمهم اللي هي السالفه







واقول


حنا يا اخوانكم يا اهل الرياض نعاني معاناااااااة قشرى من النامس


وما ادري عن المناطق الثانيه هي مثلنا ولا لا



ومنكثر ما انا منقهرن منوه ابي اسمي هالسنه سنة النامس






والله يالربع هكا اليوم عزمن واحدن من الربع بأستراحه


والله وهو يكشخ شبيثان ويروح يموه



ويوم جلست وتقهويت وهو يقوم يفتر النامس على راسي

الله يشرف الكعبه تقل يطوف هو ووجهوه

وهو يفتشل المعزب قال والله يا شبيثان هالنامس عندنا منا كثروه

قلت يابن الحلال عندنا وعندك خير


وانا اسولف وهي تستغل الموقف وحدتن من هالنامس وهي تزرق بفمي


وانا يا اخوكم مندمج بالزلخ ولا حسيت الا يوم كمخت لهاتي



وانا اسكر افمي عليه ( استحيت من المعز المسكين اللي فيه كافيه )


وهو يقوم يسولف معي وانا بس اهز راسي


وملعونت الجدف تفحط بفمي


الوكاد وهي تولي مع الحلق


قلت بقلبي يا ولد خلن افتح افمي اخليه تولي الله ياخذه



والله وافتح افمي واتحرا وانتظر ابيه تولي بس ماش



واقل اححححح



احححححححح




ابيه تطلع بس ام الشباب فالته داخل





وانتظر ليما طلعت






ويوم جيت بلي برحه لا حولي ولا حوليي وانا اوقف وانزل قلت مافيه يا ذابح يا مذبوح




والله الا تطلعين




وانا اقول احححححححححححححححححححححححححححححححح



اححححححححححححححححححححححححححححح




ليمار الملعونه متجوده ماتبي تطلع





قلت والله ما اخليتس اليوم




وانا اسكت لي شويييييييييييييين ليما هقيت انه امنت وارخت يدينه


وانا اتغفله واجيه على غفله


قلت

احححححححححح


وهي تنقزز قدامي


واللي قاهرن ان به حياة



قلت والله مقاس النعله ( الله يعزكم ) الا يطبع على بطنتس يالمروحه





ويوم جيت البيت

وهي تنطحن ام شبثي قالت الحق يا شبث العربان


قلت ابشري يا شبثتي


قالت تعال شف شبووووث ولدك


ويوم جيتوه ليمار صابروه غادين مرنقط


قلت وشبلا ولدنا غادين تقل **** وحشي


قالت والله من النامس


قلت انتي بس وريني وحده من هالعلوج وازهليه


قالت يعني وش تبي تسويبه



قلت علي ماعلي الا اذله ( وش عندوه الولد صايرن ابو شهااااااب )



وحنا نسولف وهي تمر هكا الوحده من بيننا وبوجهه على شبوثني وهي تورض على خدوه



قلت عاد هذي ابي امسكه حية


والله وهو ينصر الله عليه وامسكه حية

وانا اقطع منقاره اللي تقرص بوه




وانا اطلدزه



قالت ام شبوثي ليه اطلقته


قلت مهو بس كذا

واي وحده راح امسكه راح اسوي به كذا


قالت وش الهدف من كذا يا شبثي



قلت يالغاليه الهدف اني اذلهن واخليهن بدال ما يقرصن يجن ويبوسن خد شبوثي












والله يتسفينا شروه







واسف على الاطاله









والف شكر لاخ لي وقف معي بأزمتي يرفض ذكر اسمه



تكفون ادعوا لوه








وتقلدوا تحيتي

[ابو عارف]

هلا والله بالشبث الغايب الحاضر

الحمد لله على السلامة وعوداً حميداً ياشبيثان.

آمنا بالله تقول هالي يصلون إستسقى يطلبون نامس هالسنة والله إنك صادق منا كثره بكل مكان لذلك خالتك عجايب طرحت مسابقة لأفضل مبيد للحشرات وبعد الدراسات والتجارب وجدنا إن أفضل شيء هو بف باف على الأكتاف للمعلن والموزع ابو عارف.


فماعليك إلا أن تتابع المسابقة وتصوت للشايب بالمسابقات القادمة ويموت نامسكم على طول.


هذا وتلولس بتحياتي وتلهلم بأشواقي.

[عجايب بنت الشايب]

هههههههههههههههههههههههههههههههه


حسبي الله على بليسك


تغيب تغيب

وتجي تحشرنا بموضوع .. يكسر مجاديفنا ضحتس


ياشيخ روح منك لله .. حرام ان هالمواضيع ما تعرض بدزني


هههههههههههههههه

لي نكسه بالتفصيل



بس هاللحين







طحياتي ......’’

[أبوطروق]

أهلا وسهلا بك ياشبيثان في مضايف شمر وأرجو ان تفيد وتستفيد


انت فين ياراجل والله لك وحشة يابعد حي ولا تعود لهالغياب

تصدق بحثت عنك بقوقل وياهو ونشدت عنك (ويكبيديا) ولا لقيت لك أثر
انت وين كنت؟


بالنسبة لموضوع النامس والله ياخوك بلشنا ولا ندري وش نسوي لاينفع بهن مبيدات ولا كفش وتصطير وإذا ذبحت واحد يجنك عشر انتقاما لملعون الأبو

والظاهر مافيه إلا طريقة الإذلال على قولتك وخلهن على قولة المصريين (يموتن بالحياه)


وبالختام لايسعني إلا أن أقول:-
شكرا شكرا شكرا أيها الشبث الكريم ولااااتصالح

وتقلد شكري

:

[الشبث]

[align=center]هلا وغلا باخوي الغالي ابو عارف


وتسلم يابعد تسبدي على هالمرور الطيب









هلا بخالتنا الغالبه

انتظر عودتس






اخوي ابو طروق


حياك الله


وغيبتي غصبن علي يالغالي



ولكن ان شاء الله ماعاد فيه غياب



يعني ابوذيكم







وتقلدوا تحيتي[/align]

[احمد الويباري]

عدت والعود احمد << احمد ولا صعفق
<<< من شباب التسعينيات المتخلف

عز الله انه بلشه هالنامس
وملعون الصلايب مايتسلط الا على الوغدان

ياحبيبي ياشبيثان الصغير
غدى تقل خبرز تميس الله يخليه لكم

كالعاده موضوع مميز اخوي الشبث

كل التحية لك
احمد الوبيري

[ريال الفسحه]

\

اولا


جابك الله يالمقرود وحياك الله يابوماجد

::


ثانيا


بما انك ركبت دي اس ال هذا يعني اننا ماراح نعذرك
نبي نشوف خشتك يوميا


\


ثالثا



نبيك تحط صورة ماجد نبي نشوووفوه هالي خايفن عليه
من الناموس


::



نرجع للماضوع


والله بالنسبه للناموس والذبان كلهن اوذننا ووالله العظيم ان
الواحد عاف العيشه



حتى الذباب ملعون العصب تغيّر مهو زي ذباب الاولين من تهشه
يروح هذا تهشه وتحب خشمه ومابوه امل يتحرك هالتسلب



\


ع العموم شوفتك تسوى كثير ولاتبطي بالتالي







شكرن ابوماجد <-- تحس انك ثقل

[يـــوسف]

ياعيشت الشر والشرير أجل زارطن لك بقه




يعطيك العافيه يالشبث على هالسالفه ........

الظاهر شدوق شبيثان الصغير يغرن البق مدلقمات


وعسا الله يخلي لك شبثك الصغير

[ريم الصمان]

[align=center]هههههههههههههههههههههههههههه

والله يابو شبوثه انك غير<<<<<<<<<<<<الشبث غير

الله يرج راس ولد خالة عم ابوك

قاعده انا والبنات نقرأ وحده منهم فحطت وماتت



شفت نامس الرياض صاير كانه ذبابه من العافيه

ابرجع[/align]

[ابو ضاري]

أهلا وسهلا بك ياشبيثان بين ربعك واهلك
ذبحنا الناموس مايخليك تحك اذنك له ورير عند خشمك ....
ماعليك الا تشتري بف باف ابو عارف تراه يذبحه